Kòloshìan 1:11 - To kə Kəzə̀ kə̀ Fughu ko

¹¹ Ghàʼ yia gɔ̂ɔŋ sugho enyəa Zə̀ kə̀ tughuso tsughu ghɛ an daʼa kə wə̄n kəla kə tughu tsə̀ghà dwaʼa wo u dzə̀m, tò ghɛ̀ e lo alekɔlɔ tə̀fə̀ŋ àsùghò aleka ezə alo aghəa a dzə̀m alo eduʼnlo.

Kòloshìan 1:11 Iomraidhean Croise

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 5:41

Ghəa ghe zəghaà tsughu ndùghù Kaŋsì, ghe n duʼnlo enyəa Zə̀ kə̀ mâa ghee nî tò kəfəgha aleghəə̄ŋ tsughu enyəa ghe fala aŋ ghùu tuw kə̀ dəla ko aŋ ghəa e Yɛso zən.

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

1 Kòlentìan 16:13

Tiso kɔʼ nlò tuw ko e dzūŋ, tɔ̀ʼɔ tee tsughu nlò aŋghəa zəla ghɛ̀ gaʼ fəŋ a te, kǎ nlò ghəa zo e tsəŋo, e tughuu nlò.

2 Kòlentìan 4:7

Ghàʼ fɛ kuuwn ki kɔ tə ufʉgha ten an tɔ̀e tə etsāʼ aledèe tsughu enyəa fɛ̀ɛn fɛ̀ɛn kə kədaʼa kən lò daʼa kə Kəzə̀, mò à yò dzə kə̀ kaʼā ko.

Efɛsùs 3:16

Ŋ̀ gɔ̂ŋlò enyəa to Zə̀ kə̀ mô nîi kɔʼ kum e wən è ne zəla e kê mîaan koʼò yo kə dzəlà tsughu fə̂ŋ tɛʼɛ a te an daʼa kəla Zuʼ tə̀ Zɔlɔ tə fughuu â ghɛ̀, tò ghɛ̀ e tughuu,

Efɛsùs 4:2

Aŋ ghəa ghən à dzə̀m ghɛ̀ ghəəŋ nduw â ghì ghò, e maʼn tsughuu nlò ghue zo, ghɛ̀ n zumso ghəəŋ ndùw ghəa a te gho alo eləghāa. E kɔɔn tsughuu nlò fə̂ŋ tò, pfʉso sùgho yǒ nʉghà wò abugho ghùw ghəə̄ŋ boon ghəa zo, bòʼ ləgha zəla ghɛ̀ ki â ghì ghò.

Efɛsùs 6:10

Gùŋsò kə eghəa kaŋā â ghɛ̀ lo enyəa, ghɛ̀ è tughuu an daʼa kə̀ ghaʼa kə̀ Mughu ù te ko, aŋghəa ghɛ̀ lô fəgha ko kə mɔ̀ʼ ghɛ̀ à ghee.

Fèlepìan 4:13

Ŋ̀ ki nû sə̂ŋ e te zo alefwàʼ aghəa a dzə̀m an daʼa kəla Kə̀lestò fughu â mùghò.

2 Pità 1:6

Kà è kaa ghəəŋ ko nlò ghəa gho tò ghî ghə̀la ghe kwo Zə̀ kò, ghɛ̀ ki sugho alenaŋsô ghuw kə ebwìi kò. Tò aŋghəa ghɛ̀ lo alenaŋsô ghuw kə ebwìi kɛʼɛ, ghɛ̀ ki sugho alekɔlɔ tə̀fə̀ŋ an nə̀gha e utsù. Tò aŋghəa ghɛ̀ lo alekɔɔn tsughuu fə̂ŋ tò an nə̀gha e utsù, ghɛ̀ e ki sugho mwam e ghì a Kəzə̀ gho.

Dzûd 1:25

Ŋkɔʼso n dzə̀m n lò â Zə̀ kəla kə bəghasə̄ sɛ̀ am bàm e Yɛso Kə̀lestò Mughùbè ù sɛ̀. Ŋkɔʼso, udwaʼa u dzə̀m àsùghò fɔe u kədə̀ŋ ù lo u wə̄n wo alo tənə̀gha tə dzə̀m, an nəghà zən êzə̄ŋ àsùghò to mbī kê bugho mîaa. Zə e lo ko êzə̀.

Edêe Fughu 14:12

Zən lò ghəa zəla e dê tsughu enyəa ghî a Kəzə̀ à zɔlɔ a ki alekɔlɔ tsughu təfə̂ŋ, tɔ̂ɔŋ ghì ghəla ghe naāŋ lâŋ kə Kəzə̀ kò, gaʼ sùgho fə̀ŋ è ghee a zəŋò Yɛso.