Kòloshìan 1:21 - To kə Kəzə̀ kə̀ Fughu ko

²¹ Ghɛ̀ mò buʼ lo tsəgha ghî ghəla ghe mò nyuʼu naŋa dzəm to a zəŋò Zə̀ kò, ghɛ̀ ŋ ki moʼnlò e biigh zo, lò ghîikətuw a Kəzə̀.

Kòloshìan 1:21 Iomraidhean Croise

Lumà 1:30

Ghe m maʼn kǎaŋ tə̀nùʼ, baa Kə̀zə̀, ki dzughu e biigh zo, kɔʼso eghue, dèe eghue, ghî a te a kəŋo utsù, bùʼù zuuw sùghò yo â ghê tsele.

Efɛsùs 2:12

Ghɛ̀ e taā moʼn tsughuu enyəa tî kə te kə fə̀ lo mò ghɛ à ghê Kə̀lestò ka n zə dzəəŋ dzə̀, ghɛ̀ à ghê Ezə̀lɛ̂ n ndzùghùn lò sugho, ghɛ̀ ŋ ki yo ghu ko aŋ kàa məla Zə̀ kə̀ fə̀ zə ghèe ghê ghì a wə̄n gho an to u wə̄n wəla ù fə to naŋā. Ghɛ̀ n chîi yǒ tùʼ aŋ ghəa è li zo, Zə̀ kə̀ n yo sughô am mbī zɛʼɛ.

Efɛsùs 2:15

Kə̀lestò mafə zê màʼà lwâŋ u Tə̀dzûu àsùghò ghəa ghela lwâŋ u gəə̄n ghî gho a te an vʉ e wə̄n, ù fə̀ ezə ghəŋlo enyəa to Etoʼò àsùghò Dzûu to mò bùghò doʼò ghì a fughu gho a zəŋò wə̄n to bughunlo e doʼò,

Efɛsùs 2:19

E fi lo nû enyəa, ghɛ a Toʼo zò àsùghò Dzùu to, ghɛ êzəŋ kôom yo dzə ghî ghəla ghɛ bwîin nyə wo nû, ghɛ ezəŋ lo kəfəgha kə mɔ̀ʼ ghɛ̀ à ghê ghì a Kəzə̀ ghò, lò sugho alo kəfəgha kə mɔ̀ʼ ghɛ̀ à ghê kèndughu kə Kəzə̀ kò.

Efɛsùs 4:18

Ləm chia kə lo an sə a ghee, ghe yia a ki yo ghu ko am mùghù è fughu zəla Zə̀ kə̀ fughu â ghì ghò, bòʼ fə̂ŋso e ghee, ghe sô tughuso naŋā tsughu fə̂ŋ tə ghee to.

Dzɛ̂ms 4:4

Ghɛ̀ ghî à səa ndzaŋa gho, ghɛ̀ kwo yo enyəa ghî ghəla ghe bwîi fwən wo ghèe ghê fʉgha u mbī wo lo ghî a kətuw a Kəzə̀ a? À fi lo enyəa, ghùw wəla ù mòʼnlo alebwiī fwən wo ghèe fʉgha u mbī wo fi doʼò dzə ghùw ù kə̀tūw ù Kə̀zə̀.