Kə̀fwàʼ 6:9 - To kə Kəzə̀ kə̀ Fughu ko

⁹ Ghî à li gho ghe mò lô ghî ghò aŋ ghì a Sàŋ è tə̀ Fə̀lɛ̂dmɛ̂n (aŋ ghəa ghe mò tɔŋlo a te), n daŋso nùghù těe è kɔʼ, kàʼ nyə̀ ndùw fom tə̀ baaŋ to ghèeghê Sìtofɛ̀. Ghən mò lo aghî ghe sə wo an Sìlɛ̂n, àsùghò an Alɛ̀ʼzandà, an Sìlesìa asùghò an Ɛshìa.

Kə̀fwàʼ 6:9 Iomraidhean Croise

Matìo 10:17

E ghoōm tsughu nlò, tɔŋlo enyəa ghî à lo nû ghe kê nîi ndûw tsəghà ghɛ̀ alo tə̀kaŋsì, ghe e tsɔʼɔ sa ghɛʼɛ gho an Ndughutə̀ne tə Tə̀dzûu to,

Matìo 23:34

Ǹ so Ǹ dzàa wô â ghɛ̀ enyəa yìa Ǹ tuū wô ghɛ â ghǐishʉ̀ghà ghò, ghê wàndɔŋ, à ghê Dèekə̀làŋ; ghɛ̀ è ke təghaan winlo à li gho, tsɔʼɔ à li gho alo təkwùu an Ndughutə̀ne tə Tə̀dzûu tò, dzùu kàŋlo à li gho naʼà tə̀nàʼà.

Matìo 27:32

Ghəa ghe nî kɔʼ Yɛso nùghùun ndùw â ŋgwəlā gho, ghe m kpeen ndùw, ghèe ghê ghùw ù Sìlɛ̂n ù lì an dziī ghe mò tɔŋlo enyəa à lò Sǎemòn, ŋgaam kwu tsughu wə̄n alo esə̀ŋ enyəa ù bòʼò dǎaŋ kə Yɛso.

Mâk 13:9

Yia a bughò ghɛ, tiso kɔʼ nlò tuw ko edzūŋ; ghe lo kwuū fughuu ndûw ghɛ aŋ kaŋsì, ghe tsɔʼ sa ghɛʼɛ an ndughutə̀ne to; ghɛ̀ lo sə tee an sə kə udwə̀ŋ à ghê gɔvə̀nò bòʼ mùghò, zən kè lǒ dzì alenàʼà tsə̀ndə̄ghā è Kə̀zə̀ â ghee.

Lûk 21:12

To ghəa ghən e kuūwn bughò nî kə̀bəla, à kè lǒ mo ghe ŋ ghɛ̀ bûʼ fəmso; ghe e kwuun ghɛ, sèe ndùw an ndughutə̀ne to, kwuun dzə̀là ghɛ̀ an ndughutətsāʼ, sèe ndùw ghɛ̀ a vʉ̀a dwə̀ŋ wò àsùghò a vʉ̀a ghê gɔvə̀nò enyəa so à lò ghəa zāŋā.

Kə̀fwàʼ 11:20

Ghî a Saepə̀lùs à li gho àsùghò a Sìlêen ghò, ghəla ghe boō fughu â Kə̀lestò, ghe ŋ ŋgəəŋ lò sugho am bvʉa e ghì yì an Antìok, ghe ŋ kə̂aa ndùw ghəa a Mughùbè Yɛso â Tòʼò zò.

Kə̀fwàʼ 13:1

Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

Kə̀fwàʼ 13:45

A m bùghò Dzûu tə̀ fwə̂n kôʼ tsughu nɔ̂e wo aghì wò, ghe ŋ kàʼ ndùw alemʉnlo; alesùwnlò, alesùwnlò, ghe ŋ waʼn màʼà kɔ̀ʼ ghəa yia Pôl mò kəaa.

Kə̀fwàʼ 15:23

à mwàʼsò kò kə dzâa tsughuu enyəa, “Ghàʼ tə̀ tum, à tsoʼ to, waazə̂ ghɛʼɛ, ghàʼ tum tɔ̄ɔŋ wò waazə̂ ghaʼa a dzə̀m ghəla ghe dzə tsughu tò Etoʼò; ghəla ghe mughu an Antìok, an Sylìa, àsùghò an Cilisìa.

Kə̀fwàʼ 15:41

Pôl n tsə̀ghà nyə̀ ndùw dzì an Sylìa àsùghò an Sìlishìa, dzə̀là ndùw ghì a Kə̀lestò â sə̀ŋ zò.

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Kə̀fwàʼ 18:24

Ghùw ù Dzûu li n lo zən e mò lo Àpolòs, mò sə̀ an naʼ e Àlɛ̀kszandà, ù n ndùw bùghò an Ɛfɛ̄sùs. À n lo mò lo dzɔ̀ɔdzə̀, ù m biso kwo sugho mwàʼsò kə Kəzə̀.

Kə̀fwàʼ 19:10

Ghəa ghən n nì kə̀bala alo tənùu tə bə̀ghà, ghî ghə̀n à dzə̀m ghe mughu an Ɛshìa, Tə̀dzûu ghèe ghê ghì Gə̀lês ghò, ghe n zuw tsughu shwaʼ u Mughu ù te enyə.

Kə̀fwàʼ 19:26

Ghɛ̀ koʼò nù, ghɛ̌ yəa zuuw sughò enyəa à kà yò ko fɛ an Ɛfɛ̄sùs Pôl wən lo mo ù n nɔɔm nùghù ndə̀m è àghì, à lò an mbuʼ Ɛshìa e dzə̀m, enyəa so zʉ̀ wəla a bɔɔ̄ tsughuu aŋ ghu yo dzə̂ uzʉ̀.

Kə̀fwàʼ 21:27

A m bùghò tsùʼù mən sə̀ghàmbəgha mîan mɛʼn kəə̄ŋ wo, Dzûu təla tə mo lô tə Ɛshìa tò, ghəa ghe kôʼ tsughu Pôl am Ndughu è Kə̀zə̀ è ne, ghe n tsùʼ sòʼ kɔ̀ʼ aghî, ghe ŋ kwu kɔʼ wə̄n.

Kə̀fwàʼ 21:39

Pôl m fwə̀n dzɛ̀ â wən enyəa, “Ǹ lo ghùw Dzûu, ghe dzə an Talsùs am mbùʼ è Sìlishìa, Ŋ̀ sə an nàʼ è ne zo. Kee â ghù, M̀ buʼu kə̀ghu, na tò ŋ kə̂aa ndûw àghəa â ghì ghən.”

Kə̀fwàʼ 22:19

Mùghò m bɛlɛ̀ tsùghù enyəa, ‘Mughùbè, ghuūghùe e ghee e kwo nû enyəa mùgho mò kwuu kaaŋ wo ghî ghəla ghe boō fughu â ghù an ndùghutə̀ne tə Tə̀dzûu tò tə dzə̀m, buu, kùu nǎaŋ tsughuu alo tətsāʼ.

Kə̀fwàʼ 22:3

“Ǹ lo ghùw ù Dzûu, ghe dzə tsughu aŋ naʼ e Talsùs am mbùʼ è Sìlishìa, yìa Ŋ̀ kuūwn noō fɛ̄ alo enaʼ a tsəlà Gàmalìɛl, ghe yia zoʼn kɔʼ wô mugho an tɔ̀ʼ kə umwam kə làŋ kə ghê tselè sɛ̀. Mùghò n tso ki sugho eghɛ̂ aŋ ghəa e Kəzə̀ tò ghɛ̀ a dzə̀m lò nɛ.

Kə̀fwàʼ 23:34

A m bùghò ù tɔɔ̄ŋ kɔʼ mwàʼsò kə te ko, ù m bvʉ â Pôl enyəa ghù sə̀ am mbùʼ è ghɛ̌ zò. A m bùghò ù zuw tsughu enyəa Pôl sə̀ an Sìlishìa,

Kə̀fwàʼ 24:18

Ghəa Ŋ̀ ghəə̄ŋ ghəa ghən, ghe ŋ kòʼ tsùghù mùgho am ndughèkə̀zə̀ e ne an Yɛlusalɛ̀m, mò n zɔlɔ nù, mò n yo dzə saʼ kə aghì kò, ndəm kə̀ n kè səa sughò. Dzûu tə̀ li to sə wo an Ɛshìa —

Kə̀fwàʼ 26:11

Mùghò m fɔeso tsughu ghee enyə an ndughu tə̀ ne tə̀n tə̀ dzə̀m, Ǹ dəmà aleghəə̄ŋ tsughu ghee enyəa ghe tuū maʼà tsughu boo zəla ghe ki. Nʉghà wə̀ ŋ ŋgee pfʉa mùghò a zəŋò ghee, mùghò m buʼù nyə̌a kaaŋ ndùw nàʼà tə tətùu Ǹ ndzaŋsō kaāŋ ndûw ko ghee.”

Kə̀fwàʼ 6:10

Ghe ŋ kuūwn ghà kè alebàan ghèe ghê Sìto an tɔ àsùghò an daʼa kə Zùʼ tə̀ Zɔlɔ kəla ù mò kə̂aa ghəa gho a te.

1 Kòlentìan 1:20

Ghùw ù te wəla ù mòʼò enyəa e tɔɔ nù, ù wɛ̀ɛ à? Ghùw wəla ù dzɛ̀ enyəa e kwo kəmwàʼsò, ù wɛ̀ɛ à? Ghùw wəla ù mòʼò enyəa e ŋge kwo alesughu kətuw alo eghəa, u wɛ̀ɛ à? Zə kə kâ mgbaŋ naŋa enyəa tɔ e mbī zə e lo elâʼsò à?

Gàlashìan 1:21

Mùghò n daŋso nùghù ndùw am mbùʼ è Silìa àsùghò è Sìsilìa.