Kòloshìan 1:12 - To kə Kəzə̀ kə̀ Fughu ko

¹² Ghàʼ yìa fughuu sugho zɔ̀ɔŋ kò â Tsele ù te wəla ù ghəŋlo enyəa sɛ̀ kele sughò tuʼ e sɛ̀ am fʉgha wəla ù fə̀ to naŋā enyəa e ki alefughu â ghì à wə̄n gho, ghəla ghe mughu an tsə̂.

Kòloshìan 1:12 Iomraidhean Croise

Matìo 25:34

Də̀ŋ kə te kə lo daŋso dzɛ̂ â ghì ghəla ghe lo aŋ kwe u wə̄n ù təma wo enyəa, ‘Bùghò nlò, ghɛ̀ ghəla Bəghà lǒ mò ù ŋ ghɛ̀ â bughuso e fughu, ghɛ̀ e lo an fɔ̀e u kədə̀ŋ wəla ghe fə ki naŋa to â ghɛ̀ tèetèe aŋghəa mbī fə̀ kaʼ tsughu.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 20:17

Yɛso n dzɛ̀ â wə̄n enyəa, “Kà mugho mɔ̀m, nuu Ŋ̀ kaām kɔʼ tɛ̀ dzə̀ a vʉ̀a Bə̀ghà; laam ndùw a vʉ̀a waazə̂ ghaŋa gho, ghù dzɛ â ghee enyəa M̀ fɛ ndùuw a vʉ̀a Tsele waŋa wəla à lò sugho tsùghò, tɔ̂ɔŋ Zə̀ kɛʼɛ.”

Dzɔ̌n 4:23

Nəghā e te e kpěe wò nù, zə m bùʼ kpè, ghî ghəla ghe kûu kɔʼso Zə̀ kò lo kɔʼso tsìghà Tsele ù te bòʼ ghùw wəla ù lo ghè wò an daʼa kə Zuʼ tə̀ Zɔlɔ to, tɔŋlo enyəa Tsele ù te kəŋô ŋgòʼ è àghì ghən gho alekɔʼso Wə̄n.

Kə̀fwàʼ 20:32

M̀ fɛ êzəŋ fughuu nyəa tsughuu ghɛ̀ aŋ ghu kə Kəzə̀, àsùghò an shwaʼ u wən ù dzûŋ wò; wəla kə lo alebɔɔ̄ tīsō ghɛ̀, wəla ghəə̄ŋ sughò ghɛ̀ zə fʉgha wəla u lɛɛ̄n ghî ghəla ghe lo mo ghe ŋ ghee sûw màʼà.

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Lumà 11:17

A nî tsughu enyəa ghe bvuʼn nùghù tsùghù kwèe tə̀ li to aŋ kàʼ fə̀ Olèf fə enaʼ fo, ghe yia ndûw nîi wò kwèe kò aŋ kàʼ fə Olèf fə ŋgwən fo, bùghò nyùŋ naŋa nyə̀ wò aŋ kàʼ fə Olèf fə enaʼ fən. Ghɛ̀ Toʼò è lo tò kwêe kə kàʼ fə Olèf fə ŋgwən fo, ghɛ̀ yia mùghù mughu zəla Zə̀ kè ləghaa êzə̄ŋ, zəla Dzûu tə̀ fə̀ mughù tsəgha.

Lumà 15:27

Aŋghəa à mò bûʼ tsə̂m tsughu Toʼò zò alefughu eyôso; alekùum nîi tsughu, ghe ki alechuuw ŋgùu kò â Dzùu tò, to ghe e yoso ghee a te. Aŋghəa e lo enyəa Toʼò e mafə kele sugho nwamso wəla Zuʼ tə̀ Zɔlɔ tə fughuu â Dzûu tò, Toʼò e fi ki sugho nû alefughuu Dzûu tò â yòso zò am fʉgha u ghee wəla ghe ki.

Lumà 8:17

Ghəa sɛ̀ lò wɛ a wə̄n gho, sɛ̀ lo zəa sùghò nù fʉgha wəla Zə̀ kə fə̀ to naŋa â ghî a wə̄n gho. Sɛ̀ à ghê Kə̀lestò lò dzeŋe zəa sùghò nù fəgha kəla Zə̀ kə mò naŋa â wə̄n; tɔŋlo enyəa, abugho sɛ̀ fala dzəŋlo sɛ̀ à ghê Kə̀lestò, sɛ̀ à ghee e ke dzeŋe lo sugho a dzə̀m an səghanyəgha ŋ wə̄n.

Lumà 9:23

Zə̀ kə fə̀ ghəa ghən enyə ghəəŋ tsughu aledèe fughuu wô daʼa kə səghanyəgha ŋ wə̄n â ghì ghò a dzə̀m enyəa ghe kele tsughu enyəa kə kê dèe se è kwuso zo a zəŋò ghì ghəla kə̀ fə̀ fôʼ naŋa, tɔɔŋ ghì ghəla kə fə̀ biaān naŋā enyəa ghe kê lò tsəgha an səghanyəgha ŋ wə̄n.

1 Kòlentìan 8:6

 sɛ̀, à lò ko Kəzə̀ kə mɔ̀ʼ, Tsele ù te, wəla fʉgha wən ù dzəm sə aŋ ghùu wə̄n, sɛ̌ yia lô sugho mò à lǒ wə̄n, àsùghò Mughu ù te u mɔ̀ʼ mò à lò Yɛso Kə̀lestò wəla Zə̀ kə fə̀ gbə̂n wo fʉgha wo u dzə̀m am bàm e wə̄n, sɛ̌ yia mughù sugho mo a lo am bàm e wə̄n.

1 Kòlentìan 9:23

Ŋ̀ ghəa a te gho a dzəm ghə̌əŋ ko alezùghòo làbəlà è dzùŋ è te, enyəa to M̀ mô kele sughò bughuso zəla e lo aŋ ghəa a te gho.

2 Kòlentìan 11:14

M̀ məgha nû, Satàn bùʼù nyəā gbəən doʼn kɔʼɔ̄ aŋ tsə̂ndəgha è zɔ̀lɔ.

2 Kòlentìan 5:5

À lò ghuūghùe u Kəzə̀ u biān naŋā tsughu sɛ̀ aŋ ghəa ghən, dzə̀n nàŋa wò Shʉ̀ghà u wə̄n am fə̀ŋ tə sɛ̀ aledèe wô enyəa kə lo fughuu mɛ̀ʼn nǔ sɛ̀ â fʉgha wəla kə fə̀ to naŋā â sɛ̀.

Efɛsùs 1:11

Aghəa a dzə̀m bɔ̌ɔm bwìi ko aŋghəa Zə̀ kə̀ fôʼ naŋā a te, kə n shîaa kɔʼ ghaʼ enyəa a e lo fəgha ko kə mɔ̀ʼ ghàʼ à ghê Kə̀lestò, aŋghəa Ù fə̀ fôʼ naŋā enyəa zə lo êzə̀.

Efɛsùs 1:18

Yìa Ŋ̀ gɔ̂ɔŋ sugho enyəa to Zə̀ kə mô tsʉ tuw wɛʼɛ, ghɛ̀ zuuwkɛlɛ tùʼ zəla ghɛ̀ chiī ghè zò aŋ ghəa zəla Zə̀ kə mò tɔ̀ŋɔ ghɛ̀ a tè, àsùghò enyəa ghɛ̀ e kwo sugho namso kə wə̄n kə̀ ne kəla ù fə̀ to naŋā â ghì a wə̄n à dzûŋ ghò,

Efɛsùs 2:18

À lò am bàm e Kə̀lestò, sɛ̀ a dzə̀m, Tə̀dzûu à Tòʼò zò, sɛ̀ lô alendùw a vʉ̀a Tsele ù te an daʼa kə Zuʼ tə̀ Zɔlɔ to.

Efɛsùs 3:6

Nàn kə eghəa e Kəzə̀ zən lo enyəa, Toʼò zə̀ m bughò kele sughô daʼa kə te ko aletəmadzəə̄ŋ ndûw Tə̀dzûu alezə̄ fʉgha u Kəzə̀, ghe lo tò wɛ a ghûw u mɔ̀ʼ, ghe yia ki sugho ghu ko am fəgha kəla Zə̀ kə fə̀ to naŋā â ghì ghəla ghe boo fughu â Kə̀lestò Yɛso. Ghəa à dzûŋ ghən enyə bùghò sə bòʼ làbəlà è dzùŋ zəla ghe fə̀ zuw, è boo.

Efɛsùs 4:6

Zə̀ kə̀ lo ko kə mɔ̀ʼ, mo kə lo Tsele â ghì gho a dzə̀m, mo kə tsəghà sə̀ ufʉgha u dzə̀m. Kə ghəəŋ nù sɛ̀ a dzə̀m m fwaʼà ghəa ghəla kə ləghaa, chia kə mughù sugho am fə̂ŋ tə sɛ̀ a dzə̀m.

Efɛsùs 5:11

Kà nlò ghu kò e nyəso aŋ ghəa e kə lə̄m è li zo, tɔŋlo enyəa ghəa a tè a ki dzə yo namso kə̀ li ko. E kuuwn niī deē fughuu səa wo ghəa a te gho an ndɛ to ghî ghə̀ e koʼō.

Efɛsùs 5:20

Ghɛ̀ è fughuu nduw sugho zɔɔŋ kò â Zə̀ kò, Tsele ù sɛ̀ alo aghəa a dzə̀m àsùghò an nə̀gha tən tə̀ dzə̀m an zən e Mughùbè Yɛso Kə̀lestò.

Efɛsùs 5:4

E kwo ko ghùw wɛʼɛ lò so e ki dzughu e biigh zo ŋkāa alekəaa shwaʼ ù dzəa wo, ŋkāa shwaʼ ù laʼso wo, tɔŋlo enyəa shwaʼ u te u fween yo ghɛ. Ghɛ̀ lāam ki alefughuu zɔɔŋ kò â Zə̀ kò am fəgha kəla kə lo mò kə fwàʼ â ghɛ̀.

Efɛsùs 5:8

tɔŋlo enyəa ghuūghùe zɛʼɛ̄ e fə̀ buʼū lo tsəgha alo kələ̄m, ghɛ̀ yia lo mò ghɛ̀ n sə teme wò an tsə̂ êzəŋ aŋghəa ghɛ̀ à ghê Mughu ù te lô fəgha ko kə mɔ̀ʼ. E ghəəŋ nduw nlò ghəa ghɛʼɛ gho tò ghî ghəla ghe lo mo ghe n sə tēe wò an tsə̂.

Kòloshìan 2:2

Ŋ̀ ghəa ghən ghəŋlo enyəa to fə̂ŋ tə ghee tə mô nyəā tsughu, ghe nîi kɔʼ eləgha tò fəgha kəla kə kwuu kɔɔn ghee alo fətùʼù, ghe e kwo tən enyəa e lo êzə̀ aŋghəa ghe bughò zuwkɛlɛ̄ tsughu səŋò e te zo. A n dziī zən, ghe lo zuūwkɛlɛ enyəa nàn kə eghəa kəla kə lo aŋ ghəa a Kəzə̀ lǒ Kə̀lestò.

Kòloshìan 3:15

Bughun zəla Kə̀lestò fughuu â ghɛ̀ lò aledeē nduw ghɛ â fəgha kə̀là ghɛ̀ ki aleghəŋlo, bòʼ Zə̀ kə̀ mò ghɛ̀ fɛ tɔŋɔ enyəa ghɛ̀ bugho doʼo tǒ ghùw u mɔ̀ʼ enyəa ghɛ̀ kele bughuun zən zo, tò ghɛ̀ è fughuu zɔ̀ɔŋ kò â Zə̀ kò.

Kòloshìan 3:17

Mò ghɛ̀ ghaa ko kə̀ kwò, ŋkāa ghɛ̀ so e kə̂aa ko ghəa è kwò, ghɛ̀ ki aleghəəŋ nduw ghəa a te gho an zən e Mughu ù te, tɔɔŋ Yɛso, abugho ghɛ̀ fughuu zɔ̀ɔŋ kò â Tsele ù sɛ̀ Kə̀zə̀, mò ghɛ̀ tsəghà am bàm e Kə̀lestò.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Hibùlù 12:23

Ghɛ̌ yia bugho an dzeŋe kə ghì ghəla ghe lo tò wɛ a Kəzə̀ a sʉ̀esʉ gho, ghî ghəla ghe lo alo eduʼnlo, ghəla ghe tɔm naŋa zən a ghee go alo kəwalā. Ghɛ̀ yia bùghò a vʉ̀a Zə̀ kəla kə saʼā ghî ghò a dzə̀m. Ghɛ̌ yia bugho a vʉ̀a ghì ghəla Zə̀ kə̀ ghəŋlo enyəa ghe kpeē tsughu ghî ghəla kə ləghaa enyəa ghe e lo ghè ghò.

Hibùlù 3:1

Waazə̂ ghaŋa à zɔlɔ gho, ghɛ̀ ghəla ghɛ̀ lo mo Zə̀ kə ŋ ghɛ̀ tɔŋɔ am fɔ̀e u kəwalā, naŋa nduw nlo tuw kɛʼɛ ko a zəŋò Yɛso, wəla a dzɛ̂ enyəa ù lǒ tum e Kəzə̀, lò sugho tuw kəfɔ̀e kəla Zə̀ kə mò tɔŋɔ̄.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

Dzɛ̂ms 3:9

A fughuu ŋkɔʼso â Tsele ù sɛ̀ ghèe Mughùbè ù sɛ̀ an nom kə te ko, yìa à lò sugho an nom kə̀ mɔʼɔ̄ kə te ko a nîi sûuwn ghî gho a te, mò à lò aghî Zə̀ kə̀ bɔm tsughu am fwêen kə wə̄n.

1 Pità 5:1

Mùghò tǒ tsoʼ, M̀ buʼu wò kə̀ghu à tsoʼ təla tə lo am tsətèʼè fɛʼɛ. M̀ mafə kôʼ fala e Kə̀lestò zò, Ǹ lo kòʼò sùghò nû səghanyəgha mə̀là n lò aŋ ghaʼ e wə̄n abugho ù lo kôom bugho ebàm.

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

Edêe Fughu 21:23

Ezuw ŋkāa dzɔ̀ŋ buʼ ki yo fwàʼ kò fughu alo enaʼ, tɔŋlo enyəa səghanyəgha ŋ Kə̀zə̀ n lo tsə̀ a fughu alo enaʼ, Tsʉa u Ndzì vʉa u baŋà sugho fughu alo enaʼ tò kəkɛ̀ʼɛ̀.

Edêe Fughu 22:14

Dzɔ̂ lò ghî ghəlà ghê sûuw zɔnso tsugh dalà tə ghee to enyəa ghe e ki daʼa ko alekwɛ̀ɛ zə tam kə fəkàʼ aŋ kàʼ fəla fə fughuu mughu zò, ghe e lo sugho aletsə̀ghàa nyə am fu e ughɔŋ zə naʼ e te zò.

Edêe Fughu 22:5

Ləm kə e ke koōm bvʉā yo fughu alo enaʼ — ghe e ke koōm ki yo ghəa è li zo aleghəŋlo ghèe ghê kɛ̀ʼɛ kò ŋkāa â tsə̀, tɔŋlo enyəa Mughu ù te, Kə̀zə̀ kè lǒ tsə̀ â ghee, ghe e ke saʼa tò udwə̀ŋ, mo kwu e kə̀də̀ŋ e ghee kê mìaa kòʼ yò.