Kə̀fwàʼ 8:14 - To kə Kəzə̀ kə̀ Fughu ko

¹⁴ Ghəa tum tən an Yɛ̀lusalɛ̀m zuw tsughu enyəa Sàmalìa m boo shwaʼ u Kəzə̀ wò, ghe n tùm tsùghù ndùw Pìta ghèe Dzɔ̌n fughu.

Kə̀fwàʼ 8:14 Iomraidhean Croise

Matìo 13:23

Yia a bughò ghəla ghe mò bvʉ an zù è dzùŋ, à lǒ ghee ghəla ghe zuw shwaʼ u te wo, zuwkɛlɛ è tsughu; ghe yia noō bɔŋ dzɔ̀ tsughu buʼ a dzûŋ ghò, buʼ à li ghə m fughuu kɔʼɔ àsə fəbɔm, à li ghə m fughu kɔʼ asə ŋghəm tǔu, à li gho ŋghəm n təgha.”

Lûk 22:8

Yɛso n tum tsughu Pità ghèe Dzɔ̌n â ghee enyəa, “Ndǔw ghəəŋ tsughu nlò fəghàzəa kə kəzə kə̀ Ezəŋsō naŋa ko, a lô zəā.”

Dzɔ̌n 12:48

Ghùw wəla ù kòʼò lʉghāa mugho, buw alenìi naŋâ shwaʼ waŋā ki tən nû ghùw wəla ù lo saʼā wə̄n; tɔŋlo enyəa à kè lò shwaʼ wəla u sə wo an dzughu zāŋā an tsuʼ wəla mbī kê mìanlo a te.

Kə̀fwàʼ 11:1

Tum tə Yɛso à waazə̂ a ghî a Kəzə̀ à li ghəla ghe mò lo an Dzùdîa n zuw tsughu enyəa Toʼò zə̀ m boo sùghò shwàʼ u Kəzə̀ wò.

Kə̀fwàʼ 15:4

A m bùghò ghe bughò nyə wo an Yɛ̀lusalɛ̀m, ghî a Kə̀lestò ghə̀ m kpènì ghee ghèe ghê tum to à tsoʼ to, ghe n dzɛ̀ tsùghù ghəa ghə̀n à dzə̀m Zə̀ kə̀ yôsò kɔʼ ghee enyəa ghe ghəə̄ŋ ndûw.

Kə̀fwàʼ 17:11

Dzûu tən fɛ mò nəəŋ kuuwn mbvuʼū ghəəŋ nû tsə̀ghàtàʼà təla tə mò lo an Tɛ̀sàlonikà, nu ghe mò zəən shwaʼ u te wo alo mmbuuw, tɔ̀ʼn zěe səa kɔʼɔ am mwàʼsò kə Kəzə̀ enyəa ghəa ghən lo to ezə̀ à.

Kə̀fwàʼ 2:41

Ghî ghə̀ n zuw shwaʼ u Pità vʉ̀ boo fùghù è nduw, ù m fughu tsughu ghe â mùghù ŋ Kə̀zə̀ mò; kam tə aghì tə̀ m baʼso wò am fɔe kə ghee tə təgha an tsuʼ fə̀ efì.

Kə̀fwàʼ 8:1

Aŋghəa ghe dəmā ghèe ghê Sìtofɛ̀ êzə̀, Sôol m boo fùghù ndùw enyəa ghe nyɔ̂ʼ fwàʼ nù alewī Sìtofɛ̀. Ghe n nùghù kɔ̀ʼ an tsuʼ u te wo, ndzaŋso səso tsughu dzeŋe kə ghì a Kəzə̀ an Yɛ̀lusalɛ̀m ènyə, ghî ghə̀n à dzə̀m n nùghù sɛ̀ɛ tìnlo è tsughu, ndza tsughu mbùʼ è Dzùdîa edzə̀m, à Sàmalìa, à n dòʼòdòʼò tsughu kô tum.

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.

1 Tɛ̀sàlonìan 2:13

Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.

1 Tɛ̀sàlonìan 3:2

ghàʼ n tùm wò Timotì, Wàazə̀ ù sɛ̀, wəla ù lò sûghò kɔ̂ɔ fə Kəzə̀ fò, ù fwàʼà dzəə̄ŋ ghàʼ à ghee alenàʼà làbəlà è dzùŋ è Kə̀lestò, a vʉ̀a ghɛ̀ enyəa u bùghò dzə̂n fə̀ŋ tɛʼɛ, ù fəghaan tughuso wô sughò boo zɛʼɛ,

2 Tɛ̀sàlonìan 2:10

Ù lo e niī wo bòobò tə agha tə wən to tsèe ndùw ghî ghò an ndə̀mà tə tədzǐi, ghî ghəla ghe fə̀ fôʼ naŋā enyəa ghe kê sə̌a mìanlò alo kələ̄ŋ, bòʼ ghe tue maʼa aleboo fughu â sə̀ŋò zò to ghe zə kətuw.