Kə̀fwàʼ 8:3 - To kə Kəzə̀ kə̀ Fughu ko

³ Sôol ŋ kuūwn lò ko fi aleshùaʼ ghì à Kəzə̀, nyəaa ndùw ndùghù tə̀ndùghù; kwuu sèe sə̌aa wò àghìnûu à ghìzən gho, ndùw fèe nǎaŋ ndùw an ndùghùtsāʼ.

Kə̀fwàʼ 8:3 Iomraidhean Croise

Kə̀fwàʼ 16:19

Ghəa ghî ghəla ghe ki wə̄n kôʼ tsughu enyəa ghe ŋ gùŋù zə zəla ghe mò zəā aŋ ghùu wən, ghe ŋ kwu kɔʼ Pôl ghee Saelàs; sè ndùw ghee a vʉ̀a tsoʼ to am fwànlò;

Kə̀fwàʼ 22:19

Mùghò m bɛlɛ̀ tsùghù enyəa, ‘Mughùbè, ghuūghùe e ghee e kwo nû enyəa mùgho mò kwuu kaaŋ wo ghî ghəla ghe boō fughu â ghù an ndùghutə̀ne tə Tə̀dzûu tò tə dzə̀m, buu, kùu nǎaŋ tsughuu alo tətsāʼ.

Kə̀fwàʼ 7:58

Ghe n sè nùghù sə̀ ndùw wən alo enaʼ, ndùw kàʼ ndùw wən alo atīa a lùʼù təəm wo; ghî ghəla ghè fə̀ tɔ̂ʼ ti aŋ ghəa e te zo ghe n ndoʼò tsɔ̀ʼn kɔʼɔ̂ ndzʉ tə ghee màʼn nǎaŋ ndùw a tsəlà wɛ̂ɛtùghu ù lì ghe mò tɔŋlo enyəa à lò Sôol.

Kə̀fwàʼ 8:2

Ghî ghəla ghe fə̀ lo mo ghe n zə zo aŋ ghəa e Kəzə̀ m bòʼò tsə̀la tsughu Sìtofɛ̀, dì tsɔ̌ʼn tsughu enyə.

Kə̀fwàʼ 9:21

Dzughu zə n zûu ghì ghə̀n à dzə̀m ghe mò zəə̄n shwaʼ u wə̄n wo, ghe m bvʉ enyəa, “Wən mgbàŋ yǒ ghùw wəla ù mò ndzaŋsō kaāŋ ghî ghəla ghe tɔɔŋ tsughuu zən e Yɛso zò an Yɛ̀lusalɛ̀m à? To ù fɛ mgbaŋ bùghò enyəa e bughò kwuū kɔlɔ̀ tsughu ghee e nìi ndûw fughu â fɔ̀e tə̀ tughu to a?”

1 Kòlentìan 15:9

Nu am fwàʼ kə tum tə Kə̀lestò, Ǹ lo wɛ̂ɛtùghuu a zəŋò tum to tə dzəm, mò Ŋ̀ kâ bùʼ kɔ̀ʼkpē to ghe e tɔŋɔ enyəa à lǒ tum è Kə̀lestò, bòʼ mùgho mò ndzaŋso kaaŋ tsəgha dzeŋe kə ghì a Kəzə̀.

Gàlashìan 1:13

Tɔŋlo enyəa ghɛ̀ maā zuw aŋghəa mughù zaŋa e mò bûʼ lô tsəgha a te, aŋghəa mùgho mò bûʼ mughù tsəgha tǒ kùm kə ghûw ù Dzudà, àsùghò aŋghəa ghəla mùghò mò dzaŋsō tsughu ghî ghəla ghe gaʼ fə̀ŋ aŋ ghəa e Kə̀lestò an nʉ̀ghà ù pfʉa wo, də̀mà sùghò aledzùuw maʼà ghee;

Fèlepìan 3:6

Mùgho fə̀ lo tsəgha ghùw wəla ù fə̀ ki zǐi alezoʼn ghì ghò an làŋ kə enaʼ ko, aŋghəa mùgho fə̀ fughuu tsəgha ghî ghəla ghe boō fughu an zən e Kə̀lestò â tsù wò bòʼ mùgho fə̀ moʼn tsəgha enyəa ghe dəmà alesàʼà maʼà làŋ kə enaʼ ko. Mùgho ŋ ghəəŋ dzɔ̀ɔ, tò aŋghəa lâŋ kə̀ deē.

1 Timotì 1:13

Zə̀ kə̀ maā se zo a zəŋò mùghò kwuso aŋghəa e bûʼ lô ko enyəa M̀ mafə̄ wə̄n bûʼ sùuwn tsə̀ghà dzə̀, dzaŋso kaaŋ tsə̀ghà sùgho tsə̀təndə̄ghā tə wə̄n, bùʼ nòmso sùghò à liʼ gho, tɔŋlo enyəa kə mafə kele enyəa mùghò fə̀ ghəa ghən ghəŋlo an tuw kə e làʼsò.

Dzɛ̂ms 2:6

Ghɛ̀ ŋ ghùw ù lǎa ù te kuuwn kòʼ kè. À mgbàŋ yò ghî à kuu a te ghəla ghe kɔʼ nyaʼā an tuw wɛʼɛ, sèe ndùuw zěe ko â ghɛ̀ an tia e sāʼ a?