Kòloshìan 1:16 - To kə Kəzə̀ kə̀ Fughu ko

¹⁶ Tɔŋlo enyəa à fə̀ lo am bàm e wə̄n Zə̀ kə fə̀ gbə̂n wô fʉgha wo u dzə̀m alo kəwālā àsùghò am ghueekətsə̄ fʉgha wəla a koʼō àsùghò wəla a koʼò yo, ŋkāa à lò ulwâŋ, ŋkāa dwaʼa wə enaʼ wo, ŋkāa kwu è ùdwə̀ŋ ŋkāa udwə̀ŋ u dzə̀m, ufʉgha u dzə̀m Zə̀ kə fə̀ gbə̂n wô, a fə̀ lo am bàm e wən àsùghò â wə̄.

Kòloshìan 1:16 Iomraidhean Croise

Dzɔ̌n 1:10

A fə̀ mbī mgbaŋ gbən wo ko Wə̄n, a m bùghò Ù nyə wo am mbī, mbī ŋ kè kôom koʼòkɛlɛ wə̄n.

Dzɔ̌n 1:3

À fə̀ fʉgha wo u dzə̀m gbən wo Wə̄n an daʼa kə Kəzə̀, buw â Wə̄n to fəgha kə̀ li kə mô yò.

Lumà 11:36

Nu, à mò fʉgha wo u dzə̀m gbən wo Wə̄n. Fʉgha wə̀n u dzə̀m vʉa u lo an daʼa kə wə̄n, àsùghò â wə̄n: Sɛ̀ ki alefughuu Zə̀ kò â kɔʼso məla ŋ kè mîan koʼò yo. Zə e lo ko êzə̀.

Lumà 8:38

Tɔŋlo enyəa Ŋ̀ kwo nu enyəa evʉ, kàa emughù, tsə̀təndə̄ghā tə Kəzə̀, ŋkāa dwə̀ŋ ù saʼa wo, fʉgha wəla u lo, ŋkāa wəla u naām ki alebùghò ŋkāa udwaʼa,

Lumà 9:5

Ghe yia lô sughò wɛ a awɛ a ghê tselè tsele a ghì ghə Ezə̀lɛ̂ ghò, mo Yɛso Kə̀lestò sə̀ a fughu an tigh kə te ko. Ù lò Kəzə̀, ù saʼā mbī e dzə̀m, to ghî à mô kɔʼsô tsəghà wə̄n to mbī kê bughò mîaa. Zə e lo ko êzə̀.

1 Kòlentìan 8:6

 sɛ̀, à lò ko Kəzə̀ kə mɔ̀ʼ, Tsele ù te, wəla fʉgha wən ù dzəm sə aŋ ghùu wə̄n, sɛ̌ yia lô sugho mò à lǒ wə̄n, àsùghò Mughu ù te u mɔ̀ʼ mò à lò Yɛso Kə̀lestò wəla Zə̀ kə fə̀ gbə̂n wo fʉgha wo u dzə̀m am bàm e wə̄n, sɛ̌ yia mughù sugho mo a lo am bàm e wə̄n.

Efɛsùs 1:10

Ghəa ghən a dzə̀m kè səa an nə̀ghà zəla Zə̀ kə̀ fə̀ môʼ naŋā, alenìi təmadzə̄əŋ wô ufʉgha u dzə̀m alo kəfəgha kə mɔ̀ʼ, alo kəwālā àsùghò aŋ ghueetsə̄, mò Kə̀lestò lo kətuw aŋ ghəa a te gho a dzə̀m.

Efɛsùs 6:12

Tɔŋlo enyəa sɛ̀ təma dzə̀ yǒ tsàm sɛ̀ à ghê ghì ghò, a tsàm kuuwn təma sɛ̀ à ghê zʉ̀ ù biigh wo, təma sùgho sɛ̀ à ghê zə̀a m biigh məla à tuu sə̀a wo dwə̀ŋ u te wo, təma sùghò sɛ̀ à ghê zʉ̀ wəla u ki dwaʼa wo aŋghəa a kələm ghəla a nîi bəla ke êzə̄ŋ, àsùghò zʉ̀ ù biigh ù li wəla u boōn kaāŋ ghəa gho an luʼu tə kəwalā

Fèlepìan 2:10

Zə enyə lò enyəa abugho ghe tɔŋɔ tsughu zən e Yɛso zò, a ghî à dzə̀m alo kəwālā, aŋ ghueekətsə̄ àsùghò naʼ e ghueetsə̄ zo n təm təŋguʼ a vʉ̀a wə̄n.

Kòloshìan 1:15

Kə̀lestò lǒ fwěen kə Kəzə̀, Zə̀ kəla a koʼò yo, â Zə̀ kò alegbə̀n ùfʉgha u dzə̀m, à fə̀ lo mo ù lo tsəgha nû, vʉ̀a ù tsə̀ghàsə fʉgha u te wo u dzə̀m ghe fə̀ gbə̂n wo.

Kòloshìan 1:20

À fə̀ lo sugho am bàm e Wɛ ù wə̄n Zə̀ kə fə̀ nî naŋā wo fʉgha wo u dzə̀m e bàm a tsəla wə̄n, wəla u lô alô kəwālā àsùghò aŋ ghueekətsə̄. Zə̀ kə fə̀ êzə̀ ghəəŋ tsughu alenìi wô ebughunlo aŋ kàŋ tə Yɛso təla tə fə̀ tsughu tsughu alo kədàŋlo.

Kòloshìan 2:10

Zə̀ chia kə̀ fughu ghɛ â ndzə̀m kə emùghù kò aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò wəla ù tughu tsə̀ghàsə zʉ̀ wò u dzə̀m àsùghò dwaʼa u mbī wən u dzə̀m.

Kòloshìan 2:15

A fughu èzə̀ alo kədàŋlo, Kə̀lestò n tùghù tsə̀ghà tsughu zʉ̀ u mbī wo àsùghò dwaʼa wəla u saʼā mbī. Ù ŋ ghəəŋ tsùghù sùghò enyəa aghî à dzə̀m kòʼò wô aŋghəa ù sèe bwîi nduw a ghee a te tò ukɔ̂, enyəa e n təm zə.

Hibùlù 1:2

Yia a bugho êzəŋ an tsùʼu məla ŋ gùŋso tsughu, Zə̀ kə̀ ghəa gho â sɛ̀ kə̂a wò â wɛ̀ ù wə̄n, Wɛ ù wə̄n wəlà ù fə̀ nî kɔʼ enyəa à lô fʉgha wə̀n ù dzə̀m zə̌a wə̄n, mò kə fə̀ mbī bɔm sugho am bàm e wə̄n.

Hibùlù 2:10

Ufʉgha u dzə̀m à kì Kəzə̀, mò à fə̀ fʉgha u te wo u dzə̀m gbən wo wə̄n. E fə̀ lo tsəghatsəgha aŋghəa Zə̀ kə̀ fə̀ ghəə̄ŋ tsughu enyəa Yɛso e lo tuw ko â zəŋò ghì a wə̄n gho, bòʼ fala zəla ù fə̀ fala ghè zò aŋghəa ù fə̀ nîi wo ndə̀mà tə wɛ a Kəzə̀ ghò an səghanyəgha ŋ wən àsùghò aŋghəa ù ghəŋlo enyəa ghe zə kətuw.

1 Pità 3:22

Ù fə̀ kɔʼsə kɔʼ alo evʉ̄, ù n nùghù nyə̀ kɔ̀ʼ ndùw alo kəwālā, vʉ̀a ù dǒʼ aŋ kwe u Kəzə̀ ù təma wo, saʼâ tsə̀təndə̄ghā tə Kəzə̀ tò àsùghò dwaʼa wo u dzə̀m alo kəwālā.