Kə̀fwàʼ 9:2 - To kə Kəzə̀ kə̀ Fughu ko

² bvʉ̀ ndùw mwàʼsò wəla ù ki alendùw fughuu kaŋlo an ndughutə̀ne to an Dàmaskòs, nyəa mo e kôʼ tsùghù ghî à li gho ghe mughu an Dzə̀ tə Mughu ù te, ayînû ŋkāa ayîzən, e ŋ kwù kɔ̀n tsùghu ghee, nì wò ghee an Yɛ̀lusalɛ̀m.

Kə̀fwàʼ 9:2 Iomraidhean Croise

Matìo 10:17

E ghoōm tsughu nlò, tɔŋlo enyəa ghî à lo nû ghe kê nîi ndûw tsəghà ghɛ̀ alo tə̀kaŋsì, ghe e tsɔʼɔ sa ghɛʼɛ gho an Ndughutə̀ne tə Tə̀dzûu to,

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Kə̀fwàʼ 18:25

À n lo mo ghe ŋ wən zoʼnlo an dzìi tə̀ Mughu ù te; a m bùghò ù sə̀ ŋgeē ləghaa ghəa a te gho am fə̂ŋ, ù ŋ kə̂aa wò alekə̀aa biso zoʼn tsughuu sùghò àghì alo efəŋ aŋ ghəa a Yɛso a te gho, mò ù mò buʼ kwo ko ghəa ghəla Dzɔ̌n wəla ù fə̀ fughu ghî ghò â mùghù ŋ Kə̀zə̀ mò fə̀ zoʼn tsəghà ghî ghò a te.

Kə̀fwàʼ 19:23

An tì kə te ko tsû wəla u mò nughù sə kɔʼ a fughu an naʼ zə Efɛsùs kùu ndùw Dzì è Mughu ù te fə̀ yo dzə̄ nyàaŋ fə utsù.

Kə̀fwàʼ 19:9

A m bùghò ghee à li a tughūu â tuw ko, tuu alebōo, ndzɛlɛ kə̀aa sùghò shwaʼ ù biigh wo kùu ndùw Dzì zəla Mughu ù te ləghaa, Pôl n zə̀ghàa tàʼà tsùghu ghee, nì nùghù ndùw tsə̀təndə̄ghā tì, ghèe ghee ndûu kə̀aa zêe àghəa an sàŋkpàa kə Taelānùs.

Kə̀fwàʼ 24:14

Zən lò zəla Ǹ so M̀ boō wô â ghù enyəa kùu ndùw Dzì è te, zəla ghe ŋgɔɔ̄ enyəa à lò dzeŋe fə̀ biigh fo, Ŋ̀ kɔʼsô Zə̀ kə ghê Tselè sɛ̀, boom fughuu ndùw ghəa ghə̀n à dzə̀m lâŋ kə̀ deē, ŋkāa ghəla ghiīshʉ̀ghà a Kəzə̀ à tɔm naŋā,

Kə̀fwàʼ 24:22

Fɛlècks, ghəa ù màʼà lô sugho mò ù tɔ̀ʼ kwò nû ghəa a Dzì è te gho, ù m gbò kə̀aa kɔ̌ʼ sàʼ è ghee è te enyəa, “Abugho pfʉtəŋgə̄m Lysìas laʼà tsughu wo, Ǹ lo saʼ saʼ zɛʼɛ̄.”

Kə̀fwàʼ 26:10

Kən lò fəgha kə̀là mùgho fə̀ fwaʼ ghè kò an Yɛ̀lusalɛ̀m. Fɔ̀e tə̀ tughu tə m fughuu tsughuu kədaʼa, mùghò ŋ kwuu dzə̀là ghì ghəla ghe boo fughu â Yɛso an ndùghètsāʼ, a m bùghò ghe tsəghàsò tsughu lâŋ kò enyəa wiin ghee, mùghò n tso boo è sugho.

Kə̀fwàʼ 26:12

“À mò lo bòʼ ghəa ghən fɔ̀e tə̀ tughu tə mò fughu tsughu daʼa ko, mùgho n nyə̀ ndùw an Dàmaskùs.

Kə̀fwàʼ 6:9

Ghî à li gho ghe mò lô ghî ghò aŋ ghì a Sàŋ è tə̀ Fə̀lɛ̂dmɛ̂n (aŋ ghəa ghe mò tɔŋlo a te), n daŋso nùghù těe è kɔʼ, kàʼ nyə̀ ndùw fom tə̀ baaŋ to ghèeghê Sìtofɛ̀. Ghən mò lo aghî ghe sə wo an Sìlɛ̂n, àsùghò an Alɛ̀ʼzandà, an Sìlesìa asùghò an Ɛshìa.

Kə̀fwàʼ 7:19

Tûw wən m bəla an tɔ u ghì a sɛ̀, kɔʼ nyaʼa an tuw kə ghê tsele â sɛ̀, kwuu ghee alo esə̀ŋ enyəa ghe e maʼn taʼn wɛ a ghee à bughuu gho to ghe e kpuwnlo.

Kə̀fwàʼ 9:14

Ù fɛ lo mò ù daʼa kə nî wò aŋ ghùu fɔ̀e tə̀ tughu to alekwuu kɔlɔ̄ tsughuu ghî ghəla ghe fughuu ghû â kɔʼso mò.”

Kə̀fwàʼ 9:21

Dzughu zə n zûu ghì ghə̀n à dzə̀m ghe mò zəə̄n shwaʼ u wə̄n wo, ghe m bvʉ enyəa, “Wən mgbàŋ yǒ ghùw wəla ù mò ndzaŋsō kaāŋ ghî ghəla ghe tɔɔŋ tsughuu zən e Yɛso zò an Yɛ̀lusalɛ̀m à? To ù fɛ mgbaŋ bùghò enyəa e bughò kwuū kɔlɔ̀ tsughu ghee e nìi ndûw fughu â fɔ̀e tə̀ tughu to a?”

2 Kòlentìan 11:32

A m bùghò Ǹ lo an Dàmaskùs, gɔvə̀nò wəla ù mò fwaʼà a tsəlà Də̀ŋ kə ghee ko, tɔɔŋ Aletàs, m fughu tsughu kəlâŋ enyəa ghe fêe tsughu naʼ e Dàmaskùs e dzə̀m to ghe kwu mugho,

Gàlashìan 1:17

Ŋ̀ ka fə kôom nùghù ndùw dzə̀ ebàm an Yɛ̀lusalɛ̀m enyəa Ǹ ndûw kə̂aa dzəə̄ŋ ndûw dzə̂ àghəa ghàʼ à ghê ghì ghəla ghe fə̀ doʼò tum tə Yɛso tò kəsə a zəŋò mùghò. Mùgho fə̀ ghue u shuā nduw dzə an naʼ e zə Àlabìa, mùghò n daŋso kòom zə̀ghàa tsùghù sùghò naʼ e te zo nùghùu wò èbàm an naʼ e Dàmaskùs.