Kə̀fwàʼ 8:25 - To kə Kəzə̀ kə̀ Fughu ko

²⁵ Ezə̄ŋ ghəa Pità ghèe Dzɔ̌n teso dzɛ̂ tsughu ghəa a Mughu ù te gho, ghe n nùghù tsùghù a lùʼù kwəlā wo ebàm an Yɛ̀lusalɛ̀m, nàʼà kwən tsughu ko tùm è dzùŋ è te dzîidziī enyə an ndə̀mà tə nàʼà mə̀là n lò a tsəlà Sàmalìa.

Kə̀fwàʼ 8:25 Iomraidhean Croise

Matìo 10:5

Yɛso n tùm sə ndùw ghî ghən èghəm à ghè ghò a bə̀ghà mò ù ŋ ghee kûɛɛn tsùghù enyəa, “E kwo ghùw wɛʼɛ lô ndûuw an də̀ŋò təla Toʼò è lo a te, kà nyə sùghò nlò an nàʼà tə̀là ghî a Sàmalìa à mughu a fughu,

Lûk 16:28

ù ndùw kwɛ̂ɛn tsughu waazə̂ ghaŋa yì fughu a te, e kwo ko ghe ke bughòo sughò fɛ an lùʼù kə ŋgōʼ kən.”

Dzɔ̌n 15:27

Ghue e ughùe zɛʼɛ̄ e lo e teso dzaā sugho fəgha kəla Ǹ lo ghè kò, bòʼ enyəa sɛ̌ fə̀ ghəa a te gho dzeŋe ziī tsughu a dzə̀m.”

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 13:12

A m bùghò gɔvə̀nò kòʼ tsughu ghəa yia a sə kɔʼ, ù m boo fùghù è nduw, tɔŋlo enyəa ghəa ghəla ghe mò zoʼnlō kùu ndùw Mughubè ù te a mò kpuuw wə̄n â tuw ko.

Kə̀fwàʼ 18:5

A m bùghò Saelàs nùghù wo an Màsɛ̀donìa ghèe Timotì, Pôl n nì kɔ̀ʼ nəgha e wə̄n e dzə̀m alekəaa ko shwaʼ u Kəzə̀ wò, teso ndùw tuŋlō u ghì a Dzùdîa enyəa Yɛso lo Kə̀lestò ù te.

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Kə̀fwàʼ 28:23

A m bùghò ghèe ghee ndôʼ boō naŋā tsughu tsūʼ fo, ghe m bùghò kòʼ wò sùghò wə̄n, ghee ndə̀m, an lùʼù kəla ù mò mughu a te. Ù n tesô ghəa e te zo â ghee, alezìi tsughu â bwə̀làbwə̀là tò ndùw kùm ndùw an nə̀gha è gûŋsò zò, dèe fùghuu kɔʼɔ tsə̌a tə fɔ̀e u Kəzə̀, də̀mà ndùw sùghò enyəa e tsʉ̂ʉn nughù kɔʼ ghee kùu ndùw Yɛso aŋ ghəa lâŋ kə Musî kə̀ deē àsùghò shwaʼ u ghǐishʉ̀ghà a Kəzə̀ ghò.

Kə̀fwàʼ 28:28

Ghɛ̀ ki alekele tsughu enyəa ghe n shwaʼ u tùw kə̀ zəa u Kəzə̀ wən nî tùm fùghù ndùw â Tòʼò tò, ghe lo zuuw nù.”

Kə̀fwàʼ 28:31

kə̀aa ndùw kô ghəa e fɔ̀e u Kəzə̀, zoʼn ndùw sùghò àghì kùu ndùw Mughu ù te Yɛso Kə̀lestò an ndɛ, mo fəgha kə li kə təghàsò sùghò yò wə̄n.

Kə̀fwàʼ 8:40

Felêp n tɛ̀tsə̀n ko mò ù sò lò an Azotùws mò ù sò nàʼn ndùw Làbəlà è dzùŋ zən naʼà tə̀nàʼà, tsə̀ghàa dàŋso ndùw, nàʼà ndùw tɛ̀ ndùw aŋ Kàesalìa.

1 Pità 5:12

À mùghò yôsò Saelàs (Sìlvanùs), wàazə̀ waŋa wəla Ǹ tɔ̂ʼ kwo enyəa ù lo tsəghatsəgha am boo e wə̄n, aletɔɔ̄ wô kə̀mà fə kəmwàʼsò fən fo â ghɛ̀. M̀ mwàʼsò kən kə tɔɔ wò â ghɛ̀ aletsʉ̀a wô ghɛ̀ àsùghò alefəghaan teso dzâa wô â ghɛ̀ enyəa ləgha e Kəzə̀ è kûum lò êsəŋò. Ghɛ̀ tee tən tsughu ko nlò a te.