Kə̀fwàʼ 8:1 - To kə Kəzə̀ kə̀ Fughu ko

¹ Aŋghəa ghe dəmā ghèe ghê Sìtofɛ̀ êzə̀, Sôol m boo fùghù ndùw enyəa ghe nyɔ̂ʼ fwàʼ nù alewī Sìtofɛ̀. Ghe n nùghù kɔ̀ʼ an tsuʼ u te wo, ndzaŋso səso tsughu dzeŋe kə ghì a Kəzə̀ an Yɛ̀lusalɛ̀m ènyə, ghî ghə̀n à dzə̀m n nùghù sɛ̀ɛ tìnlo è tsughu, ndza tsughu mbùʼ è Dzùdîa edzə̀m, à Sàmalìa, à n dòʼòdòʼò tsughu kô tum.

Kə̀fwàʼ 8:1 Iomraidhean Croise

Matìo 22:6

Ghî à li ghən ŋ kuūwn kwu tsughu kɔ̀ɔ ŋ wə̄n mì, tsʉ̀ ghee, wiin màʼà tsughu ghee.

Matìo 23:34

Ǹ so Ǹ dzàa wô â ghɛ̀ enyəa yìa Ǹ tuū wô ghɛ â ghǐishʉ̀ghà ghò, ghê wàndɔŋ, à ghê Dèekə̀làŋ; ghɛ̀ è ke təghaan winlo à li gho, tsɔʼɔ à li gho alo təkwùu an Ndughutə̀ne tə Tə̀dzûu tò, dzùu kàŋlo à li gho naʼà tə̀nàʼà.

Matìo 5:13

“Ghɛ̀ lo tò ntsôʼ â ghì a mbī gho; abugho tsòʼ ŋ kôom kpəŋò yo, a lo aleghəŋlo ênzə̂n enyəa ŋ kòom kpə̂ŋ a? M̀ fi kôom kì yo fwàʼ kò, n lò ko alekwə̀là maʼà, ghî ghə̀ è dzughònlò.

Dzɔ̌n 15:20

E moʼnlo nlò shwaʼ wəla mugho mò dzɛ̂ naŋā â ghɛ̀ enyəa, ‘Kɔ̂ɔ fə̀ tsəghàsə̌a tsə̀ghà yǒ mughùbè ù wə̄n.’ Abugho ghe mò lo alendzaŋso kaaŋ mùghò, ghe lo ndzaŋso kaaŋ sùghò nù ghɛ. Abugho ghe mò lo alezuūw naŋa shwaʼ waŋā, à fi lo enyəa ghe lo zuuw naaŋ sùghò nù shwaʼ wɛʼɛ wo.

Dzɔ̌n 16:2

Ghe lo dzùu nùghùun sə̌a wò ghɛ̀ an Ndughutə̀ne tə Tə̀dzûu tò. Nəghā e bùghòo nù, zəla mò à lò ko ndugho ù wi ghɛ, ù m moʼnlò enyəa e fi fwaʼà fwàʼ kə Kəzə̀.

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 13:1

Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

Kə̀fwàʼ 13:36

À fə̀ â Dɛvìd, tɔŋlo enyəa Dɛvìd fə̀ bɔɔm fwaʼ ko fwàʼ u Kəzə̀ ènyə, bùghò kpùw è nduw, ghe n tsəla dzəəŋ tsughu wə̄n ghèe ghê tsele, gwən e wə̄n zə m fìa bùŋ ndùw alo eshìa.

Kə̀fwàʼ 2:47

Ghe ŋ kɔʼso Kə̀zə̀, ghî ghə̀n à dzə̀m n ləghaa ghee. Mughubè ù te m bəghaasəa tsughuu àghì tsuʼu n tsùʼu, baʼso wò aŋ kɔ̀n kə ghee.

Kə̀fwàʼ 22:20

Aŋghəa ghe fə̀ wiī Sìtofɔ̀e wəla ù fə̀ teso dzâa ghəa ghə̀a ghò, mùgho fə̀ ti sugho nû, mùgho m boom fughuu ndùw enyəa ghe wi wə̄n, kwu kele kɔ̀ʼ sùghò ndzʉ tə ghì ghəla ghe mò wiī wə̄n.’

Kə̀fwàʼ 26:10

Kən lò fəgha kə̀là mùgho fə̀ fwaʼ ghè kò an Yɛ̀lusalɛ̀m. Fɔ̀e tə̀ tughu tə m fughuu tsughuu kədaʼa, mùghò ŋ kwuu dzə̀là ghì ghəla ghe boo fughu â Yɛso an ndùghètsāʼ, a m bùghò ghe tsəghàsò tsughu lâŋ kò enyəa wiin ghee, mùghò n tso boo è sugho.

Kə̀fwàʼ 5:18

ghe ŋ kwū kɔʼ tətum, dzə̀n ndùw ghee an ndùghùtsāʼ.

Kə̀fwàʼ 5:20

“Ndǔw tee kɔʼ nlò an Ndughene è Kə̀zə̀, ghɛ̀ buʼ tsughu kəaa nduw shwaʼ u mbì è fùghù zən u dzə̀m â ghì a te gho.”

Kə̀fwàʼ 5:33

A m bùghò ghe zuw tsughu ghəa ghən, ghe n sàʼsò mìasò ndùw èghue enyə, ləghaa alewī ghee.

Kə̀fwàʼ 5:40

A m bùghò ghe daŋso tɔŋɔ̄ nyə wo tum tə te to, ghe n tsɔʼ tsughu ghee alo təkwùu, fughu tsughu ghee â làŋ kò enyəa e kwo ghe e kôom kə̂aa kôʼ èghəa kùu ndùw zən e Yɛso, daŋso zə̀ghàa màʼà tsùghu ghee.

Kə̀fwàʼ 7:38

À lǒ wə̄n ù fə̀ lô aŋ ghì ghəla ghe fə̀ lo aŋ gwə̄n ghèe ghê tselè sɛ̀ àsùghò tsə̀ndə̄ghā zəla è mò kə̂a wo wə̄n â ghəa gho aŋ kwàʼ u Sinàe. Ù n nì wò shwaʼ u Kəzə̀ wəla u doʼò tən alebùghò fughu â sɛ̀.

Kə̀fwàʼ 7:54

A m bùghò ghî a ghî a Kaaŋsì à zəə̄n ko shwaʼ u sìtòfɛ̀ wò, ghe ŋ ŋgɛlɛ ndùw ènyə, pfʉa àsɔŋ enyəa a zəŋò Sìtofɛ̀ an nə̀ghà m pfʉ̌a mò.

Kə̀fwàʼ 7:58

Ghe n sè nùghù sə̀ ndùw wən alo enaʼ, ndùw kàʼ ndùw wən alo atīa a lùʼù təəm wo; ghî ghəla ghè fə̀ tɔ̂ʼ ti aŋ ghəa e te zo ghe n ndoʼò tsɔ̀ʼn kɔʼɔ̂ ndzʉ tə ghee màʼn nǎaŋ ndùw a tsəlà wɛ̂ɛtùghu ù lì ghe mò tɔŋlo enyəa à lò Sôol.

Kə̀fwàʼ 8:14

Ghəa tum tən an Yɛ̀lusalɛ̀m zuw tsughu enyəa Sàmalìa m boo shwaʼ u Kəzə̀ wò, ghe n tùm tsùghù ndùw Pìta ghèe Dzɔ̌n fughu.

Kə̀fwàʼ 8:2

Ghî ghəla ghe fə̀ lo mo ghe n zə zo aŋ ghəa e Kəzə̀ m bòʼò tsə̀la tsughu Sìtofɛ̀, dì tsɔ̌ʼn tsughu enyə.

Kə̀fwàʼ 8:4

Ezə̀ŋ, ghî ghəla ghe mo sɛ̂ɛ nùghù kaāŋ nduw ŋ ŋgəaa ndùw nàʼà tə̀nàʼà, nàʼn ndùw làbəlà è te.

Kə̀fwàʼ 8:5

Felêp n nùghù tsùghù ndùw an naʼ e Sàmalìa, nàʼà làbəlà è Kə̀lestò fughu â ghì a te gho.

Kə̀fwàʼ 9:31

Ghî ghəla ghe mò boō fughu an Dzùdîa, aŋ Galèlîi àsùghò an Sàmalìa ŋ kòom tsə̀ŋo yo, bəgha tiso kɔʼ ughue. Ghəa ghe sô mughu, tsəŋo ndùw ko Mughubè ù te, mo Zuʼ tə̀ Zɔlɔ tə ki sugho ghee aŋ ghù kə̀ dzûŋ kò, kɔ̂n kə ghee kə n nomlo.

Lumà 1:32

Ghəa ghe bûʼ kwo ko enyəa lâŋ Kə̀zə̀ kə dzɛ̂ enyəa ghùw wəla ù ghəəŋ ghəa ghən gho, namso kə wə̄n kə lo evʉ, ghe yia naam ghəə̄ŋ ko ghəa a te gho; fəghaan dzəla nduw sugho esəŋ a zəŋò ghì ghəla ghe ghəəŋ ghəa a te gho.

Fèlepìan 1:12

Waazə̂ ghaŋa gho, Ǹ ləghaa enyəa ghɛ̀ kele tsughu enyəa, fəgha kəla kə sə a zəŋò mùghò ŋ kùum ŋgè yòsò aleghəŋlo enyəa to làbəlà è dzùŋ mò noō ndûuŋ ndûw â sə ko.

Hibùlù 11:27

À fə̀ lo bòʼ Musî fə̀ boo fughu â Zə̀ kò, e fə̀ ghəŋlo ù n tiigh nùghù sə̀ wò an naʼ zə Edzìp, ù ŋ kè ndoʼò tsəŋ nʉgha u kədə̀ŋ u pfʉa wo, ù ŋ ka tsughu ko ezə, tɔŋlo enyəa ù fə̀ naŋa nduw esə a zəŋò ghùw wəla a buw tò a e kôʼ.