Kə̀fwàʼ 8:16 - To kə Kəzə̀ kə̀ Fughu ko

¹⁶ Mbuu à mò naam lo mò zuʼ u te u kaām kāan nyəa a zəŋo ghùw ù ghee ù u mɔ̂ʼ; mo ghe ghee fughu tsughu ko ghee â mùghù ŋ Kə̀zə̀ mò an zən e Mughubè Yɛso.

Kə̀fwàʼ 8:16 Iomraidhean Croise

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Kə̀fwàʼ 19:2

Ù m bvʉ â ghee enyəa, “Zuʼ tə̀ Zɔlɔ tə mafə nyə a zəŋò ghɛ̀ aŋghəa ghɛ̀ mò boō tsughuu a?” Ghe mo enyəa, “Ɛ̂ŋgaŋ dzə̂, ghàʼ kaam bûʼ zùw kòʼ enyəa fəgha kə̀ li lo nû tò Zuʼ tə̀ Zɔlɔ to.”

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Lumà 6:3

À lǒ mò ghɛ̀ məghaa nù enyəa sɛ̀ a dzə̀m ghəla ghe mò fughu tsughu sɛ̀ â mùghù ŋ Kə̀zə̀ mò enyəa sɛ̀ doʼò kə fəgha kə mɔ̀ʼ sɛ̀ à ghê Kə̀lestò Yɛso fə̌ fi lo aledèe tsughu enyəa sɛ̀ mafə kpuw dzəŋlo sɛ̀ a ghê Kə̀lestò.

Gàlashìan 3:27

Ghɛ̀ ghən à dzə̀m ghe mò ni mùghù ŋ Kə̀zə̀ mò, aledèe tsughu enyəa ghɛ̀ boo fughu â Kə̀lestò, ghɛ̀ mǒ fi ni kɔʼ mwam u Kə̀lestò dzə̀là tsughu a zəŋo ughùe tò təndzʉ̄.