Bìoball air-loidhne

Kə̀fwàʼ 8:9 - To kə Kəzə̀ kə̀ Fughu ko

⁹ Ezə̄ŋ, tûwbʉ̀ghà ù lǐ n lo tsəgha fughu alo enaʼ ghe mò tɔŋlo enyəa à lò Sǎemòn, mò ù tsòo ghə̌əŋ tsə̀ghà kô ghəa à fəən gho fughu alo kə ghā. Ù ŋ ghəŋlo dzughu zə n zûu ghì a Sàmalìa, dzàa tsə̀ghà enyəa e kɔʼ kpē nû.

Faic an caibideil Dèan lethbhreac

« Roimhe

dol air ais ⬆

Air adhart »

Kə̀fwàʼ 8:9
20 Iomraidhean Croise

Dzɔ̌n 7:18

Ghùw wəla ù kə̀aa ghəa a wə̄n a kəghū gho, ù kə̀ŋo ŋkɔʼso aŋ ghùe u wə̄n, wəla ù kuūwn kəŋo kɔʼso mò â ghùw wəla ù tum wo wə̄n lo ghùw wəla ù kə̀aa səŋò zò, nyàaŋ fə dzʉ fə̀ li fə yo aŋ ghəa a wə̄n à ghəəŋ gho.

Faic an caibideil

Kə̀fwàʼ 13:6

A m bùghò ghe tsəghà sə mɛʼɛ̀ nduw naʼà fìa dzùghù mò dzə̂əŋ ŋgəa kɔʼ ndùw lɔ̀ʼsò tɛ̀ mìasò ndùw am Pafòs, ghe n ndùw kpěen tsughu ghèe ghê ghùw ù fə̀nlo ù lì, ghùw Dzudà ù lì ù fɔɔ̄ tsəghà sə a ghì ghò enyəa e lo ghùwshʉ̀ghà Kə̀zə̀. Zən e wə̄n e mò lo Bal-Yɛso.

Faic an caibideil

Kə̀fwàʼ 13:8

Ghùw ù ghə̀a à fəən vʉ̀, ghe mò tɔɔ̄ŋ sughò enyəa à lǒ Ɛ̀laemàs an shwaʼ u Gə̀lês, ŋ kuuwn komso ndùw ghee, də̀mà ko enyəa e təghàsò maʼà to gɔvə̀nò lò naāŋ wô tuūŋ ko an Làbəlà è Dzùŋ zə̀ ù lò boōm fughuu wo a te.

Faic an caibideil

Kə̀fwàʼ 5:36

tɔŋlo enyəa a fə̀ bugho fɛ an tì kə̀ li ko Tǐodàs n nùghù kɔ̀ʼ fɛ dzàa wò enyəa e lo sugho ghùw ù lì, bɔm tə aghì tə̀ n tsə̀ghà tə̀ŋò ndùw a bǎà wə̄n tò təchìakò. Ghe ŋ wi tsughu wə̄n, dzùm sàaŋ màʼà kɔ̀ʼ ghî ghə̀n à dzə̀m ghe mò tsəghà təŋò doʼò nduw a bǎà wə̄n, dzeŋe kə wə̄n kə te kə m kpùw è nduw.

Faic an caibideil

Kə̀fwàʼ 8:11

Ghe mò â wən êzə zuuw nduw ù màʼà ŋge ghəŋlo dzughu zə mgbɛɛ zūu tsə̀ghà ghee an də̀ghàa kə kəgha am fənlo e wə̄n.

Faic an caibideil

2 Tɛ̀sàlonìan 2:4

Ghùw ù te e ke kɔʼso ghue u wə̄n wo, tsùghòsò màʼn fʉgha wəla ghe tso tɔŋlo enyəa à lò uzʉ̀. Ù lo nyəā nyaʼā kɔʼ an ndùghène è Kə̀zə̀, ù e dzaā wo enyəa e lo Kəzə̀.

Faic an caibideil

2 Timotì 3:2

Ghî ghə̀ ke e bɔɔm kwo tsughu ko ghue e ghee zo, ghe e ŋge ki sə a ukʉ̄a gho, ghe e ke chwiilwii ghî ghò, ghaŋso kaaŋ sùghò èghue, ki dzughu à biigh gho, zuuw yo â ghê tsele, fughuu yo zɔ̀ɔŋ ko â ghì ghəla ghe yoso ghee, ghe ke e niī yo ghəa a Kəzə̀ ghò tò ghəa è li zo.

Faic an caibideil

2 Timotì 3:5

Ghe ke e nəəŋ ghəŋlo enyəa ghe lo ghî à Kəzə̀ kuuwn tuu maʼn daʼa kə Kəzə̀. E kwo ko ghù lò kele ghəa è li zo aleghəŋlo ghɛ̀ à ghê ghì ghən.

Faic an caibideil

2 Pità 2:18

Ghe kɔʼso kaŋlo èghue, kə̀a shwaʼ ù laʼso wo, nìi kɔ̀ʼɔ ghəa ghəla ghe nûuŋ kaŋlo a te, tsʉ̀a bòon ndùw ghì ghəla ghe kuʼù nughù ti sə wo am bvʉa e ghì ghəla ghe mughu dzə̀adzə̀ kə e mùghù kò.

Faic an caibideil

Edêe Fughu 22:15

Ghî ghəla ghe yo dzə an naʼ e te fo lo ghî ghela ghe ghəə̄ŋ dzə̀adzə̀ tə aghəa to, àsùghò ghì a uvùŋ ghò, ghəla ghe nûuŋ kaŋlo àsùghò ghəla ghe wii ghî gho, ghəla ghê kɔʼso mùʼù mò àsùghò ghəla ghe kaʼn gha gho aŋ ghəa ghee kə̀a gho àsugho aŋ ghəa a ghee à ghəəŋ gho.

Faic an caibideil

Lean sinn:

Ceanglaichean taic

Sanasan

Kə̀fwàʼ 8:9 - To kə Kəzə̀ kə̀ Fughu ko

Kə̀fwàʼ 8:920 Iomraidhean Croise

Kə̀fwàʼ 8:9
20 Iomraidhean Croise