Kòloshìan 1:22 - To kə Kəzə̀ kə̀ Fughu ko

²² Zə̀ kə ŋ ghɛ̀ e nî nàŋa wò e bàm a tsəla e bàm an vʉ zəla Kə̀lestò fə̀ bughò kpuw ghè zò tǒ ghùw nsɔ̌ɔŋnchùw; enyəa ghɛ̀ è zɔlɔ, ghùw e yo alesaʼ ghɛ, ghɛ̀ e ki sugho yo nùʼ tò an sə kə wə̄n,

Kòloshìan 1:22 Iomraidhean Croise

Lûk 1:75

Sɛ̀ ke e lo tsəghatsəgha, zɔlɔ sùghò an sə kə wə̄n to mbī kê bughò mîa.

Lumà 7:4

Waazə̂ ghaŋa gho, à lò sugho ghəa è mɔʼɔ zo â ghɛ̀, ghɛ̀ êzəŋ e lo tò ghî a kpuuwn gho abugho e bugho alo kəlàŋ am vʉ zəla Kə̀lestò fə̀ kpuw ghè zò. Sɛ̀ êzəŋ e ndzə̂əm lo ghî a ghûw wəla ghe fə̀ zôm nughù kɔʼ alo evʉ̄, tò sɛ̀ è lo ghî ghəla mughù e ghee e fughuu kɔʼso mò â Zə̀ kò.

2 Kòlentìan 11:2

Ŋ̀ ki ŋgòʼ è lə̀ghà è li zo a zəŋò ghɛ̀ mò a ghə̌əŋ Kə̀zə̀, tɔŋlo enyəa mùgho mò ghɛ kpoōm naŋa tsughu â Kə̀lestò, alenìi fughuu ndûw ghɛ̀ tò a lô fughuu nduw wìzən wəla ù naam lo mbumbùʼ â nùm ù wən u mɔ̀ʼ.

2 Kòlentìan 4:14

Ghàʼ kwo enyəa Zə̀ kəla kə fə̀ nî nughù kɔʼ Mughùbè Yɛso alo evʉ̄ lo nìi nùghùun dzə̌əŋ kɔʼɔ ghàʼ à ghee, ù nìi wô sɛ̀ a dzə̀m an sə kə wə̄n.

2 Kòlentìan 5:18

Ghəa ghə̀n à dzə̀m à ghə̌əŋ Kə̀zə̀, Zə̀ kəla ù mò biān tsughu sɛ̀ à ghee am bàm e Kə̀lestò, fùghù tsùghù sùghò sɛ̀ â fwàʼ kò enyəa sɛ̀ è biaan ghî ghò ghèe ghê Zə̀ kò.

Efɛsùs 1:4

Zə̀ kə mǒ sɛ̀ ki shiāa nû to kə e bughò gbə̂n mbī, enyəa sɛ̀ è lo ghî a wə̄n gho aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò, mò sɛ̀ ki yo nùʼ tò, lò sugho ghî à zɔlɔ gho an sə kə wə̄n. Zə̀ kə̀ ləghaa sɛ̀,

Efɛsùs 5:27

Ù fə ezə ghəŋlo alenì tiso wô dzeŋe kə ghì a Kəzə̀ an sə kə wə̄n mò ghe lo alo nsəghanyəgha, mo ghe ki yo nwa wo ŋkāa mo ghe kâ tàŋndzùʼnlo, ŋkāa ghəa e biigh è li zo; enyəa ghe e zɔlɔ, mò ghùw yò alesaʼ ghee aŋ ghəa è li zo.

Kòloshìan 1:28

Ghàʼ mò zugho naʼn nduw tum è Kə̀lestò â ghì ghò a dzə̀m, kwɛ̀ɛn ndùw ghee, zoʼn ndùw ghee an tɔ wən u dzə̀m Zə̀ kə̀ fughu â ghàʼ, enyəa a e lo alenìi ndûw ghee a vʉ̀a Zə̀ kò mo ghe lo alo kəfəgha kə mɔ̀ʼ ghèe ghê Kə̀lestò.

1 Tɛ̀sàlonìan 4:7

Zə̀ kə̀ ka mo sɛ̀ tɔŋɔ dzə̀ enyəa a bugho mughù mùghù è dzəa zo, à mò laam lo enyəa a bughò mughù mùghù è zɔlɔ zo.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Hibùlù 10:10

Zə̀ kə n tsə̀m tsughu alesùuw maʼà bòo tə sɛ̀, kə ŋ ghəəŋ tsughu enyəa Yɛso Kə̀lestò fughuu kɔʼ ghue u wə̄n an tuw u sɛ̀, ù fughuu təla ko êsəŋò.

Hibùlù 10:20

A lô fughu tsəghàa nyə̌a ndùw an dzì è fughu zəla e lo ghəŋlo enyəa sɛ̀ kelê mùghù è doʼn təla zo, dzì zəla u mò tsʉ nyə nduw â sɛ̀ aŋghəa ù mò bâʼ nyə ndûw vʉa zo am vʉ zəla ù mò kpuw ghè zò.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

2 Pità 3:14

À fi lo enyəa fən ghaŋa gho, aŋghəa ghɛ̀ ləə̄m tsuʼ fən fo, də̀ma tən tsughu nlò aleghəŋlo enyəa ghɛ̀e e zɔlɔ, ghɛ̀ è ki sugho yo nùʼ tò a sə̀a Zə̀ kò, lò sugho alo ebughunlo ghɛ̀ à ghee.

Dzûd 1:24

Ŋ̀ gɔ̂ŋlo enyəa to sɛ̀ mô fùghù ŋkɔʼso n dzə̀m â Zə̀ kò, Zə̀ kəla kə kwu kele ghɛ̀ enyəa e kwo ko ghɛ̀ lô neē bvʉ̂a, Zə̀ kəla kə lo ghəŋlo enyəa ghɛ̀ eduʼnlo abugho kə kê nî wô ghɛ̀ an səghanyəgha ŋ wə̄n mò ghɛ̀ ki yo nyàaŋ fə udzʉ fə̀ li fo am fə̀ŋ tɛʼɛ.