Kòloshìan 1:2 - To kə Kəzə̀ kə̀ Fughu ko

² M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe boō fughu tsughu â Kə̀lestò an naʼ e Kòlosɛ̀. Ghàʼ gɔ̂ŋlò enyəa to Kə̀zə̀, Tsele ù sɛ̀ mò fughu ghɛ â bughuun zo, Kə dêe sughò ghɛ̀ â dzɔ̀ e wə̄n zo.

Kòloshìan 1:2 Iomraidhean Croise

Kə̀fwàʼ 9:13

Anànîas ŋ kuuwn bɛ̀lɛ̀ tsùghù enyəa, “Mughubè, mùghò n zwɔ̀ŋ u tûw wən u ŋge zuw am bo zəla ù lǒ mò ù n dè â ghì ghə̀a ghò an Yɛ̀lusalɛ̀m.

Lumà 1:7

Mwàʼsò kən kə tɔɔ wò â ghɛ̀ yì a dzə̀m a fi am mbùʼ è Lumà Zə̀ kə̀ ləghaa, tsɔʼ kɔʼ ghɛ enyəa ghɛ̀ doʼo ghî a wə̄n gho. Ŋ̀ gɔ̂ŋlò enyəa to Kə̀zə̀, Tsele ù sɛ̀ ghèe Mughu ù te Yɛso Kə̀lestò mò dê ghɛ̀ â dzɔ̀ zò, ghe fughuu sugho ghɛ̀ â bughuun zo.

1 Kòlentìan 1:2

Ŋ̌ mwàʼsò kən kə tɔɔ wò â dzeŋe kə ghì a Kəzə ghəla ghe lo an naʼ e Kɔ̀lênt, ghɛ̀ ghî ghəla ghe fə̀ sûw tsughu ghɛ enyəa ghɛ̀ e lo fəgha ko kə mɔ̀ʼ ghèe ghê Kə̀lestò Yɛso aŋghəa Zə̀ kə fə̀ ghəŋlo enyəa ghɛ̀ doʼo ghî a wə̄n à zɔlɔ gho, ghɛ̀ à ghê ghì ghən à dzəm an lùʼù tən tə dzəm ghe tɔɔ̄ŋ tsughuu zən e Mughùbè Yɛso Kə̀lestò zò, tɔɔŋ Mughùbè ù sɛ̀ àsùghò ù ghee.

1 Kòlentìan 4:17

Zən lò e ghee Ǹ dzɛ̂ enyəa Ǹ tuu wò nù Timotì, wɛ waŋā ù tsùʼu wəla ù gaʼ fə̀ŋ a zəŋò Mughu ù te, ù zə̂əŋ wô ghɛ̀ an dzìi taŋā tə ghəəŋ tə aghəa to aŋ ghəa M̀ fwaʼa â Kə̀lestò, aŋ ghəa Ǹ zoʼn kaŋlo an luʼū ten tə dzəm an ndzweŋe u ghì a Kəzə̀ wən u dzə̀m.

Gàlashìan 1:3

To Kə̀zə̀, Tsele ù sɛ̀, àsùghò Mughubè ù sɛ̀ Yɛso Kə̀lestò, mò dê ghɛ̀ â dzɔ̀ e ghee zo, ghe fughuu sughò ghɛ̀ â bughuun zo.

Gàlashìan 3:9

Abə̀làhâm fə̀ gaʼ tsughu fə̀ŋ a zəŋò Zə̀ kò, Zə̀ kə̀ m bughuso tsughu wə̄n, a fi lo enyəa ghî ghə̀n à dzə̀m ghe gaʼ tsughu fə̀ŋ a zəŋò Zə̀ kò, ghe lo kele sùghò bughuso tò aŋghəa Abə̀làhâm fə̀ kele.

Efɛsùs 1:1

À mwàʼsò kən kə tɔɔ wò mùghò Pôl, mùghò tum è Kə̀lestò Yɛso zəla Zə̀ kə̀ mò tsɔʼ kɔʼ. M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe gaʼ tsughu fə̂ŋ tɛʼɛ to â Zə̀ kò am mùghù zɛʼɛ àsùghò aŋghəa ghɛ̀ lo alo kəfəgha kə mɔ̀ʼ ghɛ̀ à ghê Kə̀lestò Yɛso an naʼ zə Efɛsùs.

Efɛsùs 6:21

Taekikùs, wàazə̀ ù sɛ̀ wəla u ghàʼ ŋgeē ləghaa, vʉ̀a ù lò sughò kɔɔ fəla fə zumso fwaʼa â Mughu ù te bughò nǔ fì a vʉ̀a ghɛ̀, ù lo bùghò tɔʼɔ̀ teso dzâa wô ghəa ghəla Ǹ lô fɛ a te â ghɛ̀.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

1 Pità 1:2

Kə̀zə̀, tɔɔŋ Tsele ù Mughùbè ù sɛ̀ ù te n tsɔʼ kɔʼ ghɛ enyəa ghɛ̀ doʼo ghî a wə̄n gho an tə̀ŋ kəla kə fə̀ fôʼ naŋā, Zuʼ tə̀ Zɔlɔ tə ŋ ghəəŋ tsughu enyəa ghɛ̀ e lo ghî à zɔlɔ gho, enyəa ghɛ̀ e zuuw nduw â Yɛso Kə̀lestò, to aŋghəa kâŋ tə wə̄n an vʉ zəla ù kpuw ghè zò fə̀ sûw maʼà tsughu ghɛ. Ŋ̀ gɔ̂ŋlò enyəa Zə̀ kə̀ mô fughu ghɛ â bughuun zo, kə dêe sughò ghɛ â dzɔ̀ e wə zo naʼ è ndə̀m.

2 Pità 1:2

Ŋ̀ gɔŋlò enyəa to ghɛ̀ mô lô alo ebughunlo, ghɛ̀ e zuuw sugho kədzûŋ bò enyəa ghɛ̀ kwo nu Zə̀ kò ghèe Yɛso Mughùbè ù sɛ.

Dzûd 1:2

Ŋ̀ gɔ̂ŋlò enyəa to Zə̀ kə̀ mô fughu ghɛ â bughuun zo, kə dêe sughò ghɛ̀ â se è kwuso zo àsùghò ləgha zo.

Edêe Fughu 1:4

À lò mugho Dzɔ̌n, Ǹ tɔɔ̄ wô mwàʼsò kən ko â dzweŋe u ghì a Kəzə̀ wən wo sə̀ghàmbəgha u lo an Ɛshìa. Ŋ̀ gɔ̂ŋlò nyəa to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo. À lǒ wə̄n wəla ù lǒ, wəla ù fə̀ lo tsəgha, vʉ̀a ù ki sughò alebùghò. To Zuʼ tə Kəzə̀ ten sə̀ghàmbəgha ghe lo an sə kə ndàŋ e kə̀də̀ŋ e wə̄n mô dêe sughò ghɛ̀ a dzɔ̀ zo, ghe fughuu sughò ghɛ̀ â bughuun zo.