Bìoball air-loidhne

Kə̀fwàʼ 8:12 - To kə Kəzə̀ kə̀ Fughu ko

¹² A m bùghò ghe kôom bughò boō fughu ndûw â Felêp, wəla ù mò naʼn wo tùm è Fɔ̀e u Kəzə̀ è dzùŋ, kə̀aa wò sùghò ghəa Yɛso Kə̀lestò, ghe fughu tsughu ghee enyə â mùghù ŋ Kə̀zə̀ mò — ayînû àsùghò yìzən gho.

Faic an caibideil Dèan lethbhreac

dol air ais ⬆

Kə̀fwàʼ 8:12
22 Iomraidhean Croise

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Faic an caibideil

Lûk 9:2

Ù n daŋso tùm sə̀ ndùw ghee enyəa ghe e naʼn nduw tùm è dzùŋ kùu ndùw Fɔ̂e u Kəzə̀, baaŋ ndùw sùghò tə̀dzàŋà.

Faic an caibideil

Lûk 9:60

Yɛso m fəŋso dzɛ̀ â wən enyəa, “Zə̀ghaa ndùw ghî ghəla ghe lô tò ghî à kpuuwn gho ghe e tsəən nduw ghî à kpuuwn gho, yia a bughò ghû, kuuwn nàʼa kaaŋ ndǔw tum è Fɔ̀e ù Kəzə̀.”

Faic an caibideil

Kə̀fwàʼ 1:3

A m bùghò ù zuw mɛʼɛ̀ tsughu ŋgoʼ, ù ŋ kɔ̀ʼsə kɔʼ alo evʉ̄, bùghò dè wò ùghue â sə à tughu gho â ghee an ndə̀mà tə tədzǐi, gbə̀nsə kaŋlo a vʉ̀a ghee aŋ ghə̀m mə̀ ntsùʼu n te mò n chìakò, kə̀aa ndùw ghee â ghəa e fɔ̀e u Kəzə̀ zò.

Faic an caibideil

Kə̀fwàʼ 11:20

Ghî a Saepə̀lùs à li gho àsùghò a Sìlêen ghò, ghəla ghe boō fughu â Kə̀lestò, ghe ŋ ŋgəəŋ lò sugho am bvʉa e ghì yì an Antìok, ghe ŋ kə̂aa ndùw ghəa a Mughùbè Yɛso â Tòʼò zò.

Faic an caibideil

Kə̀fwàʼ 18:8

Kə̀lispùs, ghùw wəla ù mò lô tuw ko an Ndùghène è Tə̀dzûu è te, ghèe ghê ghì â wə̄n gho an ndughu m boo fughu ndùw am Mughu ù te; ndə̀mà tə ghì a Kɔlèent ghəla ghe mò zuw shwaʼ u Pôl wò, ghe mo è boo, nì kɔ̌ʼ mùghù ŋ Kə̀zə̀.

Faic an caibideil

Kə̀fwàʼ 19:5

A m bùghò ghe zuw tsughu shwaʼ wə̄n wo, ghe m boo è tsughu, ghe fughu tsughu ghee â mùghù ŋ Kə̀zə̀ mò an zən e Mughù u te Yɛso.

Faic an caibideil

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Faic an caibideil

Kə̀fwàʼ 2:41

Ghî ghə̀ n zuw shwaʼ u Pità vʉ̀ boo fùghù è nduw, ù m fughu tsughu ghe â mùghù ŋ Kə̀zə̀ mò; kam tə aghì tə̀ m baʼso wò am fɔe kə ghee tə təgha an tsuʼ fə̀ efì.

Faic an caibideil

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Faic an caibideil

Kə̀fwàʼ 20:25

Êzəŋ, aŋ ghɛ ghə̀là Ǹ lo mò mùgho n zùghòo kǎaŋ wò fɔ̂e ù Kəzə̀ wò am bvʉa zɛʼɛ̄, Ŋ̀ kwo nû enyəa ghùw wɛʼɛ u mɔ̀ʼ lo kòom kòʼ kòʼ yò kwaʼ u sʉ waŋā wo.

Faic an caibideil

Kə̀fwàʼ 28:31

kə̀aa ndùw kô ghəa e fɔ̀e u Kəzə̀, zoʼn ndùw sùghò àghì kùu ndùw Mughu ù te Yɛso Kə̀lestò an ndɛ, mo fəgha kə li kə təghàsò sùghò yò wə̄n.

Faic an caibideil

Kə̀fwàʼ 5:14

Ndə̀mà tə aghì tə̀ m fəghaan boom fughuu ndùw â Mughu ù te təmādzəə̄ŋ ndùw ghee tsə̀ghàsə̀ sûesʉ — ayîzən àsùghò yìnû ghò.

Faic an caibideil

Kə̀fwàʼ 8:4

Ezə̀ŋ, ghî ghəla ghe mo sɛ̂ɛ nùghù kaāŋ nduw ŋ ŋgəaa ndùw nàʼà tə̀nàʼà, nàʼn ndùw làbəlà è te.

Faic an caibideil

Lumà 10:10

Bòʼ à lò fə̀ŋ zəla ghùw gaʼā tsughuu a zəŋò Zə̀ kò enyəa è kə̀ ghəŋlo enyəa ghùw ù te doʼò tsəghatsəgha, à lò sugho bòʼ enyəa ghùw dzâa sə̌a wò an dzughu e tughō zo enyəa ù bǒo fughu â Yɛso e ghəŋlo enyəa ù zə kətuw.

Faic an caibideil

1 Kòlentìan 11:11

Yia abugho am mùghùu e sɛ̀ â sɛ̀ à ghê Mughu ù te, wìzən yò alemùghù aŋ ŋgəŋ è wə̄n mò wìnû yò, wìnû vʉ̀a ù yò sugho alemùghù aŋ ŋgəŋ è wə̄n mò wìnû.

Faic an caibideil

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Faic an caibideil

1 Pità 3:21

Fʉ̀ghàdzughù tən fɛ dêe mùghù ŋ Kə̀zə̀ məla ghe fughu â ghɛ̀, mìa m bəghaasəa ghɛ, mò à yò dzə̂ tǒ ghùw lò sûuw maʼn tsughu ghue wo a te; a kǔuwn lǒ dzì â ghɛ̀ aleto kətō am fə̀ŋ tə̀ zɔlɔ to â vʉ̀a Zə̀ kò. À ghɛ̀ êzə̄ŋ e bəghaasəa kpuūw kɔʼɔsə e Yɛso Kə̀lestò alo evʉ.

Faic an caibideil

Lean sinn:

Ceanglaichean taic

Sanasan

Sanasan