Kə̀fwàʼ 9:22 - To kə Kəzə̀ kə̀ Fughu ko

²² Sôol n tsôo kèle kɔʼɔ mɛ̀ʼn ndùw ko kə̀daʼa, dèe fùghuu kɔʼɔ â Dzûu təla ghe mò mughu an Dàmaskùs enyəa Yɛso lò Ù tsùʼu, komso ndùw ghee.

Kə̀fwàʼ 9:22 Iomraidhean Croise

Lûk 21:15

nu Ǹ lo fughuu nù ghɛ â tɔ zo, à nom kə̀là ghùw ù kə̀tuw wɛʼɛ u mɔ̀ʼ kè dɔ̂ɔm yô alekōmsō ghɛ̀.

Kə̀fwàʼ 17:3

ù n teso dzâa â ghee, dèe ndùw sùghò alo tətsə̌a enyəa Kə̀lestò mò ki nû alefalā, ù kpuūw tsughu, ù zòo nughù kɔʼɔ̄ sughò alo evʉ̄. Ù n dzâa ndùw sùghò enyəa, “Yɛso wəla Ǹ dzâa wô fɛ â ghɛ̀ ma, à lǒ wə̄n Bəghambī.”

Kə̀fwàʼ 18:5

A m bùghò Saelàs nùghù wo an Màsɛ̀donìa ghèe Timotì, Pôl n nì kɔ̀ʼ nəgha e wə̄n e dzə̀m alekəaa ko shwaʼ u Kəzə̀ wò, teso ndùw tuŋlō u ghì a Dzùdîa enyəa Yɛso lo Kə̀lestò ù te.

Kə̀fwàʼ 28:23

A m bùghò ghèe ghee ndôʼ boō naŋā tsughu tsūʼ fo, ghe m bùghò kòʼ wò sùghò wə̄n, ghee ndə̀m, an lùʼù kəla ù mò mughu a te. Ù n tesô ghəa e te zo â ghee, alezìi tsughu â bwə̀làbwə̀là tò ndùw kùm ndùw an nə̀gha è gûŋsò zò, dèe fùghuu kɔʼɔ tsə̌a tə fɔ̀e u Kəzə̀, də̀mà ndùw sùghò enyəa e tsʉ̂ʉn nughù kɔʼ ghee kùu ndùw Yɛso aŋ ghəa lâŋ kə Musî kə̀ deē àsùghò shwaʼ u ghǐishʉ̀ghà a Kəzə̀ ghò.

Kə̀fwàʼ 9:20

nùghù dàŋso kaʼ tsughu alenàʼà kaaŋ tùm è Yɛso an ndughutə̀ne tə te to, dzàa ndùw enyəa, “Ù lǒ wɛ̀ ù Kə̀zə̀.”

Kə̀fwàʼ 9:21

Dzughu zə n zûu ghì ghə̀n à dzə̀m ghe mò zəə̄n shwaʼ u wə̄n wo, ghe m bvʉ enyəa, “Wən mgbàŋ yǒ ghùw wəla ù mò ndzaŋsō kaāŋ ghî ghəla ghe tɔɔŋ tsughuu zən e Yɛso zò an Yɛ̀lusalɛ̀m à? To ù fɛ mgbaŋ bùghò enyəa e bughò kwuū kɔlɔ̀ tsughu ghee e nìi ndûw fughu â fɔ̀e tə̀ tughu to a?”

Kə̀fwàʼ 9:23

A m bùghò tsuʼu n ndôʼ tsəghà tsughu, Dzûu tə te tə n nyə tsughu utsəm an tuw kə Sôol,

Kə̀fwàʼ 9:27

Bànabàs n nùghù nì kɔ̌ʼ wə̄n nì ndùw wən a vʉ̀a tum to, ndùw tèso kɔ̀ʼ ndùw ghəa Sôol mò kôʼ Mughubè ù te a te an dziī, vʉ̀a ù mò kə̂a wô wən â ghəa gho. Ù n dzɛ̀ ndùw ghəa Sôol mò ndzəmà Kə̀aa ghəa gho a te an zən e Yɛso an Dàmaskùs.

1 Kòlentìan 1:27

Zə ŋ kə̀ m fwən nì kɔ̀ʼ fəgha kəla kə lo elâʼsò am mbī aledə̀nsò tsughu tuw u ghì à tɔɔ gho, Zə kə̀ n shìaa kɔ̌ʼ bvùʼù mə ŋ ghəanlò am mbī aledə̀nsò tsughu tuw kə ghì à tughu gho a te.

Gàlashìan 1:18

A m bùghò nûu tə̀ tsəghà tsughu tə təgha, mùghò n nùghùu kɔ̀ʼ ndùw an Yɛ̀lusalɛ̀m alendùw bwîin kôʼ Sɛfàs tɔɔŋ Pità, mùghò n dòʼò kə̀ŋo ndùw ghàʼ à wə̄n alo ntsuʼu eghə̄m à ghè mò n tɛ̀.

Fèlepìan 4:13

Ŋ̀ ki nû sə̂ŋ e te zo alefwàʼ aghəa a dzə̀m an daʼa kəla Kə̀lestò fughu â mùghò.

1 Timotì 1:12

M̀ fughu kə̀zɔŋlò â Mughùbè ù sɛ̀ wəlà ù mò fughu mugho â nùŋ wò aŋ ghəa ghən, bòʼ ù maā kôʼ tsughu enyəa Ǹ lo nû tsəghatsəgha, ù n nì kɔʼ mugho alefwàʼ fwàʼ kə wə̄n.