Kòloshìan 1:19 - To kə Kəzə̀ kə̀ Fughu ko

¹⁹ Tɔŋlo enyəa à fə̀ tsəm kɔʼ Kəzə̀ aleghəŋlo enyəa Wɛ ù wə̄n e bɔɔm lo sugho to wə̄n alo aghəa a dzə̀m.

Kòloshìan 1:19 Iomraidhean Croise

Lûk 10:21

An nə̀gha e te zo, Yɛso n nùghù duʼn kɔʼ an daʼa kə Zuʼ tə̀ Zɔlɔ to, dzɛ̀ tsùghù enyəa, “Zɔ̀ɔŋ kə̌a a Tsele waŋā, Mughù ù kəwala à ghueekətsə̄ ko, enyəa ghù nàn tsughu ghəa ghən â ghî ghəla ghe moʼo enyəa ghe lo à tɔɔ gho, àsùghò ghəla ghe zuūwkɛlɛ ghəa gho, ghù vʉ̀a ghù kuūwn dê fughu tsughu â ghì ghəla ghe kwo yô ghəa gho. Òhòŋò Tsele waŋā, à mò tsəm ghû enyəa ghəa a te a doʼò èzə̀.

Dzɔ̌n 1:16

Ù bùghùso sɛ̀ bughuso kwènlò bòʼ ləgha è ne zəla ù ki a zəŋò sɛ̀.

Dzɔ̌n 3:34

Tɔŋlo enyəa ghùw wəla Zə̀ kə̀ tum wo, ù kə̀aa sə̌a wò shwaʼ u Kəzə̀; nu Zə̀ kə kâ wə̄n â Zuʼ tə te fughu mò Kə fòʼ kɔ̀ʼ nû.

1 Kòlentìan 1:21

Tɔŋlo enyəa ghəa è fə lô enyəa ghî a mbī yo dzə̂ alekele Kə̀zə̀ an tɔ e ghee, Zə kə̀ n ləgha kɔʼ aletsəghàa tsughu an làʼsò zəla sɛ̀ zughòo kaŋlō enyəa kə bəghāsə̄ ghî ghəla ghe boō fughu tsughu â wə̄n.

Efɛsùs 1:23

Ghî a dzeŋe kə ghì a Kəzə̀ a lo tò gwə̄n e ughùe e Kə̀lestò, à bɔ̌ɔm lue kpeen tsughu ko wə̄n a te, wən wəla ù lue kpeen kaāŋ wo alo ufʉgha u dzə̀m.

Efɛsùs 1:3

Kɔʼso n lo à Zə̀ kò, Tsele ù Mughùbè ù sɛ̀ Yɛso Kə̀lestò, wəla ù fughu sɛ̀ a bughuso e shʉ̀ghà zò mo e nùghù wò alo kəwālā aŋghəa sɛ̀ à ghê Kə̀lestò lò fəgha ko kə mɔ̀ʼ.

Efɛsùs 1:5

zən lò e ghee Zə̀ kə fə̀ ki foʼ naŋā enyəa sɛ̀ e ke lo wɛ a wə̄n gho am bàm è Yɛso Kə̀lestò, bòʼ enyəa à fə̀ lo fəgha kəla Zə̀ kə fə̀ tsə̂m tsughu alefwàʼ ghè kò am fə̂ŋ e wə̄n e dzùŋ.

Efɛsùs 4:10

Wə̄n wəla ù fə̀ tsughu wo, à lô sugho wə̄n ù mɔʼɔ wəla ù fə̀ kɔʼ ndùw sugho edzuŋ, bùʼ tsə̀ghàtàʼà edzuŋ èdzùŋ, enyəa to ù mò lô alo tə lùʼù tə dzə̀m.

Kòloshìan 2:3

Ghəa ghə̀n a dzə̀m a lô alekele kùu ndùw Kə̀zə̀ nàn doʼò a zəŋò Kə̀lestò.

Kòloshìan 2:9

Tɔŋlo enyəa Kə̀lestò bɔ̌ɔm ki ko mwam u Kəzə̀ u dzə̀m a zəŋo ghùe u wə̄n,

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.