Kòloshìan 1:14 - To kə Kəzə̀ kə̀ Fughu ko

¹⁴ Wɛ ù wə̄n wəla ù ghuūw màʼà bôo tə sɛ̀ tò, zè zə̀ghàa sùghò sɛ̀ enyəa sɛ̀ e ndzəə̄m mughu.

Kòloshìan 1:14 Iomraidhean Croise

Matìo 20:28

E fɛ lò sugho tò aŋghəa Wɛ̀ ù ghùw fə̀ bughò enyəa ù e fwə̂ən fwaʼā â ghì ghò, à yò dzə̂ enyəa ghî ghə̀ è fwaʼa â wə̄n, àsùghò enyəa ù fughuu ndûw tuw kə wə̄n alezuū sə tuw u ndə̀m è àghì.”

Lûk 5:20

Ghəa ù kòʼ tsughu enyəa ghe ŋge boo fughu nû, ù n dzɛ̀ tsùghù enyəa, “Ǒo tûwbʉ̀ghà, Zə̀ kə̀ m bòo tə̀ghà tə̀ ghuuw màʼà.”

Kə̀fwàʼ 10:43

Ghiīshʉ̀ghà ghə̀n à dzə̀m fə̀ fɛ kâa ko wə̄n enyəa ghùw wəla ù boō fughu tsughu dzə̄ â wə̄n, ghe n ghuuw màʼà bòo tə wə̄n bòʼ Wə̄n.”

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

Gàlashìan 3:13

Kə̀lestò mafə tuw kə sɛ̀ kə̀ zue sə̀ wò aŋ ghùu tsù u kəlàŋ wò aŋghəa ù mò doʼò ndûw ghî fə kəlòʼ an tuw kə sɛ̀; nu ghe tɔm naŋa am mwàʼsò kə Kəzə̀ enyəa, “Ghùw wəla ghe təghàa naŋa kɔʼ alo fəkà, à lǒ ghî fə kəlòʼ.”

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Efɛsùs 4:32

Ghɛ̀ kuuwn ki aleki fə̂ŋ tə̀ dzûŋ tò, dèe ndùw sùghò èdzɔ̀ aŋ ghùe zɛʼɛ̄. Mò ghùw ghəəŋ bonlo èghəa â wàazə̀, wàazə̀ ù te ŋ ghuuw màʼà bo e ghûw ù te to aŋghəa Zə̀ kə̀ mò bɔɔ̄m ghuūw maʼà sugho bôo tə sɛ̀ tò aŋghəa sɛ̀ lǒ fəgha ko kə mɔ̀ʼ sɛ̀ à ghê Kə̀lestò.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Kòloshìan 2:13

Yia a bughò ghɛ ghəla ghɛ̌ fə̀ lo tò ghî à kpuuwn gho bòʼ ghəa ghɛʼɛ à biigh gho, aŋghəa ghɛ̀ mò naam lo mò ghɛ̀ kaām boo fughu dzə̀ â Zə̀ kò, Zə̀ kə̀ ŋ ghəŋlo enyəa ghɛ̀ koōm doʼo wo â tuw ko am bàm è Kə̀lestò aŋghəa ù fə̀ ghuūw maʼà ghəa a sɛ̀ à biigh gho a dzə̀m.

Kòloshìan 3:13

Ghɛ̀ è bughuun ghəəŋ nduw ghəa gho aŋ ghùe zɛʼɛ̄ mò à yǒ ndə̀m kə̀ ndə̀m, mò ghùw ghə̌əŋ bonlo èghəa â wàazə̀, wàazə̀ ù te ŋ ghùw màʼà ghəa e te zo. Ghɛ̀ ki aleghuuw maʼn bôo tə aghì tò aŋghəa Mughu ù te fə̀ ghuw maʼà tɛʼɛ to təbôo.

1 Timotì 2:6

Yɛso wəla ù fə̀ nî kɔʼ tuw kə wə̄n ko zue sə tsughu aghî a dzə̀m a te. Yɛso fə̀ fɛ bugho kpuw an tuw u aghì tǒ tsə̌a aledèe tsughu enyəa nəgha zəla Zə̀ kə fə̀ ki alebəghaasə aghî a te, zə m kpe aŋghəa kə fə̀ fôʼ naŋa.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Hibùlù 9:12

Aŋghəa Kə̀lestò a fə̀ nyə nduw an luʼu kə̀ baa ko, u ka fə nyəa dzə̀ â kàŋ tə dzə to ŋkāa tə mbɔ̀ŋ tò, ù fə̀ a fughu nyə ko enəgha e mɔ̀ʼ, nyə tən ko êsəŋò, aŋghəa ù fə̀ nî kɔʼ kâŋ tə wə̄n to, ù n zùe sə̀ wò tuw u sɛ̀ a te, zue tən ko ê səŋò.

Hibùlù 9:22

Kùmkùm alo kəlàŋ, e lo ko tò a e soō a fʉgha wo u dzə̀m sûuw ko alo təkàŋ, àsùghò enyəa abugho kâŋ tə̀ doʼkè tsughuu tsughu Zə̀ kə̀ yo sughò aleghuūw maʼà tə̀bòo.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Dzɔ̌n 1:9

Abugho sɛ̀ kûm boo tsughu enyəa sɛ̀ ghəəŋ nù ghəa à biigh gho, sɛ̀ yia a mʉŋē aŋ ghəa a te gho a sə̀a Zə̀ kò, kə lo ghuūw maʼà bòo tə sɛ̀, kə sùuw maʼà sughò sɛ̀ aŋ ghəa a sɛ̀ à biigh gho. Tɔŋlo enyəa Zə̀ kə̀ lo tsəghatsəgha, chia kə naāŋ sugho to kə wə̄n ko.

1 Dzɔ̌n 2:12

Ǹ ghəa ghən tɔɔ wo a ghɛ̀ a fən ghaŋā gho, bòʼ Zə̀ kə̀ m bòo tɛʼɛ tə ghuuw màʼà an am bàm e Kə̀lestò.

1 Dzɔ̌n 2:2

À lǒ wə̄n ghùw wəla ù mò boʼō nughu mbùŋ kə təbòo kə sɛ̀ kò. Ù ka fə ka bòʼò nùghù ko mbùŋ kə sɛ̀ kò, ù fə̀ boʼō nughu sugho mbùŋ kə təbòo kə ghì ghə̀n a dzə̀m am mbī.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.

Edêe Fughu 14:4

À lò ghî ghən ghe lo mo ghe kaām dzəso ghue e ghee zo ghèe ghê ghìzən gho; nu ghe naam lo mo ghe kaam kwo yo wìzən. À lǒ ghee ghən Tsʉa u Ndzì u te u tsəghàa ko a ghɛ ghe n lo a bàâ wə̄n. Ghən lǒ ghee ghəla ghe bəghasə̄ tsughu aŋ ghu kə ghùw nsɔ̌ɔŋnchùw, ghe lo to fəgha kə sûesʉ kəla kə kwən wo an usum a fughuu kɔʼɔ â Zə̀ kò ghèe Tsʉa u Ndzì u te wo.

Edêe Fughu 5:9

Ghe n zôo zom è fughu zo, zoo tsughu enyəa, “Ghǔ ŋ kɔʼkpe alenìi kɔʼ nyəme u kəmwàʼsò u te wo, àsugho alezʉ̀mè nughù kɔʼ mə̀ŋ e te, tɔŋlo enyəa ghe maā ghû wì, ghù n nì kɔ̀ʼ kâŋ tə̀ghà zuesə tsughu aghî a te an ndùm tə̀n tə̀ dzə̀m àsùghò ghì ghən a dzə̀m ghe dzeŋe saʼā shwaʼ wo u mɔ, an tum wən ù dzə̀m, aŋ ghì ghə̀n à dzə̀m an nàʼà tə̀n tə̀ dzə̀m, ghù n nì fùghù wò â Zə̀ kò.