Kòloshìan 1:24 - To kə Kəzə̀ kə̀ Fughu ko

²⁴ Ǹ duʼn nù êzə̄ŋ am fala zaŋā bòʼ ghɛ̀, yia a bughô fala zəla M̀ fanlō êzə̄ŋ, Ǹ yôsò alemìasò kɔʼ am fəgha kəla kə fə̀ doʼòdoʼo am fala e Kə̀lestò bòʼ ghue u wə̄n, tɔɔŋ dzeŋe kə ghì a Kə̀zə̀.

Kòloshìan 1:24 Iomraidhean Croise

Mâk 10:39

Ghe m bɛ̀lɛ̀ ndùw wə̄n enyəa, “Ghàʼ lo nû.” Yɛso n dzɛ̀ â ghee enyəa, “Ghɛ̀ lo nû alefala aŋghəa Ǹ lo fanlo a te, ghɛ̀ kpuw ŋgoʼ è èvʉ zəla Ǹ lo kpuūw ghè zò.

Kə̀fwàʼ 5:41

Ghəa ghe zəghaà tsughu ndùghù Kaŋsì, ghe n duʼnlo enyəa Zə̀ kə̀ mâa ghee nî tò kəfəgha aleghəə̄ŋ tsughu enyəa ghe fala aŋ ghùu tuw kə̀ dəla ko aŋ ghəa e Yɛso zən.

Lumà 5:3

Zəla e bûʼ tsəgha taʼa zən lò enyəa, sɛ̀ ki aleduʼn sugho am fala e sɛ̀, bòʼ sɛ̀ kwo nû enyəa fala e ghəəŋ nù sɛ̀ n lo alekɔlɔ fə̀ŋ alo aghəa.

Lumà 8:17

Ghəa sɛ̀ lò wɛ a wə̄n gho, sɛ̀ lo zəa sùghò nù fʉgha wəla Zə̀ kə fə̀ to naŋa â ghî a wə̄n gho. Sɛ̀ à ghê Kə̀lestò lò dzeŋe zəa sùghò nù fəgha kəla Zə̀ kə mò naŋa â wə̄n; tɔŋlo enyəa, abugho sɛ̀ fala dzəŋlo sɛ̀ à ghê Kə̀lestò, sɛ̀ à ghee e ke dzeŋe lo sugho a dzə̀m an səghanyəgha ŋ wə̄n.

1 Kòlentìan 12:27

Êzə̄ŋ ghɛ̀ fɛ lǒ tò gwən e Kə̀lestò, chìa vʉ̀a ù lò nduw ko nyùŋ kə ughùe kò kə mɔ̀ʼ aŋ gwən e te zo.

2 Kòlentìan 12:15

To M̀ fughu fʉgha wə̀n ù dzə̀m Ŋ̀ ki â ghɛ, M̀ buʼù fughuu daŋsô tuw kaŋa aŋ ghùe ù ghɛɛ̄ŋ wo aleghəŋlo enyəa ghɛ̀ noo aŋ ghəa e Kəzə̀. Ghəa Ǹ tsoō ŋgeē ləghaa ghɛ enyə, à lǒ kwò ghɛ̀ kuūwn tɔʼɔ̀ ləghaa yô mugho à?

2 Kòlentìan 6:10

Ghî à li yia lɛɛn ghaʼ tò ghàʼ lo ghî ghəla ghe lô alo esē, mo a tsôo dùʼn tsə̀ghà ko nù. Ghî à li yia lɛɛn ghaʼ tò ghî ghəla ghe ki yo fəgha ko, mo a ki fʉgha wə̀n ù dzə̀m, à li lɛɛ̄n ghàʼ tò ghî à laa gho, mò ghàʼ ghəəŋ nù ndə̀m è àghì zə̀a è kuū.

2 Kòlentìan 7:4

Ghɛ̀ lo ghî ghə̀là Ǹ lô alenaŋā aŋ ŋgòʼ; Ŋ̀ ŋgee tsɔ̀ɔ fə̀ŋ a zəŋò ghɛ; fə̀ŋ zaŋa fɛ tsòo zʉ̀ʉn ko enyə. Aŋghəa sɛ̀ tsoō kele ko ndə̀mà tə utsù tò fɛ, yìa Ǹ naām ŋgeē duʼn ko nû.

Efɛsùs 1:23

Ghî a dzeŋe kə ghì a Kəzə̀ a lo tò gwə̄n e ughùe e Kə̀lestò, à bɔ̌ɔm lue kpeen tsughu ko wə̄n a te, wən wəla ù lue kpeen kaāŋ wo alo ufʉgha u dzə̀m.

Efɛsùs 3:1

À lǒ bòʼ ghəa ghəla Zə̀ kə̀ lo mò kə ŋ ghəŋlo aletəmaa dzəə̄ŋ wô Tə̀dzûu ghèe ghê Tòʼò zo alo kəfəgha kə mɔ̀ʼ, mùghò Pôl, Ǹ lo ghùw ù ndùghùtsāʼ aŋ ghəa e Kə̀lestò Yɛso enyəa Ǹ zughò wo làbəlà è dzùŋ â ghɛ̀ à Toʼò zò.

Efɛsùs 3:13

Zən lò e ghee Ǹ dzâa wo â ghɛ̀ enyəa, e kwo ko fə̀ŋ lo so e baŋà ghùw wɛʼɛ ù lì aŋ ŋgoʼ zəla Ǹ zuūw fɛ â ghɛ̀, tɔŋlo enyəa ŋgoʼ zəla Ǹ zuūw fɛ, à lǒ dzɔ̀ â ghɛ̀.

Fèlepìan 3:10

enyəa aŋ ghəa ghən à dzə̀m, Ǹ dəmà alekele wə̄n, mùghò è ki sughò daʼa kə wə̄n kəla ù fə̀ kpuw kɔʼ sə alo evʉ̄ a te, àsùghò enyəa to M̀ mô fǎan sùghò tǒ aŋghəa ù fə̀ fala am fala e wə̄n, M̀ bughò doʼò sughò tǒ wə̄n aŋghəa ù fə̀ kpuw a te.

Kòloshìan 1:18

Ù lò kətuw â ghì a Kəzə̀ ghò a dzə̀m, tɔɔŋ dzeŋe kə ghì a Kə̀zə̀. À fə̌ Ndughu è Kə̀zə̀ se tsughu wə̄n, Ghùw ù sûesʉ wəla Zə̀ kə fə̀ zôm nughù kɔʼ alo evʉ̄, enyəa ù e lo sə ko a lo aghəa a dzə̀m.

2 Timotì 1:8

E kwo ko ghù lò so e də̂nsò kə̀tuw aleteso dzâa nduw ghəa a Mughùbè ù sɛ gho â ghì ghò, e kwo ko ghù lò də̂nsò sugho tuw ko aledzaā nduw enyəa ghù kwò nû mugho wəla N̂ lô fɛ an ndùghùtsāʼ aŋ ghəa e Kə̀lestò Yɛso. Laam təmdzəəŋ wò mugho alefala bòʼ làbəlà è dzùŋ zən aŋghəa Zə̀ kə̀ dzəlà wô ghû â sə̀ŋ zò a te.

Dzɛ̂ms 1:2

Waazə̂ ghaŋa gho, nǐi tsughu nlò enyəa à lò ghəa è duʼn zo abugho ghəa a mɔ̂msò kaāŋ ghɛ,