Kòloshìan 1:4 - To kə Kəzə̀ kə̀ Fughu ko

⁴ Ghàʼ enyə ghəəŋ tsə̀ghà bòʼ aŋghəa ghàʼ mò zuw tsughu enyəa ghɛ̀ gaʼ fə̀ŋ a zəŋò Kə̀lestò Yɛso, àsùghò bòʼ ləgha zəla ghɛ̀ ki â ghì a Kəzə̀ ghò a dzə̀m.

Kòloshìan 1:4 Iomraidhean Croise

2 Kòlentìan 7:7

Fə̂ŋ taʼa tə ka fə ka nyə ko aŋghəa Taetùs mò bugho tɛ̂ a vʉ̀a ghàʼ, à fə̀ lo sugho aŋghəa ghɛ̌ fə̀ dzə̂n sugho fə̀ŋ è wən a te, aŋghəa ù mò dzɛ̂ wô ghaʼ ghəa ghɛ̀ ləmlo alekòʼ mùgho, dìi èghue am fəgha kəla ghɛ̀ mò ghəŋlo, mùʼù â mbuuw mò alefwàʼ fəgha kəla mùgho mò dzɛ̂ naŋā, mùghò ŋ kòom fə̀ghaan duʼn səso tsughu enyə.

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Efɛsùs 1:15

À lǒ bòʼ ghəa ghən à dzə̀m Zə̀ kə lo mo kə m fwàʼ àsùghò alekaʼā nughù wô aŋghəa mùgho mò zuw tsughu fə̀ŋ zəla ghɛ̀ gaʼ tsughu a zəŋò Mughu ù te Yɛso àsùghò ləghaa zəla ghɛ̀ ki â ghì a Kəzə̀ gho a dzə̀m,

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

Kòloshìan 1:9

Zə lo e ghee, alenìi nughù wô an tsuʼ fəla ghǎʼ mò zuw tsughu zwɔ̂ŋ wɛʼɛ wo a te, ghàʼ kaām bughu naŋa kòʼ alegɔ̀ŋlò an tuw wɛʼɛ enyəa Zə̀ kə̀ dêe wô ghɛ̀ â ghəa gho a dzə̀m kə ləghaa enyəa ghɛ̀ è ghəŋlo, kə fughuu sughò ghɛ̀ â tɔ wo, ghɛ è zuuwkɛlɛ sugho ghəa ghəla Zuʼ tə̀ Zɔlɔ tə fughu â ghɛ̀.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

1 Tɛ̀sàlonìan 3:6

Yìa a kuūwn bugho êzəŋ wəla Timotì lǒ mò ù n nùghù tsughu fì a vʉ̀a ghɛ̀ bùghò kòʼ wò ghàʼ ebàm, ù m bùghò kà màm tsaʼ kə̀ saa ko am fə̀ŋ taʼa kùu boo zɛʼɛ̄ àsùghò ləgha zəla ghɛ̀ ki aŋ ghùe zɛʼɛ̄, ndòʼ dzɛ̀ wò sùghò enyəa ghɛ̀ moʼn zěe nù ghaʼ an fə̂ŋ è dzûŋ mbùuŋ sùghò alekòʼ ghàʼ, tò aŋ ghəa ghàʼ mbûŋlo alekòʼ ghɛ̀.

2 Tɛ̀sàlonìan 1:3

Waazə̂ ghaʼa gho, ghàʼ ki alefughuu zɔ̀ɔŋ kò â Zə̀ kò nəgha tən tə̀ dzə̀m, mo e ŋgəmso dzɔ̀ɔ nù aleghəŋlo èzə̀ tɔŋlo enyəa boo zɛʼɛ̄ àsùghò ləgha zəla ghɛ̀ ki aŋ ghùe zɛʼɛ̄ ŋgee noom nù.

Filemùn 1:5

Nu Ǹ zuuw nù ləgha zəla ghù ki a zəŋò ghì a Kəzə̀ ghò a dzə̀m, yìa Ǹ zuuw sugho aŋghəa ghù gaʼ fə̀ŋ a te a zəŋò Mughubè Yɛso.

Hibùlù 6:10

Zə̀ kə̀ lo tsəghatsəgha, kə yo dzə̂ alenìizə̂ fwàʼ kə̀la ghɛ̀ mò fwaʼ ŋkāa ləgha zəla ghɛ̀ mò de tsughu â wə̄n tɔɔŋ Kəzə̀ an yoso zəla ghɛ̀ mò fughu â ghì a Kəzə̀ à li gho, ghɛ̀ yia naam fughuu ko êzəŋ.

1 Dzɔ̌n 3:14

Sɛ̀ kwo nû enyəa sɛ̀ n sə̀ nùghùu wò aŋ kɔ̀n kə evʉ̄, tsə̀ghà wò am mùghù zəla e doʼò tən, bòʼ enyəa sɛ̀ ləghaa nù waazə̂ a sɛ̀ ghò. Ghùw wəla ù ləghaa yo waazə̂ ghò, ù fi nǎam lò ko am fàŋa kə evʉ̄.

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

1 Dzɔ̌n 4:16

Ghue u eghùe e sɛ̀ zəa e kwo, boo fùghù tsùghù sùghò an ləgha zəla Zə̀ kə̀ ki a zəŋò sɛ̀. Zə̀ kə lo eləgha, ghùw wəla ù mùghū alo e ləgha lo ghèe Zə̀ kò, Zə̀ chìa kə ti sugho ghèe wə̄n.