Kòloshìan 1:29 - To kə Kəzə̀ kə̀ Fughu ko

²⁹ Zə lo e ghee Ŋ̀ kûu dzəlà tsughuu sə̂ŋ zò alefwàʼ an daʼa kəla Zə̀ kə mò fughu à mùgho, kəla kə fwaʼa a zəŋò mùghò.

Kòloshìan 1:29 Iomraidhean Croise

Lûk 13:24

“Də̀ma tən tsughu nlò aletsə̀ghàa nyə am fanso fə fù u ndughu, nu Ǹ so Ǹ dzâa wô â ghɛ̀ enyəa, ndə̀m è àghì kè lə̀ghaa nù aletsə̀ghàa nyə, dzì è ke kuuwn m buw.

Lumà 15:20

Dî zaŋa e mò lo enyəa to M̀ mô lò alendùw naʼa làbəlà è dzùŋ zən an luʼu təla ghe lo mo ghe kaām zuw kòʼ tsəgha ghəa e li zo a te kùu ndùw Kə̀lestò, enyəa e kwo ko Ǹ lô kôom ndûw naʼn kpeʼe nduw làbəlà zən an lùʼu kəla ghî a li a mafə bùʼ ndùw nàʼa dzə̀.

Lumà 15:30

M̀ buʼu kə̀ghu â ghɛ̀ a waazə̂ ghaŋa gho an zən e Mughu ù te Yɛso Kə̀lestò àsùghò an daʼa kəla Zuʼ tə̀ Zɔlɔ tə fughu â ghɛ̀ enyəa, ghɛ̀ təmadzəəŋ wo mùghò alegɔɔ̄ŋ zee â Zə̀ kò an tuw kaŋa.

1 Kòlentìan 12:11

Ghəa ghən a dzə̀m ènyə, à ghə̌əŋ tsughuu kô Zuʼ tə̀ Zɔlɔ tə̀ mɔʼɔ̄ tə te to enyəa ghe e lo êzə̀, təla tə fughuu ko chìa â fughu kə wə̄n aŋghəa tə tsə̂m tsughu.

1 Kòlentìan 12:6

Dziī tə lo sugho nəŋònə̄ŋ aleghəŋlo àghəa a te, yìa à lò ko Zə kə mɔʼɔ̄ ko kə dêe fughuu dziī ten tə̀ dzə̀m â ghì ghò a dzə̀m.

1 Kòlentìan 15:10

M̀ fɛ kuuwn lò ko fəgha kəla Ǹ lo ghè kò bòʼ dzɔ̀ e Kəzə. Dzɔ̂ zəla Zə̀ kə mò dê wo â mùghò, kə ka mo sâaŋ màʼà dzə̀. Mùghò ŋ kòom kuuwn biso fwàʼ tsəghà tsùghu ghee a dzəm, à mò buʼ yo mugho, à mò lo dzɔ̂ e Kəzə zəla e lo a zəŋò mùghò.

2 Kòlentìan 11:23

À lǒ mo ghe lo kɔ̀ɔ ŋ Kə̀lestò à? Ǹ tsəghàsə̌ ghee — Ŋ̀ ghəa ghən fɛ kə̀aa tǒ ghûw ù zə̀ghaa. Mùgho m fwàʼ ndə̀mà tə aghəa tə̀ səŋò tò, yìa Ŋ̀ kɔʼ ndughutsaʼ an ndə̀mà te tə̀nə̀gha, ghe m mùghò bu sə an ndə̀mà tə tə̀nə̀gha, yìa Ǹ nɔ̂sə̄ aŋ ghùu vʉ zo an ndə̀mà tə tə̀nə̀gha.

2 Kòlentìan 13:3

Aŋghəa ghɛ̀ ləghaa tsə̌a, Ǹ dêe wò nù â ghɛ̀ enyəa Kə̀lestò kə̀aa sə̌a wò àghəa a zəŋò mùghò. Aŋ ghəa zɛʼɛ̄, ù dɔ̀ɔ kpàʼa yo kpe wo, Ù lǎam dèe daʼa kə wə̄n am bvʉa zɛʼɛ̄.

2 Kòlentìan 5:9

À fi lo enyəa abugho a lô ko aŋ gwə̀n e ughùe ŋkāa a buw, ghàʼ kwɛ̂ nàŋa tsughu enyəa ghàʼ è ghəŋlo enyəa fə̀ŋ è wə̄n e zɔlɔ.

2 Kòlentìan 6:5

mʉ ŋkwə̂n, kɔʼ ndughutətsāʼ, ghî yia kə̂m ghaʼ, tsù ghàʼ, ghàʼ yia koʼò zeē nduw dzə̀ŋ, bùghò kòʼò bwǐi ndùw sùghò.

Efɛsùs 1:19

Ǹ ləghaa enyəa ghɛ̀ kele tsughu sugho enyəa daʼa kə wə̄n kə̀ ne kəla kə ghaʼ tsəgha dwaʼa wo u dzə̀m alo kəwālā kə fwaʼā a zəŋò sɛ̀ ghəla à boō fughu a wə̄n. Kən lò daʼa kə wə̄n kə̀ ne ko,

Efɛsùs 3:20

Zə̀ kə lo nû alefwàʼ, kə bùʼù fwaʼà tsəghàsə ghəa ghən a dzə̀m sɛ̀ bvʉā nduw, ŋkāa ghəa zəla a bûʼ moʼn tsughuu ko nû an daʼa kə wə̄n kəla kə fwaʼā a zəŋò sɛ̀.

Efɛsùs 3:7

Ghe n naŋa tsughu mugho tǒ ghûw wəla ù naʼn làbəlà è te, mò à fwàʼ kə te ko â mùghò fughu Kəzə̀ an dzɔ̀ e wə̄n zəla ù mò dê tsughu â mùghò an daʼa kə wə̄n.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 1:30

Ghɛ mô èzə̄ŋ nyə sùghò an tsù wəla ghɛ̀ fə̀ bugho ghà n zuuw wò aŋghəa Ǹ dəmà a te alekə̀əŋ làbəlà è Kə̀zə̀, àsùghò aŋghəa ghɛ̀ koʼô wo Ǹ naām dəmà ko êzə̄ŋ a te.

Fèlepìan 2:13

Nu Zə̀ kə̀ fwaʼà a zəŋò ghɛ̀ aleghəŋlo enyəa ghɛ̀ è ki zǐi alefwaʼā fwàʼ kə Wə̄n ko, bwìi sùghò an làŋ kə Wə̄n

Fèlepìan 2:16

Shwaʼ wəla u fughuu mughù zò lò fəgha kəla ghɛ̀ ki aleteē tsughu a te, to a kê bughoo an tsuʼ fəla Kə̀lestò kè bugho a te, Ŋ̀ ke e tsɔ̂ɔ fə̀ŋ enyəa Ŋ̀ ka mo fwâʼ màʼà dzə̌ kə̀nughùnùghù.

Kòloshìan 2:1

Na tò Ǹ dzɛ â wô â ghɛ̀ aŋghəa Ǹ dəma a te aŋ ghəa ghɛʼɛ àsùghò aŋ ghəa a ghì a yia ghe lo an Laòdisia; bùʼù də̀mà sùghò aŋ ghəa a ghì ghəla ghe lo mo ghe kǎam kwâʼ u usʉ waŋā wə ŋ kô kòʼ tsəghà.

Kòloshìan 2:12

Ghe mafə ghɛ tsəla dzəŋlo ghɛ̀ ghê Yɛso Kə̀lestò am mùghù ŋ Kə̀zə̀ mə̀là ghe mò fughu â ghɛ̀. Zə̀ kə̀ m fùghù sùghò ghɛ̀ â mùghù è fughu zo bòʼ ghɛ̀ gaʼ fə̀ŋ aŋ kɔ kə kəfwàʼ kə Wə̄n, tɔ̂ɔŋ Zə̀ kəla kə fə̀ zôm nughù kɔʼ Yɛso alo evʉ̄.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

1 Tɛ̀sàlonìan 2:9

Waazə̂ ghaʼa gho, ghɛ̀ mgbaŋ kwo nû aŋghəa ghǎʼ mò fwaʼà zeē nduw, bùghò fwàʼà bwǐi ndùw enyəa ghàʼ lô so e laʼà fəgha kə̀ li ko an nə̀ghà zəla ghǎʼ mò kə̂aa wô shwàʼ u Kəzə̀ wò â ghɛ̀. Ghǎʼ mǒ èzə fwaʼā aleghəŋlo enyəa e kwo ko ghàʼ lô doʼn fəm ko â ghùw wɛʼɛ u mɔ̀ʼ.

2 Tɛ̀sàlonìan 3:8

Ghàʼ mò niī zəa sugho yo fəghazəa kə ghûw ko mò ghàʼ kâ tsə̄, nu ghǎʼ mò kuū fwaʼā zee nu, fwaʼà bwǐi enyəa e kwo ko ghàʼ lo so e fughuu kəfəm â ghùw wɛʼɛ ù lì.

2 Timotì 2:10

Zən lò eghee Ŋ̀ kɔlɔ tsughu fə̀ŋ alo aghəa a dzə̀m aleghəŋlo enyəa to ghî ghəla Zə̀ kə̀ lo mo kə n shìaa mò zəā sughô kə̀tuw a m bàm e Kə̀lestò Yɛso, ghe e ki sugho kɔʼso məla n dòʼò tən.

Hibùlù 12:4

An də̀m kə̀là ghɛ̀ dəmà fɛ ghɛ̀ â ghê ghì a biigh gho, ghɛ̀ kaām bûʼ kǎam də̀m alendùw tɛ̂ aŋghəa ghe lo alewi ghɛ a te.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

Edêe Fughu 2:3

Ŋ̀ kwo nû enyəa ghɛ̀ mafə nyɛʼɛ ŋge fala bòʼ zən zaŋa, ghɛ̀ ŋ kɔlɔ tsùghù sùghò tə̀fə̀ŋ, tsoo būghūu kòʼò yò.