Kòloshìan 1:10 - To kə Kəzə̀ kə̀ Fughu ko

¹⁰ Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

Kòloshìan 1:10 Iomraidhean Croise

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Dzɔ̌n 15:8

Abugho ghɛ̀ lo kûm dê tsughu an twam wəla ghɛ̀ mʉā enyəa ghɛ̀ lo tsə̀təndə̄ghā taŋā, Bəghà lo daŋso kele ŋkɔʼso.

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Lumà 1:13

Waazə̂ ghaŋa gho, Ǹ ləghaa enyəa ghɛ̀ kele tsughu enyəa à lò ndə̀mà tə tə̀nə̀gha M̀ moʼn tsughu alebùghò bwîin kôʼ ghɛ̀, ghəa è li zo n tsò ndùw bùghò ko enyə bùghò tə̀ghàso màʼà è tsughu. Bughò zaŋa a fi lo enyəa to M̀ mô lò alenìi nyəa wò ghì a fughu gho am bvʉa zɛʼɛ tò aŋghəa mùgho mò ghəŋlo â Tòʼò è li e zə̂.

Lumà 4:12

Abə̀làhâm lò sugho tsele â ghî ghəla ghe lo mo ghe n tigh kə ghee kə sugho, mo e kâ tsò mìaa tsughu ko enyəa ghe sugho tsughu tigh kə ghee. Mo e lo nu enyəa ghùw ù te gaʼ sùghò fə̀ŋ è wə̄n a zəŋò Zə̀ kò tò Abə̀làhâm fə̀ gaʼ a te aŋghəa ghe fə̀ lo mo ghe kaām tigh kə wən kə m bûʼ sugho.

Lumà 6:4

Mùghù ŋ Kə̀zə̀ məla ghe fə̀ fughu â sɛ̀ fə̌ fi lo ko to ghe tsəla dzəəŋ ndùw sɛ̀ à ghê Kə̀lestò to ghî a kpuuwn gho, enyəa to sɛ̀ mô mùghù sugho mughù è fughu zo to aŋghəa Tsele ù te fə̀ zôm nughu kɔʼ Yɛso alo evʉ̄ am fɛ̀ɛn kə kədaʼa kə wə̄n.

2 Kòlentìan 2:14

Ŋ̀ kuuwn fughu zɔ̀ɔŋ kə Kəzə̀; tɔŋlo enyəa aŋghəa ghàʼ doʼò ndûw fəgha ko kə mɔ̀ʼ ghàʼ à ghê Kə̀lestò, Zə̀ kə̀ mgbɛɛ sèe bwii tsə̀ghà ko ghàʼ tò ghî ghəla ghɔŋ e ghee e lo mo zə m bàŋ an zən e Kə̀lestò. Zə̀ chia kə tsəghà tsughu a zəŋò ghàʼ ghəəŋ tsughu enyəa ghàʼ zughòo ndûw tɔ wəla u lo aŋ ghəa Kə̀lestò, to u nyəŋō ŋgəaa tsughu luʼū tə̀n tə̀ dzə̀m tò zuʼù fə vʉa fə̀ ləə̄m fo.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

2 Kòlentìan 5:9

À fi lo enyəa abugho a lô ko aŋ gwə̀n e ughùe ŋkāa a buw, ghàʼ kwɛ̂ nàŋa tsughu enyəa ghàʼ è ghəŋlo enyəa fə̀ŋ è wə̄n e zɔlɔ.

2 Kòlentìan 9:8

Zə̀ kə̀ lo nû alefughu ghɛ â bughuun zo naʼèdzə̀m, enyəa ghɛ̀ lo è ki tsəgha fʉgha wə̀n ù dzə̀m ghɛ̀ ləghaa bùʼ tsə̀ghàtàʼà wəla ghɛ̀ ki alekele, tò ghɛ̀ e ke lo aledeē nduw dzɔ̂ zò â ghì a li gho am fʉgha u te wo.

Efɛsùs 1:17

enyəa Zə̀ kə Mughùbè ù sɛ̀ Yɛso Kə̀lestò tɔɔŋ Tsele ù sɛ̀ ù ghàʼa mô fughu ghɛ â Zuʼ tə̀ Zɔlɔ təla tə ghəŋlo enyəa ghɛ̀ e ki tɔ wo, tə ni dêe fughu wô fəgha kəla Zə̀ kə̀ lo ghè ko tò ghɛ̀ tɔʼ kele tsughu wə̄n.

Efɛsùs 2:10

Sɛ̀ lo ghu a kəfwàʼ a Kə̀zə̀ ù mò bɔm tsughuu aŋghəa sɛ̀ doʼò tsughu kəfəgha kə mɔ̀ʼ sɛ̀ à ghê Kə̀lestò Yɛso, alefwaʼā fwàʼ kə̀dzûŋ kò ù fə̀ biaan naŋā, enyəa sɛ̀ è bwiī a te.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Efɛsùs 4:13

Tò sɛ̀ a dzə̀m kè telè dzeŋe bughò dòʼò tsughu alo kəfəgha kə mɔ̀ʼ am boo e sɛ̀ zə̄lā a ki â Kə̀lestò, àsùghò enyəa a kê tɔʼɔ kele tsughu ghùw wəla Wɛ ù Kə̀zə̀ lǒ ghè wò. Sɛ̀ lo mə̄lā tsughu aŋ ghəa a Kəzə̀, a ke kuūm lo sugho tǒ Kə̀lestò.

Efɛsùs 5:10

E dəma tsughu nlò aleghəəŋ ghəa ghəla a ghəŋlo enyəa fə̀ŋ è Mughu ù te e tsoʼnlo a te.

Efɛsùs 5:15

E fi lo enyəa ghùw kǐ aletɔʼɔ̄ naŋso tsughuu ghuw kə egbìi kə wə̄n ko, kà è tsôo bwiī ko nlò tò ndzəŋso tə aghì, e kuuwn bwiī nlo tò ghî à tɔɔ gho.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 4:18

Mugho n namso kaŋa kə kele kpenlo, bùʼ tsə̀ghà èsə. Mùghò n zə kuw ko, am fʉgha wəla ghɛ mò tum wo â Èpàfə̀loditùs enyəa ù bùgho fughu à mùghò, ufʉgha mo ù lə̂əm dzɔ̀ɔ nù, mò Zə̀ kə̀ boom nù, ghue u wə̄n vʉa u ghɛ̂ɛn sugho alekòʼ.

Kòloshìan 2:19

19 Ŋgòʼ è ghì ghən enyə kòom bùʼù zǔuw yo â Kə̀lestò wəla ù lò tuw ko â ghì a Kəzə̀ ghò a dzə̀m; Kə̀lestò wəla ù nì təmdzəə̄ŋ wô ghî a Kəzə̀ ghò a dzə̀m alo kəfəgha kə mɔ̀ʼ enyəa ghe e nomlo aŋghəa Zə̀ kə̀ ləghaa.

Kòloshìan 2:6

Ghəa e nyɔ̂ʼ lô enyəa ghɛ̀ m boo fughuu â Kə̀lestò Yɛso, Mughu ù te, e ti ko nlò ghuw ko kə mɔ̀ʼ ghɛ̀ à ghee.

Kòloshìan 3:20

Wɛ gho, e zuuw nduw nlò â ghê tsùghò ghèe ghê zùghù alo aghəa a dzə̀m, tɔŋlo enyəa zən lò ghəa zəla Zə̀ kə̀ ləghaa ghè zò.

Kòloshìan 4:5

E kwo nlò aŋghəa ghɛ̀ mughu a te ghɛ̀ à ghê ghì ghəla ghe tâʼkè boō fughu â Kə̀lestò, e ghəəŋ tsughu nlò ghəa è səŋò zò an nə̀gha zəla ghɛ̀ kele tsughu ghɛ̀ à ghee.

1 Tɛ̀sàlonìan 2:12

enyəa ghɛ̀ è mughu tsughu mughù zəla Zə̀ kə̀ ləghaa ghè zò. Ù lǒ Zə̀ kəla kə mò tɔŋɔ̄ nyə wô ghɛ am fɔ̀e u wə̄n, àsùghò an səghanyəgha ŋ wə̄n.

1 Tɛ̀sàlonìan 4:1

Alendùw â sə ko a waazə̂ ghaʼa gho, ghàʼ toon wò ghɛ̀, dzàa wò sùghò â ghɛ̀ an zən e Mughubè Yɛso enyəa ghɛ̀ è mughu nduw ko ŋgòʼ è mùghùu zəla ghǎʼ mò zoʼn ghɛ a te, tò aŋghəa ghɛ̀ nyɔʼɔ ghəəŋ dzə̄ ezə̄ŋ, àsùghò enyəa ghɛ̀ è naam mughu nduw ko mughùu e te zo êzə̀.

2 Timotì 2:4

Sùghugòʼ è lì yo, ù lò alendùw dzə̂n ghu kə wə̄n aŋ ghəa a aghì ghəla ghe yo dzə̂ sùghugòʼ tò. E wə̄n e lo ko alezuuw lâŋ kə komndzūghū ù wə̄n ko.

Taetùs 3:1

E zəə̄ŋ zee nduw ghî ghə̀a ghò enyəa ghe e zuuw nduw â tuw u enaʼ u ghee wo, àsùghò â ghì à li ghəla ghe lô ghî à səŋo ghò alo enaʼ. Ghe doʼò təla tsughuu ko aleghəəŋ ko ghəa à dzûŋ ghò.

Taetùs 3:14

Ghəəŋ tsùghù sùghò enyəa ghî a sɛ̀ à zoʼn nduw aleghəəŋ tsəgha ghəa ghə̀là à lǒ à dzûŋ ghò, to ghe e lo aleyòsò ghì ghəla ghe ki yo, e kwo ghî a sɛ̀ ghəla ghe boō tsughu lò so e mūghùun tsɔ̀ kə emùghùu.

Hibùlù 11:5

À fə̀ lo bòʼ Ɛnɔ̀k fə̀ boo fughu tsughu â Zə̀ kò e fə̀ ghəŋlo Zə̀ kə n nì nùghù kɔʼ nduw wə̄n enyəa ù ka vʉ zo alo esə tsuʼ; ghe ŋ kə̀ŋ kè wə̄n bòʼ Zə̀ kə̀ mafə wən nî. To ghe e nî wən êzə̀ à n lo mo ghe kə̂aa enyəa, ù mò ghəəŋ nû fə̀ŋ è Kə̀zə̀ n zɔlɔ.

Hibùlù 13:16

E kwo ghɛ̀ ke bughuu doʼò kôʼ aleghəəŋ dzɔ̂ zò àsùghò aleteen dzəəŋ fʉgha wo, tɔŋlo enyəa fə̀ŋ è Kə̀zə̀ zɔ̀lɔ nù aŋ ŋgòʼ è ufughu vʉ̀.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

2 Pità 1:8

Abugho ghɛ̀ tso ki dzə̂ ghəa ghə̀ è ghə̀n a dzə̀m, yia nomlo am bvʉa zɛʼɛ̄, a lo ghəəŋ nù ghɛ̀ è fwaʼā dzɔɔ̄, mʉa sùghò tam kə̀ dzûŋ kò, ghəa a te a lo e deē tsughu enyəa ghɛ̀ kwo nû Mughùbè ù sɛ̀, tɔɔŋ Yɛso Kə̀lestò u te.

2 Pità 3:18

Zə êzəŋ e lo enyəa, to dzɔ̂ e Mughu ù te, tɔɔn Bəghambī ù sɛ, Yɛso Kə̀lestò àsùghò tɔ wəla ghɛ̀ ki kùu wə̄n mò ghəŋlo enyəa ghɛ̀ e ŋgee noōm dzɔɔ̄. To ghî mô kɔ̀ʼso tsə̀ghà wə̄n to mbī kê bughò mîa. Zə e lo ko êzə̀.

1 Dzɔ̌n 3:22

kele sùghò fəgha kəla sɛ̀ bvʉ̀a nduw â wə̄n, bòʼ sɛ̀ sô naāŋ lâŋ kə wə̄n ko, ghəəŋ sùghò ghəa ghəla a dzoō an sə kə wə̄n.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

3 Dzɔ̌n 1:6

Ghe n ləgha zə̀ghà è teso dzɛ̀ fɛ an dzeŋe kə ghì a Kəzə̀. E fughuu ghee â yòsò zò an dzì zəla Zə̀ kə̀ ləghaa, abugho ghe səā bwînlo.