Kə̀fwàʼ 9:4 - To kə Kəzə̀ kə̀ Fughu ko

⁴ Ù n təghaa bvʉ̀ ndùw à ghueetsə̄, zuw tsughu dzə̀ è ghùw ù dzɛ̀ wo â wən enyəa, “Sôol, Sôol, ghù mùghò dzaŋso kaŋlo aŋ kwò?”

Kə̀fwàʼ 9:4 Iomraidhean Croise

Matìo 25:40

Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’

Lûk 10:41

Mughu ù te m fwə̀n bɛ̀lɛ̀ ndùw wə̄n enyəa, “Màta, Màta, ghù gbə̀là ŋgěe fəmsô ghue wʉ̀a kə̀nughùnùghù an ndə̀mà tə aghəa.

Dzɔ̌n 18:6

Ghəa Yɛso dzɛ̀ sə nduw â ghee enyəa, “À lò mugho wə̄n.” Ghe n ti səəŋ kəŋo è nduw, bvʉ̀ dòʼò ndùw a ghueetsə̄.

Dzɔ̌n 20:16

Yɛso n tɔŋɔ tsughu wə̄n enyəa, “Mèle.” Mèle m fə̀n tsùghù ughue, tɔŋɔ ndùw wə̄n an shwaʼ u Hibùlù enyəa, “Làbonì!” (Mo e moʼnlò enyəa à lǒ Wàdè).

Dzɔ̌n 21:15

Ghəa ghe gbə̄n zə mɛʼɛ̀ kɔʼ, Yɛso m bvʉ â Sàemòn Pità enyəa, “Sàemòn, wɛ ù Dzɔ̌n, ghù ləghaa nù mugho tsəghàsə ghî ghə̀n a?” Sàemòn m bɛ̀lɛ̀ ndùw wə̄n enyəa, “Ghù kwò nû enyəa Ǹ ləghaa nù ghû.” Yɛso n dzɛ â wə̄n enyəa, “Etsʉa ndzì taŋa to.”

Kə̀fwàʼ 5:10

Nughò vʉ n fi daŋso nùghù bvʉ̀ kpùw wò sùghò nù a tsəlà wə̄n. A m bùghò wɛ à nûu yi bugho, ghe m bùghò kòʼ wò mò ù m kpuw, ghe m bòʼò nùghù sə̀ ndùw â wən, ndùw tsə̀la naŋa tsughu am bùghu e num.

Kə̀fwàʼ 9:5

Ù m bvʉ tsughu enyəa, “À lò ghû ndùghò a Mughùbè?” Fə̀n kə edzughu kə m bùghò enyəa, “Ǹ lo Yɛso wəla ghù bwìi ndzaŋso kaāŋ wə̄n.

Lumà 11:22

Kòʼ nlò dzɔ̂ e Kə zə̀ zo àsùghò aŋghəa kə ŋgɛlɛ a te: Zə̀ kə̀ kwo sugho alefɔeso ghì ghəla ghe lo mo ghe ŋ ghəəŋ bonlo. Dzɔ̂ è Kəzə̀ zə e kuuwn lo â ghɛ̀ abugho ghɛ̀ ghəəŋ dzə̂ ghəa ghəlà kə leghāa enyə ghɛ̀ e ghəŋlo, buw èzə̀, Zə̀ kə lo alefàa maʼà səa tsughu wô ghɛ̀ tǒ kwèe kə fəkàʼ.

1 Kòlentìan 12:12

Aŋghəa gwən e mɔ̀ʼ e ki ndə̀m e nyùŋ u ughùe, mò à lǒ ndə̀m è nyùŋ u ughùe zen e ghəəŋ kɔʼ gwən e ughùe zən zo, à lò sughu ghəa è mɔʼɔ̄ êzə̀ â Kə̀lestò.

1 Kòlentìan 4:7

À kòʼò ndùghò ghəa è li zo e lo nəŋònəŋ a zəŋò ghɛ̀ a? À lò kə kwò ghɛ̀ ki a mò à kà fughu Zə kò a? Abugho à fə̀ fughu Zə̀ kò â ghɛ̀, ghɛ̀ sô fə̀ŋ tsɔ̀ɔ aŋ kwò tò a è so ghɛ̌ fə̀ fʉgha u te kele aŋ ŋgəŋ zɛʼɛ a?

Efɛsùs 5:30

bòʼ enyəa sɛ̀ lo tǒ nyùŋ u ughùe u wə̄n.