Kòloshìan 1:28 - To kə Kəzə̀ kə̀ Fughu ko

²⁸ Ghàʼ mò zugho naʼn nduw tum è Kə̀lestò â ghì ghò a dzə̀m, kwɛ̀ɛn ndùw ghee, zoʼn ndùw ghee an tɔ wən u dzə̀m Zə̀ kə̀ fughu â ghàʼ, enyəa a e lo alenìi ndûw ghee a vʉ̀a Zə̀ kò mo ghe lo alo kəfəgha kə mɔ̀ʼ ghèe ghê Kə̀lestò.

Kòloshìan 1:28 Iomraidhean Croise

Matìo 28:20

Ghɛ̀ e zoʼn ndùw ghee enyəa ghee naaŋ lwâŋ wəla M̀ fughu wo â ghɛ̀ u dzə̀m; kòʼo sùghò nlò, Ǹ lo sɛ̀ alo tənə̀gha tə dzə̀m to mbī kê bughò mîa.”

Matìo 3:7

Ghəa Dzɔ̌n kôʼ ghî a Falàsîi à ŋgee bughōo, àsùghò ghì a Sadùwsîi ghò, ghe bughoo alebùghò nî mùghù ŋ Kə̀zə̀, ù m fəŋso dzɛ̀ â ghee enyəa, “Ghɛ̀ fwi wən, à ghɛ̀ bɔŋ tsʉ̀ ndùghò enyəa ghɛ̀ lo nû alenɔ̀ɔsə an ndzəgha kəla kə bughò lo a?

Matìo 5:48

À fi lo enyəa ghù kì aletèlè doʼò tsughu tsəghatsəgha, tò Tsùghò alo kəwālā lô tsəghatsəgha.”

Mâk 6:34

A m bùghò Yɛso ndùw a ŋgùŋ è dzùghùntsòʼ, ù ŋ kòʼ nɔ̀ɛ kə aghì; kwuso tsughu ese a zəŋo ghee, bòʼ ghe mò lo tǒ ndzì təla tə ki yo ghùw wəla ù bàʼa ghee; ù ŋ kàʼ ndùw ghee alezōʼnlō an ndə̀mà ndə̀mà tə aghəa.

Lûk 21:15

nu Ǹ lo fughuu nù ghɛ â tɔ zo, à nom kə̀là ghùw ù kə̀tuw wɛʼɛ u mɔ̀ʼ kè dɔ̂ɔm yô alekōmsō ghɛ̀.

Kə̀fwàʼ 10:36

Ghɛ̀ kwo nû tum zəla ù fə̀ tum nduw â ghì ghə Ezə̀lɛ̂ ghò, tsʉ̀a ndùw àghì aŋ ghəa ghe lô alekele èbughunlo a te am bàm e Yɛso Kə̀lestò (ù lò Mughùbè ù ghì ghə̀n à dzə̀m).

Kə̀fwàʼ 11:20

Ghî a Saepə̀lùs à li gho àsùghò a Sìlêen ghò, ghəla ghe boō fughu â Kə̀lestò, ghe ŋ ŋgəəŋ lò sugho am bvʉa e ghì yì an Antìok, ghe ŋ kə̂aa ndùw ghəa a Mughùbè Yɛso â Tòʼò zò.

Kə̀fwàʼ 13:38

Ghàʼ ləghaa enyəa ghɛ̀ kele tsughu a waazə̂ ghaŋa gho, enyəa à lò am bàm e wə̄n a fughuu wo tùm zən enyəa Zə̀ kə̀ lo ghuuw màʼn nù ghəa a aghì à biigh gho,

Kə̀fwàʼ 17:18

Ghê dèekə̀mwàʼsò a naʼe Ɛpìkulìa à li gho àsùghò a Stôik ghò, ghe ŋ kele sùghò ùshwaʼ ghèe ghee. À li ghə m bvʉ enyəa, “Ghùw wən biso ləghaa aledzɛ̀ è ndūghō a mo shwaʼ u te u kwuu yo ghəa zo?” À li ghə n so enyəa, “À lò ko tò ù kə̀aa ghəa a zʉ̀ ù tətùu.” Ghe mò êzə kəaa bòʼ Pôl màʼa fə̀ kə̂aa ghəa a Yɛso ghò â ghee àsùghò ghəa a wən à kɔʼɔsəa ghən alo evʉ̄.

Kə̀fwàʼ 17:3

ù n teso dzâa â ghee, dèe ndùw sùghò alo tətsə̌a enyəa Kə̀lestò mò ki nû alefalā, ù kpuūw tsughu, ù zòo nughù kɔʼɔ̄ sughò alo evʉ̄. Ù n dzâa ndùw sùghò enyəa, “Yɛso wəla Ǹ dzâa wô fɛ â ghɛ̀ ma, à lǒ wə̄n Bəghambī.”

Kə̀fwàʼ 20:31

Ghɛ̀ ki aletisō kɔʼ kətuw, ghɛ̀ è moʼn tsughuu tsʉ̂ zəla mùgho mò fughuu tsəgha â ghɛ̀ tsuʼu mən ndzə̀m alo tənùu tə təgha.

Kə̀fwàʼ 3:20

Abugho ghɛ̀ ghəə̄ŋ tsughu êzə̀ Zə̀ kə̀ lo ghəə̄ŋ tsughu kʉ̀ɛɛ kə̀ nyəā wô ghɛ̀, ù tuū wô sughò Kə̀lestò, tɔɔŋ Yɛso wəla ù fə̀ tsuʼ naŋā kɔʼ â ghɛ̀.

Kə̀fwàʼ 5:42

Ghe ŋ kè tsoō bughū naŋā kôʼ alekəā zēe an ndughene àsùghò ndùghù tə̀ndughu enyəa Yɛso lò Wɛ̀ ù tsùʼu.

Kə̀fwàʼ 8:35

Felêp fi kaʼ tsughu nû ghəa à kəaa gho; nì nùghù tsùghù an də̀ŋò kə̀là ghùw vʉ mò tɔŋlo, dzɛ̀ kɔ̀ʼ ndùw tùm è Yɛso è dzùŋ zə̀.

Kə̀fwàʼ 8:5

Felêp n nùghù tsùghù ndùw an naʼ e Sàmalìa, nàʼà làbəlà è Kə̀lestò fughu â ghì a te gho.

Kə̀fwàʼ 9:20

nùghù dàŋso kaʼ tsughu alenàʼà kaaŋ tùm è Yɛso an ndughutə̀ne tə te to, dzàa ndùw enyəa, “Ù lǒ wɛ̀ ù Kə̀zə̀.”

Lumà 16:25

To sɛ̀ mô fùghuu ŋkɔʼso â Zə̀ kò. Kə lo nû aleghəŋlo enyəa ghɛ̀ è tɔʼ ti am boo zɛʼɛ̄ â wə̄n aŋghəa ghɛ̀ zoʼn kele kɔʼ Làbəlà e dzùŋ zəla Ǹ zughòo naʼn fɛ ezən. Làbəlà zən kùu ndùw Yɛso Kə̀lestò n dè fùghù sə̀ wò nàn kə eghəa kəla Zə̀ kə fə̀ ki nân naŋa â wîiwì.

1 Kòlentìan 1:23

Dzûu tə̀ kuuwn ləghaa yo làbəlà è dzuŋ zəla ghàʼ naʼn wo kùu ndùw Kə̀lestò wəla ghe mò təghāa alo kədàŋlo, làbəlà e te zə̀a è lò elâʼsò zò â ghì a Gəlês ghò,

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

1 Kòlentìan 12:8

Zuʼ tə̀ Zɔlɔ tia tə ghəŋlo ghùw ù lì kə̂aa shwaʼ wəla ù ki tɔ wo, â ghùw Zuʼ tə̀ Zɔlɔ tə̀ mɔʼɔ̄ tə te tə m fughu wə̄n tɔ wo alezuuwkɛlɛ ghəa gho.

1 Kòlentìan 15:12

Abugho ghî naʼn kaŋlo aŋghea ghe mô zôm nughù kɔʼ Kə̀lestò a te alo evʉ̄, ghɛ̀ à li a lo ênzə̂n aledzaā enyəa ghî à lo kɔʼɔ səa yo alo evʉ a?

1 Kòlentìan 2:15

Ghùw wə nsɔ̌ɔŋnchùw wəlà ù ki Zuʼ tə Kəzə tò a zəŋò wə̄n zuuwkɛlɛ nù səŋò zò aŋ ghəa ghən a dzəm, ghùw nsɔ̌ɔŋnchùw ù lì vʉ̀a ù kuūwn yo alesāʼ wə̄n,

1 Kòlentìan 2:6

Ŋ̀ ŋgəəŋ kə̀aa ko nù tɔ wo ghàʼ à ghê ghì ghəla ghe nɛɛ̄ tsughu aŋ ghəa a Kəzə. Zən kuūwn yò dzə̂ tɔ e ghì a mbī zo ŋkāa tɔ zəla ghî ghəla ghe saʼa tuw u aghì wò fɛ am mbī ki, ghî ghəla ghe ki aletsəghàa mîaa.

1 Kòlentìan 4:14

Ŋ̀ ghəa ghən tɔɔ wò dzə yò aledə̀nsò wô tuw kɛʼɛ, à lò alekʉ̀ɛn wô ghɛ̀ tò wɛ ghaŋā à tsuʼu gho.

2 Kòlentìan 10:14

Ghàʼ kâ ndùw tsə̀ghàtàʼà dzə̀ bəŋ ko am fwàʼ kaʼa tò è so a lo ghî ghəla ghe mò doʼŋkè bughò tɛ̂ fia alô ghɛ̀, ghǎʼ mò lo ghî a sʉesʉ gho alebùghò a vʉ̀a ghɛ̀ â Làbəlà è Kə̀lestò è Dzùŋ.

2 Kòlentìan 11:2

Ŋ̀ ki ŋgòʼ è lə̀ghà è li zo a zəŋò ghɛ̀ mò a ghə̌əŋ Kə̀zə̀, tɔŋlo enyəa mùgho mò ghɛ kpoōm naŋa tsughu â Kə̀lestò, alenìi fughuu ndûw ghɛ̀ tò a lô fughuu nduw wìzən wəla ù naam lo mbumbùʼ â nùm ù wən u mɔ̀ʼ.

2 Kòlentìan 4:5

Ghàʼ fɛ kə̀aa dzə̀ yò ghəa a ghùe ghaʼā gho; ghàʼ kə̂aa wò ghəa a Yɛso Kə̀lestò, enyəa ù lò Mughù ù te, ghǎʼ yia kuūwn lo kɔ̀ɔ mɛʼɛ mò aŋ ghəa e Yɛso.

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

Efɛsùs 5:27

Ù fə ezə ghəŋlo alenì tiso wô dzeŋe kə ghì a Kəzə̀ an sə kə wə̄n mò ghe lo alo nsəghanyəgha, mo ghe ki yo nwa wo ŋkāa mo ghe kâ tàŋndzùʼnlo, ŋkāa ghəa e biigh è li zo; enyəa ghe e zɔlɔ, mò ghùw yò alesaʼ ghee aŋ ghəa è li zo.

Kòloshìan 1:22

Zə̀ kə ŋ ghɛ̀ e nî nàŋa wò e bàm a tsəla e bàm an vʉ zəla Kə̀lestò fə̀ bughò kpuw ghè zò tǒ ghùw nsɔ̌ɔŋnchùw; enyəa ghɛ̀ è zɔlɔ, ghùw e yo alesaʼ ghɛ, ghɛ̀ e ki sugho yo nùʼ tò an sə kə wə̄n,

Kòloshìan 2:10

Zə̀ chia kə̀ fughu ghɛ â ndzə̀m kə emùghù kò aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò wəla ù tughu tsə̀ghàsə zʉ̀ wò u dzə̀m àsùghò dwaʼa u mbī wən u dzə̀m.

Kòloshìan 2:3

Ghəa ghə̀n a dzə̀m a lô alekele kùu ndùw Kə̀zə̀ nàn doʼò a zəŋò Kə̀lestò.

Kòloshìan 3:16

To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

1 Tɛ̀sàlonìan 4:6

Alenìi tsughu aŋ ghəa ghəla ghàʼ dzɛ̂ tsughu fɛ, e kow ko ghùw wɛʼɛ lô so e tsêe wàazə ŋkāa ù ghəəŋ wə̄n à bo è li zo. Mughu u te lo fɔeso nù ghî ghəla ghe ghəəŋ ghəa ghən gho. Ghàʼ maā ghɛ aŋ ghəa ghən kì kwɛ̀ɛn naŋa wò.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

1 Timotì 3:2

Tsoʼ an dzeŋe kə ghì a Kəzə̀ kì alelo ghùw wəla mughù e wə̄n e zɔlɔ̄, mò ù kì ko wi u mɔ̀ʼ, mò ù kì sugho bughuun kə dzə̂, naŋso tsughu sùghò ghuw kə ebwìi ke wə̄n, mò ghəa a ghəə̄ŋ ko an ulwàŋ — ù e ki sugho zǐi alezoʼnlo aghî an shwaʼ u Kəzə̀, kwo sugho alekpeēnî aghì abugho ghe bwîin nduẁ alo wə̄n an ndughu.

Hibùlù 10:14

Am fughu kə wə̄n kən kə̀ mɔ̀ʼ, ù ŋ ghəŋlò ghî ghəla ghe sûw maʼà bôo tə ghee to n dòʼò tə̀n kɔʼ ghî à ghe kpe aŋghəa Zə̀ kə̀ ləghaa.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

2 Pità 3:15

Kele tsughu nlò enyəa Mughu ù te naam ləmlo â ghɛ̀ enyəa ghɛ̀ boo fughu wo â wə̄n tò ghɛ̀ zə tuw ko. Ghəa ghən bɔɔm lò eghəla aŋghəa waʼāwāʼ Pôl fə̀ tɔm wô ghɛ̀ â mwàʼsò kò an tɔ wəla Zə̀ kə mò fughu â wə̄n.