Kə̀fwàʼ 9:1 - To kə Kəzə̀ kə̀ Fughu ko

¹ Sôol n lo mò ù nǎam kʉ̀aa kǎaŋ ko alewîin tsə̀təndə̄ghā tə Mughu ù te, ù n ndùw kòʼ ndùw tuw kə fɔ̀e,

Kə̀fwàʼ 9:1 Iomraidhean Croise

Kə̀fwàʼ 7:58

Ghe n sè nùghù sə̀ ndùw wən alo enaʼ, ndùw kàʼ ndùw wən alo atīa a lùʼù təəm wo; ghî ghəla ghè fə̀ tɔ̂ʼ ti aŋ ghəa e te zo ghe n ndoʼò tsɔ̀ʼn kɔʼɔ̂ ndzʉ tə ghee màʼn nǎaŋ ndùw a tsəlà wɛ̂ɛtùghu ù lì ghe mò tɔŋlo enyəa à lò Sôol.

Kə̀fwàʼ 8:3

Sôol ŋ kuūwn lò ko fi aleshùaʼ ghì à Kəzə̀, nyəaa ndùw ndùghù tə̀ndùghù; kwuu sèe sə̌aa wò àghìnûu à ghìzən gho, ndùw fèe nǎaŋ ndùw an ndùghùtsāʼ.

1 Kòlentìan 15:9

Nu am fwàʼ kə tum tə Kə̀lestò, Ǹ lo wɛ̂ɛtùghuu a zəŋò tum to tə dzəm, mò Ŋ̀ kâ bùʼ kɔ̀ʼkpē to ghe e tɔŋɔ enyəa à lǒ tum è Kə̀lestò, bòʼ mùgho mò ndzaŋso kaaŋ tsəgha dzeŋe kə ghì a Kəzə̀.

Gàlashìan 1:13

Tɔŋlo enyəa ghɛ̀ maā zuw aŋghəa mughù zaŋa e mò bûʼ lô tsəgha a te, aŋghəa mùgho mò bûʼ mughù tsəgha tǒ kùm kə ghûw ù Dzudà, àsùghò aŋghəa ghəla mùghò mò dzaŋsō tsughu ghî ghəla ghe gaʼ fə̀ŋ aŋ ghəa e Kə̀lestò an nʉ̀ghà ù pfʉa wo, də̀mà sùghò aledzùuw maʼà ghee;

Fèlepìan 3:6

Mùgho fə̀ lo tsəgha ghùw wəla ù fə̀ ki zǐi alezoʼn ghì ghò an làŋ kə enaʼ ko, aŋghəa mùgho fə̀ fughuu tsəgha ghî ghəla ghe boō fughu an zən e Kə̀lestò â tsù wò bòʼ mùgho fə̀ moʼn tsəgha enyəa ghe dəmà alesàʼà maʼà làŋ kə enaʼ ko. Mùgho ŋ ghəəŋ dzɔ̀ɔ, tò aŋghəa lâŋ kə̀ deē.

1 Timotì 1:13

Zə̀ kə̀ maā se zo a zəŋò mùghò kwuso aŋghəa e bûʼ lô ko enyəa M̀ mafə̄ wə̄n bûʼ sùuwn tsə̀ghà dzə̀, dzaŋso kaaŋ tsə̀ghà sùgho tsə̀təndə̄ghā tə wə̄n, bùʼ nòmso sùghò à liʼ gho, tɔŋlo enyəa kə mafə kele enyəa mùghò fə̀ ghəa ghən ghəŋlo an tuw kə e làʼsò.