Kòloshìan 1:15 - To kə Kəzə̀ kə̀ Fughu ko

¹⁵ Kə̀lestò lǒ fwěen kə Kəzə̀, Zə̀ kəla a koʼò yo, â Zə̀ kò alegbə̀n ùfʉgha u dzə̀m, à fə̀ lo mo ù lo tsəgha nû, vʉ̀a ù tsə̀ghàsə fʉgha u te wo u dzə̀m ghe fə̀ gbə̂n wo.

Kòloshìan 1:15 Iomraidhean Croise

Dzɔ̌n 1:1

To mbī e kaʼ Shwaʼ wən fə̀ lo nû, Shwaʼ u te u fə̀ lo ghèe Zə̀ kò, Shwaʼ u te wə n lo Kəzə̀.

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 1:18

Ghùw ù lì kaām kôʼ kòʼ Zə̀ kò; alo ko sɔ̀ kə wɛ kəla kə lo am bughu e Tsele, kə nì dè wò wə̄n â sɛ̀.

Dzɔ̌n 14:9

Yɛso m bɛ̀lɛ̀ ndùw wə̄n enyəa, “À fi lo enyəa, an dəghà kə kəgha kəla Ǹ lô fɛ sɛ̀ a Felèp, ghɛ̀ kaām kwo to yo mugho a Felèp? Ghùw wəla ù lo mò ù m mùghò kôʼ, ù ŋ kôʼ sùgho Bəghà. À sò lò kə kwò ghɛ̀ sô naām məghaan wə̄n a?

Dzɔ̌n 15:24

Abugho e mô lô enyəa ghe ka mo kôʼ fwàʼ kə̀là mùgho mò fwâ tsughu an tsə̀tèʼè fə ghee, mò ghùw ù lì kaām fwâʼ kôʼ, to e mô fi lo enyəa ghe kaām ghəəŋ boon dzə̀ ghəa è li zo. À sò fɛ lo enyəa ghe ŋ kòʼ, ghe yia kòom bâa ghàʼ à Bə̀ghà.

Dzɔ̌n 3:16

Tɔŋlo enyəa Zə̀ kə fə̀ ŋge ləgha nu mbī alenìi fughuu wô sɔ̀ʼ kə wɛ̀ kə wə̄n kə mɔ̀ʼ enyəa mò ghùw bǒo fùghù ndùw dzə̀ â wə̄n, ghùw ù te ŋ kè kpuūw mîa alo kəleŋe, ù n laam kelê mùghù è doʼn təla zo.

Lumà 8:29

Ghî ghəla Zə̀ kə mò ki kwo ziī ŋ ghee tsuʼ naŋa enyəa ghee e lo sugho tǒ wɛ ù wən ù nùu wən, enyəa wɛ ù wə̄n ù nùu ù wən e lo wɛ ù sûesʉ am bvʉa e ndə̀m è ghì ghəla ghe boō fughu â Zə̀ kò.

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

Fèlepìan 2:6

Ghəa ù fə̀ bûʼ lô ko tò Kəzə̀; ki dwaʼa wən ù dzə̀m Zə̀ kə̀ ki, ù ka fə nî dzə̀ ghue u wə̄n wo enyəa e lo Kəzə̀.

Kòloshìan 1:13

Vʉ̀a ù bəghāsə̄ sɛ̀ aŋ ghùu daʼa kə kələ̄m ko, nì nàŋa tsə̀ghà wò sɛ̀ am fɔ̀e u Wɛ ù wə̄n, ù gaʼ fə̀ŋ a te.

1 Timotì 1:17

Gɔ̂ɔŋ zaʼa e lo enyəa, to ghî à mô tə̀mâ ŋkəma, fughu sùghò ŋkɔʼso â Də̀ŋ kəla kə doʼo tən, də̀ŋ kəla kə kê kpuūw koʼò yo, kəla ghùw taʼkè kaām koʼò koʼo tsəghà, mò a mìa ko wə̄n Zə̀ kò to mbī kê bughò mìaa. Zə e lo ko êzə̀.

1 Timotì 6:16

Zə̀ kəla kə kê kpuūw koʼò yo, mo kə mughu an tsə̂ zəla à nyəghaan tsə̀ghà tàʼà sə ko ghè zò mò fəgha kə̀ li kə yo alendùw tɛ̂ fughu, mò ghùw ù lì kaam bûʼ kòʼ kòʼ ŋkāa ghùw kè bùʼ kòʼ kòʼ yò. À ki wən kɔʼso mò ndzə̀m à daʼa ko. Zə e lo ko êzə̀.

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 1:6

Alekòom nîi kpeʼē tsughu aŋghəa Zə̀ kə̀ fə so fughuu wo Wɛ̀ ù wən ù sûesʉ am mbī, Ù n dzɛ̀ tsùghù enyəa, “Tsətəndəgha tə Kəzə̀ tə dzə̀m ki alefughuu wə̄n â kɔʼso mò.”

Hibùlù 11:27

À fə̀ lo bòʼ Musî fə̀ boo fughu â Zə̀ kò, e fə̀ ghəŋlo ù n tiigh nùghù sə̀ wò an naʼ zə Edzìp, ù ŋ kè ndoʼò tsəŋ nʉgha u kədə̀ŋ u pfʉa wo, ù ŋ ka tsughu ko ezə, tɔŋlo enyəa ù fə̀ naŋa nduw esə a zəŋò ghùw wəla a buw tò a e kôʼ.

Edêe Fughu 3:14

Yɛso n dzɛ̀ kpèʼe wò sùghò â mùghò enyəa, “Tɔm ndùw â tsə̀ndə̄ghā zəla è lò an â dzeŋe kə ghì a Kəzə̀ ghò an naʼ e Làodisìa enyəa, ‘Ghùw wəla ghe tɔŋlo enyəa à lò Zə e lo ko êzə̀, wəla ù zuūw â Zə̀ kò, kə̀aa sùghò èsəŋò aŋ ghəa e Kəzə̀; wəla Zə̀ kə fə̀ dzeŋe zîi tsughu fʉgha u gbəla wo ghèe wə̄n, ù dzɛ̂ enyəa,