Kə̀fwàʼ 9:3 - To kə Kəzə̀ kə̀ Fughu ko

³ A m bùghò ù sò kuūwn kuʼsō mɛʼn nduw Dàmaskòs, tsə̀ è lì n nùghù bàŋ sə̀ tsùghù wò alo kəwālā, bàŋ dzə̀əŋ ŋgəa kɔʼ wə̄n.

Kə̀fwàʼ 9:3 Iomraidhean Croise

Kə̀fwàʼ 22:6

Aŋghəa Ǹ nduūw, mò Ǹ sô kùʼso ndùw Dàmaskùs, â ŋgàlàtsə̀ tò ènyə, bàŋàbàŋ kə tsə̂ kə̀ li kə m vùŋù nùghù tùghù sə̀ tsùghù wò ènyə alo kəwala an də̀ŋò kəla Ǹ lo a te.

Kə̀fwàʼ 9:17

Ànànîas fi nughù tsùghù nû ndùw nyə tsughu fughu an ndughu. Ù ŋ gàʼ ndùw ghu a wə̄n a zəŋò Sôol, dzɛ̀ tsùghù enyəa, “Sôol ŋ wàazə̀, Mughubè Yɛso, wəla ù mò gbə̂n sə kɔʼ an sə kə̂a an dziī aŋ ghəa ghù mò bughòo fɛ, ù mùghò fɛ tùm wò enyəa to ghù mo koōm kāʼ nduw luʼu tə̀ koʼo to, ghù kele tsughu sugho Zuʼ tə̀ Zɔlɔ to.”

Kə̀fwàʼ 9:27

Bànabàs n nùghù nì kɔ̌ʼ wə̄n nì ndùw wən a vʉ̀a tum to, ndùw tèso kɔ̀ʼ ndùw ghəa Sôol mò kôʼ Mughubè ù te a te an dziī, vʉ̀a ù mò kə̂a wô wən â ghəa gho. Ù n dzɛ̀ ndùw ghəa Sôol mò ndzəmà Kə̀aa ghəa gho a te an zən e Yɛso an Dàmaskùs.

1 Kòlentìan 15:8

Mò n lo ghùw wəla ù gbə̂nsə gûŋso tsughu an sə kə wə̄n, mùghò wəla ghe fə̀ tsô vûuŋ dzə wô ko enyə mo nəgha è dzəa e mugho e kaām kpe dzə̀.

1 Kòlentìan 9:1

À lǒ mò Ǹ ndzə̂əm mùghù yo aŋ ŋgəŋ zaŋa a? À lǒ mò Ǹ yo tum è Kə̀lestò a? À lǒ mò Ŋ̀ kâ Mughubè ù sɛ̀ Yɛso kôʼ à? À lǒ mò à ka fɛ mugho ghəŋlo enyəa ghɛ̀ boo fughu â Mughu ù te à?

1 Timotì 6:16

Zə̀ kəla kə kê kpuūw koʼò yo, mo kə mughu an tsə̂ zəla à nyəghaan tsə̀ghà tàʼà sə ko ghè zò mò fəgha kə̀ li kə yo alendùw tɛ̂ fughu, mò ghùw ù lì kaam bûʼ kòʼ kòʼ ŋkāa ghùw kè bùʼ kòʼ kòʼ yò. À ki wən kɔʼso mò ndzə̀m à daʼa ko. Zə e lo ko êzə̀.

Edêe Fughu 21:23

Ezuw ŋkāa dzɔ̀ŋ buʼ ki yo fwàʼ kò fughu alo enaʼ, tɔŋlo enyəa səghanyəgha ŋ Kə̀zə̀ n lo tsə̀ a fughu alo enaʼ, Tsʉa u Ndzì vʉa u baŋà sugho fughu alo enaʼ tò kəkɛ̀ʼɛ̀.

Edêe Fughu 22:5

Ləm kə e ke koōm bvʉā yo fughu alo enaʼ — ghe e ke koōm ki yo ghəa è li zo aleghəŋlo ghèe ghê kɛ̀ʼɛ kò ŋkāa â tsə̀, tɔŋlo enyəa Mughu ù te, Kə̀zə̀ kè lǒ tsə̀ â ghee, ghe e ke saʼa tò udwə̀ŋ, mo kwu e kə̀də̀ŋ e ghee kê mìaa kòʼ yò.