Kòloshìan 1:27 - To kə Kəzə̀ kə̀ Fughu ko

²⁷ Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

Kòloshìan 1:27 Iomraidhean Croise

Matìo 13:11

Ù m bɛ̀lɛ̀ tsughu enyəa, “Bàʼà ghɛ, Zə̀ kə̀ n nàn tə ghəa təla tə lo Fɔ̀e u kəwālā â ghɛ̀ dê fughu wò, kè kuūwn dê â ghee.

Lûk 17:21

ghùw mɔʼɔ̄ yo ù kè sɔʼɔ̀ dêe tsughuu â ghù enyəa, ‘Kòʼô, wən à!’ Ŋkāa, ‘Vʉ̀a!’ Tɔŋlo enyəa Fɔ̂e u Kəzə̀ ù lo ziī am bvʉa zɛʼɛ̄.”

Dzɔ̌n 14:17

À lǒ wə̄n Zuʼ təla tə dêe fughu səŋò zò kùu ndùw Kə̀zə̀. Ghî a mbī yo dzə̂ alekpeē nî wə̄n bòʼ ghe yo alekòʼ wə̄n ŋkāa ghe kwo yo wə̄n. Yia a bughò ghɛ, ghɛ̀ kwo nû wə̄n bòʼ ù lǒ ghɛ̀ à ghee, vʉ̀a ù kè lô a zəŋò ghɛ̀.

Dzɔ̌n 14:20

Tsuʼ u te u kê bùghòo nù, wəla ghɛ̀ ke kele tsughu enyəa ghàʼ à bə̀ghà lò kəfəgha kə mɔ̀ʼ tò aŋghəa sɛ̀ lô sugho fəgha ko kə mɔ̀.

Dzɔ̌n 14:23

Yɛso m bɛ̀lɛ̀ ndùw wə̄n enyəa, “Abugho ghùw ləghaa mugho, ù kì alebwiī aŋghəa Ǹ ləghaa a te, bəghà lo e ləghaa sugho wə̄n, ghàʼ kê bughò mughù ghàʼ à ghee.

Dzɔ̌n 17:26

Mùgho nì dè ghû â ghee, Ǹ lo kòom bùghuu dòʼn yò aleghəŋlo enyəa, ləgha zə̀ghà zəla ghù ki a zəŋò mùghò, zə e lo a zəŋò ghee, mùghò è lo sugho a zəŋò ghee.”

Dzɔ̌n 6:56

Ghùw wəla ù pfʉ nyòm è ùghùe zaŋā, vʉ̀a ù mʉ sughô kâŋ taŋa to lo ghàʼ à wə̄n, yìa Ǹ lo a zəŋò wə̄n.

Lumà 11:33

Kòʼ nlò kum e Kəzə̀ zò a! Kòʼ nlò tɔ u wə̄n ù ne wo àsùghò tɔ e wə̄n zo! Ghùw ù lì yo dzə̂ ù lò aletesô dzì zəla Zə̀ kə̀ ghəəŋ ghəa wə̄n gho a te, àsùghò fəgha kə̀là kə ghəŋlo enyəa Zə̀ kə̀ e ghəŋlo êzə̀.

Lumà 2:4

Kàa ghù so yia tsughuso maʼn nù dzɔ̂ e Kəzə̀ e ne zò àsùghò se e wə̄n e kwuso zo àsùghò aŋghəa kə naām lɛɛn ghù a? Ghù kwo yo enyəa dzɔ̂ e Kəzə̀ e lo aleghəŋlo enyəa ghɛ̀ ti kuwnlo am bòo tɛʼɛ a?

Lumà 5:2

À lò fə̀ŋ zəla sɛ̀ gaʼ tsughu a zəŋò Kə̀lestò è ghəŋlo enyəa a kelê dzɔ̂ e Kəzə̀ zən, zəla a mughu êzəŋ a te, yia a duʼnlo, chìi tùʼ enyəa a lo dòʼn nù an nsəghānyəghā ŋ Kəzə̀ məla n lo à sə̌ ko.

Lumà 8:10

Abugho e kuuwn lô dzə̂ enyəa Kə̀lestò lò nû am fə̀ŋ tɛʼɛ, aŋghəa e bûʼ lo ko enyəa gwən e ughùe zɛʼɛ e kpuw dòʼò nù bòʼ bòo tɛʼɛ, Zuʼ tə̀ Zɔlɔ tə fughuu nù ghɛ â mùghù zo bòʼ enyəa Zə̀ kə̀ ŋ ghɛ̀ nî enyəa ghɛ̀ lo ghî a tsəghatsəgha gho.

Lumà 9:23

Zə̀ kə fə̀ ghəa ghən enyə ghəəŋ tsughu aledèe fughuu wô daʼa kə səghanyəgha ŋ wə̄n â ghì ghò a dzə̀m enyəa ghe kele tsughu enyəa kə kê dèe se è kwuso zo a zəŋò ghì ghəla kə̀ fə̀ fôʼ naŋa, tɔɔŋ ghì ghəla kə fə̀ biaān naŋā enyəa ghe kê lò tsəgha an səghanyəgha ŋ wə̄n.

1 Kòlentìan 3:16

À lǒ mò ghɛ̀ məghaa nù enyəa ghɛ̀ lo tsughu e Kəzə̀ à, àsùghò enyəa Zuʼ tə Kəzə̀ tə̀ mughu a zəŋò ghɛ̀ a?

2 Kòlentìan 2:14

Ŋ̀ kuuwn fughu zɔ̀ɔŋ kə Kəzə̀; tɔŋlo enyəa aŋghəa ghàʼ doʼò ndûw fəgha ko kə mɔ̀ʼ ghàʼ à ghê Kə̀lestò, Zə̀ kə̀ mgbɛɛ sèe bwii tsə̀ghà ko ghàʼ tò ghî ghəla ghɔŋ e ghee e lo mo zə m bàŋ an zən e Kə̀lestò. Zə̀ chia kə tsəghà tsughu a zəŋò ghàʼ ghəəŋ tsughu enyəa ghàʼ zughòo ndûw tɔ wəla u lo aŋ ghəa Kə̀lestò, to u nyəŋō ŋgəaa tsughu luʼū tə̀n tə̀ dzə̀m tò zuʼù fə vʉa fə̀ ləə̄m fo.

2 Kòlentìan 4:17

Nyàaŋ fə utsù fə̀là ghàʼ zuw kəŋo ndûw fɛ lo tsùuŋ yò, fə fɛ ndzùuŋ nǎaŋ ghàʼ an səghanyəgha n sə̀ŋò mə̀là n dòʼò tən, mò n tsə̀ghàtàʼà sə tsû wə̄n.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

2 Kòlentìan 6:16

Zʉ̀kɔ̂ŋ u ndûw nyə kə̀ŋ kə kwò an Ndùghù è Kə̀zə̀ è ne a? Nu sɛ̀ lo ndughu è Zə̀ kə̀la kə lô â tuw ko; aŋghəa ghuūghùe u Kəzə̀ kə fə̀ dzɛ̂ tsughu enyəa, “Mùghù kaŋa kə kê lò tsəgha ghàʼ à ghê ghì ghaŋa gho, mùghò e ke mughu am bvʉa e ghee, bwìi dzə̌əŋ ghàʼ à ghee. Mùghò e ke lo Zə̀ kə ghee ko, ghe e ke lo ghî ghaŋa gho.”

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Gàlashìan 4:19

Fɔɔn zəla Ǹ zuūw bòʼ ghɛ̀ a wɛ ghaŋā gho lò ko tò fɔɔn zəla wìzən ù nʉgha u wɛ zuūw an nəgha è dzəa zo. Ǹ lo tèlè zǔuw ko fɔnlo e te zo enyə, Ǹ ndûw tâa ndûw an ti kəla mughù e Kə̀lestò e lo dêe səā wo a te a zəŋò ghɛ̀.

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Efɛsùs 2:22

Yìa à lo wən ù nì təm dzəə̄ŋ wô ghɛ̀ à alo kəfəgha kə mɔ̀ʼ, ghɛ̌ yìa a doʼò tsughu ndughu zəla Zə̀ kə̀ mughu a tə an Zuʼ tə̀ Zɔlɔ to.

Fèlepìan 4:19

À lǒ Zə̀ kaŋa kə te ko kə lo fughu fʉgha wən ù dzə̀m ghɛ̀ ləghaa an kum zəla e lo an zən e Kə̀lestò Yɛso

Kòloshìan 1:5

Ghəa a te ghə êzə lo kùu ndùw tùʼ zəla ghɛ̀ chiī am fəgha kəla Zə̀ kə̀ naŋā â ghɛ̀ alo kəwālā. Ghɛ̀ maā ghəa a te a ki zuw an shwaʼ wə èsəŋò wò, tɔɔŋ làbəlà è dzùŋ e te.

Kòloshìan 2:3

Ghəa ghə̀n a dzə̀m a lô alekele kùu ndùw Kə̀zə̀ nàn doʼò a zəŋò Kə̀lestò.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

Hibùlù 6:19

Tùʼ zəla a chiī lo ko tǒ tə̀m â ghue e sɛ̀ zò, yia a tɔ̂ʼ kwo enyəa e lò êzə̀, tɔʼ tì a te, ghùw wəla a chī tùʼ a zəŋò wən lo wəla ù nyəa daŋso ndùw an tsughu e baa zo a bǎa evʉa alo kəwalā.

1 Dzɔ̌n 4:4

Ghɛ̀ a wɛ ghaŋa gho, ghɛ̀ yia lo ghî a Kəzə̀ ghò; ghɛ̀ yia təm zə sugho ghiīshʉ̀ghà ù biigh gho, nu ghùw wəla ù lò a zəŋò ghɛ̀, ù tughu tsə̀ghàtàʼà ghùw wəla ù lò a zəŋò ghì a mbī gho.

Edêe Fughu 3:20

Mùghò wəlà Ǹ ti a fǔundughu, tsʉʉn kə̀bàʼ, ghùw wəla ù zuw dzə̀ zaŋa, vʉ̀a ù tsʉ̀ tsughu bâʼ kò, Ǹ sô nyəā ndûw ghàʼ à wə̄n zəā dzəŋlo.