Kə̀fwàʼ 7:52 - To kə Kəzə̀ kə̀ Fughu ko

⁵² À fə̀ lo ghùwshʉ̀ghà ù ghɛ̌ wò aŋ ghǐishʉ̀ghà ghê tsùghò fə̀ doʼŋkè fəmso à? Ghe ŋ wiin sùghò ghì ghəla ghe fə̀ naʼn wô bughò e Ghûw ù tsəghatsəgha zo, wəlà ghɛ̀ fêe fughu tsughu êzə̄ŋ, wì màʼà è tsughu:

Kə̀fwàʼ 7:52 Iomraidhean Croise

Matìo 5:12

E saŋlo nlò, ghɛ̀ è nyumlo, tɔŋlo enyəa namso kɛʼɛ kə dûuw nù alo kəwālā. À lò sugho eghala aŋghəa ghe fə̀ ndzaŋso ghiīshʉ̀ghà a Kəzə̀ a sûesʉ gho êzə̀.”

Lûk 6:23

Abugho ghe ghəŋlo êzə̀, ghɛ̀ è tsoʼnlo, buu èfwəŋ aŋ ghue è ghaa zo, bòʼ namso kɛʼɛ kə̀ ne kə lo nû alo kəwālā. Nu ghê tsele a ghê tsele fə̀ ghəəŋ sugho êzə̀ â ghiīshʉ̀ghà a Kəzə̀ ghò.

Dzɔ̌n 16:10

Ù lo dêe sughò â ghee enyəa ghe m bvʉ̀ kòmlò aŋ ghəa zəla e lô tsəghatsəgha, bòʼ enyəa Ǹ ndûuw a vʉ̀a Bə̀ghà; ghɛ̀ lo kòom kòʼò tsə̀ghà yò mugho.

Kə̀fwàʼ 2:23

Ghe ŋ kwù fùghù wò Yɛso wən â ghɛ̀ an dziī zəla Zə̀ kə fə̀ fôʼ naŋā, ghɛ̌ yia mò nî fughu nduw wə̄n aŋ ghu kə ghì à biigh ko, ghe n nì tə̀ghàa wì è kɔʼ.

Kə̀fwàʼ 22:14

Ù n dzɛ̀ tsùghù enyəa, ‘Zə̀ kə ghê tselè sɛ̀ kə̀ ŋ ghù nî enyəa ghù è kwo fəghà kə ləghaa, ghù koʼ Ghûw Tsəghatsəgha ù wə̄n u te, ghù zuw tsughu sugho shwaʼ u wə̄n wo alo edzughu:

Kə̀fwàʼ 3:18

À lò enyəa fəgha kela ghiīshʉ̀ghà a fə̀ naʼnlo enyəa à fə̀ naʼa naŋa Kəzə̀, enyəa Wɛ̀ ù wən ù tsùʼu kê fǎan nù, ù maā lâŋ kə te ko êzəŋ lueso.

Kə̀fwàʼ 3:24

Ghiīshʉ̀ghà à li ghə̀n à dzə̀m ghe fə̀ kə̂aa sughò ghəa gho alenìi tsughu an Sǎmwɛ̀l ndùw â sə ko, ghe fə̀ bɔɔm bugho kəaa ko ghəa ghəla a nîi bala ko an tì kən.

Kə̀fwàʼ 4:10

ghɛ̀ ghən à dzə̀m, ghɛ̀ à ghê ghì ghə Ezə̀lɛ̂ ghò a dzə̀m kele tsughu enyəa, tò ghùw wən e ti fɛ â ghue ù tughu wo, à lò an zən Yɛso Kə̀lestò, ghùw ù Nazalɛ̀t wəla ghɛ̌ fə̀ təghaa kɔʼ alo kədàŋlo, wəla Zə̀ kə mò zôom nughùu kɔʼ wə̄n alo evʉ̄.

1 Tɛ̀sàlonìan 2:15

Ghɛ̀ kwo nû enyəa à fə̀ lo Tə̀dzûu tə fə̀ wi maʼa Mughu ù te, Yɛso, wiin màʼà sùghò ghì a ushʉghà a Kə̀ zə̀ à li gho, fəmso kaaŋ sùghò ghàʼ. Ghe fə̀ ghəəŋ ghəa ghə̀là Zə̀ kə̀ ləghaa dzə̂ yo, ŋaŋà ndùw àghì a dzə̀m.

2 Timotì 3:4

Ghe ke e feēn fughuu kaaŋ ghî ghò, ghe ke e vuūŋ ghəəŋ kaaŋ ghəa gho, ghe e kwo enyəa à bɔ̀ɔm mìaa ko ghee, ghe ke e ləghaa yo Zə̀ kò, kuuwn lâam ləghâ ghəa ghəla ghe zuūw laan zo a te.

1 Pità 1:11

Ghe n də̀m tsughu alemòʼn kele səā kɔʼ nəgha e te zo àsùghò dzì zəla ghəa a te a lo səā a te. Zən fə̀ lo nəgha zəla Zuʼ tə Kə̀lestò təla tə lo a zəŋò ghee fə̀ dêe naāŋ nduw ghee â ghəa ghəla Kə̀lestò lo ki alefala a te àsùghò səghanyəgha məka ù kè lo a te.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

Edêe Fughu 19:10

Mùghò n daŋso tə̀m ndùw tə̀ŋguʼ a tsəlà wə̄n enyəa M̀ fughuu ndûw wən à kɔʼso mò, zə̀ m fwə̀n dzɛ̀ wò â mùghò enyəa, “Ghù kì dzə yo aleghəəŋ ghəa ghən gho! Ghàʼ à ghù dzeŋe lò ŋkɔ̂ɔ àsùghò waazə̂ ghəla boō fughu aŋghəa è səŋò zəla Yɛso mò dê tsughu. E kɔʼso nduw Zə̀ kò!” À lò səŋò zəla Yɛso mò dê tsughu e ghəŋlo enyəa ghiīshʉ̀ghà ghə̀ e dzâ ghəa gho.

Edêe Fughu 3:7

Yɛso n dzɛ̀ wò â mùgho enyəa, “Tɔm ndùw â tsə̀ndə̄ghā è â dzeŋe kə ghì a Kəzə̀ ghò è zə̂ am Fìlàdɛfìa enyəa, ‘Ghùw wəla u zɔlɔ̄, kə̀a sùghò êsəŋò, vʉ̀a ù ki tsʉ kə Dɛvìd kò, ù dzɛ̀ enyəa, abugho ù dzʉ̀a fê sə wo ndughu, ghùw n yo aletsʉ̄, abugho tsʉ naŋa tsughu ndughu, ghùw n yo alefè.