Kə̀fwàʼ 6:7 - To kə Kəzə̀ kə̀ Fughu ko

⁷ Shwaʼ u Kəzə̀ wə̀ n ndûuw ndûuŋ ko â sə ko; kɔ̂n kə aghì kəla ghe mò boō fughu tsughu, kə m biso dùw tsùghù ènyə an Yɛ̀lusalɛ̀m, ndə̀mà tə tə̀fɔ̀e tə̀ m boo tsughu aŋ Kə̀lestò.

Kə̀fwàʼ 6:7 Iomraidhean Croise

Matìo 19:30

Ndə̀m zəla è kuūwn lô sə ko êzə̄ŋ, ghe kê lò tsəgha kəbam, ghəla ghe lô bam ko êzəŋ, ghe kê kǔuwn lò kəsə.”

Lûk 2:34

Simìon n daŋso gɔ̀ɔŋ tsughu an tuw u ghee, dzɛ̀ â zə̀awɛ̀ enyəa, “Kòʼô, wɛ vʉ̀a ghɛ̀ koʼō fì, Zə̀ kə̌ wə̄n tum wò alebvʉ̀sò maʼà ndə̀m è aghì àsùghò alekɔʼso naŋa à li gho fɛ an naʼ zə Ezə̀lɛ̂. Ù kè lǒ tsə̌a Zə̀ kə̀ tum wo, ndə̀m è àghì kè tsɔ̂mlò,

Dzɔ̌n 12:42

Ghî à ne a Tə̀dzûu ghə̀ m boo fùghù ndùw â wə̄n, ghe n sô kǔuwn tsəŋo aledzàa səā wô an ndɛ enyəa ghî a Falàsîi à lô dzûu səā ghee an Ndùghène è Tə̀dzûu.

Kə̀fwàʼ 12:24

Shwaʼ u Kəzə̀ wə̀ ŋ kuuwn nùghù ndùuŋ ndùw ko alenduūw â sə ko, noom dùuw ndùw ko â sə ko.

Kə̀fwàʼ 13:8

Ghùw ù ghə̀a à fəən vʉ̀, ghe mò tɔɔ̄ŋ sughò enyəa à lǒ Ɛ̀laemàs an shwaʼ u Gə̀lês, ŋ kuuwn komso ndùw ghee, də̀mà ko enyəa e təghàsò maʼà to gɔvə̀nò lò naāŋ wô tuūŋ ko an Làbəlà è Dzùŋ zə̀ ù lò boōm fughuu wo a te.

Kə̀fwàʼ 14:22

Ghe n dzəlà ndùw tsə̀təndə̄ghā tə ghee â sə̀ŋ zò, toon ndùw ghee enyəa ghe e ti ko am fə̂ŋ zəla ghe gaʼ tsughu aŋ Kə̀lestò. Ghe n dzâa ndùw sùghò â ghee enyəa, “A ki ko alenyə am Fɔ̀e u Kəzə̀ mo an tèlè fàla tsughu dzə̀.”

Kə̀fwàʼ 19:20

Êzə ko, êzə ko, shwaʼ u Mughu ù te wə n noom kɔʼɔ mìan ndùw; kele ndùw àghaŋ am bvʉa e aghì.

Kə̀fwàʼ 2:47

Ghe ŋ kɔʼso Kə̀zə̀, ghî ghə̀n à dzə̀m n ləghaa ghee. Mughubè ù te m bəghaasəa tsughuu àghì tsuʼu n tsùʼu, baʼso wò aŋ kɔ̀n kə ghee.

Kə̀fwàʼ 21:20

Ghəa ghe zuw tsughu ghəa a te gho, ghe m fughu ukɛɛ â Mughu ù te, dzɛ̀ â Pôl enyəa, “Ŋ wàazə̀ Pôl, kǒʼ ndə̀mà tə təkām tə ghì a Dzùdîa təla tə boo tsughuu, àsùghò aŋghəa dzaŋadzaŋ tə kɔʼn ghee alo kəlàŋ a.

Kə̀fwàʼ 6:1

Ghəa kɔ̂n kə tsə̀təndə̄ghā tə Yɛso kə̀ dûuw wo, Dzûu təla tə mò kə̂aa shwaʼ u Gə̀lêk wò n tàm ndùw Tə̀dzûu təla ghe mò kə̂aa shwaʼ u Hebə̀lù wò an shwaʼ bòʼ ghe mò baā ukpiī am fʉ̀ghàzəa wəla ghe mò dzughùu fughuu tsəgha â yiikpūw gho alo fətsūʼ.

Lumà 1:5

À lò am bàm e wə̄n Zə̀ kə̀ mò dê mughò â dzɔ̀ e wə̄n zo, nì kɔ̀ʼ mugho an tum e wə̄n aŋ ghəa e Kə̀lestò, aleghəŋlo enyəa aghî an nàʼa ten tə dzə̀m, am mbī mô boo fughuu ndûw â Kə̀lestò, ghe e zuuw sugho â wə̄n.

Lumà 16:26

Yia a bughò êzəŋ, tò aŋghəa ghiīshʉ̀ghà a fə̀ a dzɛ̂ zîi naŋa, asùghò aŋghəa Zə kəla kə doʼò tən dzɛ̀ tsughu enyəa, shwaʼ wən lo â Naʼà tə mbī to tə dzə̀m, enyəa abugho ghe zuw shwaʼ u te wo, ghe e lo aleboō fughu â Kə̀lestò, ghe e zuuw nduw â wə̄n.

Gàlashìan 1:23

Ghe ŋ kuuwn zuuw ko ghəa à kəaa gho enyəa, “Ghùw wəla ù fə̀ ndzaŋsō tsəghà ghaʼ, à èzəŋ e lo wə̄n ù bwìi naʼn kaāŋ wo làbəlà è dzùŋ zəla ù fə̀ bûʼ də̂m kê dzə alewiī maʼà.”

Gàlashìan 6:10

Aŋghəa e lo êzə̀, e fi lo enyəa sɛ̀ ki aleghəŋlo èdzɔ̀ â ghì ghò a dzə̀m, a ka dɔ̂ɔm tāŋ abugho à tso lo ghî ghəla ghe boō fughu â Zə̀ kò tǒ sɛ̀.

Kòloshìan 1:6

Zən lǒ làbəlà zəla è fə̀ bùgho â ghɛ tò aŋghəa ghe bwîi naʼn ŋgəa kaāŋ nduw sugho a te am mbī e dzə̀m; làbəlà è te zə̀a è noōm dûuw nduw, dzəa ndùuŋ ndùw ùghue am bvʉa zɛʼɛ̄, alekaʼa nughù wô an tsuʼ fəla ghɛ̀ mò bugho zuwkɛlɛ̄ tsughu fəgha kəla Dzɔ̂ e Kəzə̀ e biso moʼo ghè kò.

2 Tɛ̀sàlonìan 1:8

Abugho ù kè səā tsughu wo ghèe ghè tsə̀təndə̄ghā tə Kəzə̀ tə wə̄n to èzə̀ à wə̀n ù bəghaan wo, ù kê dî tə̀ŋgàmà a zəŋò ghì ghəla ghe kwo yo Zə̀ kò àsùghò a zəŋò ghì ghəla ghe bwîi yo aŋghəa Làbəlà è Mughùbè ù sɛ̀ Yɛso děe.

2 Timotì 2:9

M̀ fɛ enyə fanlo bòʼ naʼn kaāŋ làbəlà è dzùŋ zən, ghe ndôʼ kûm nàŋa mugho alo tsāʼ tǒ ghùw ù tsɔ̀ŋɔ ù bǐigh ù lì. Ghe kuuwn yò dzə̂ alekwuū kûu naŋâ shwaʼ u Kəzə̀ a lo tətsāʼ.

Hibùlù 11:8

À fə̀ lo bòʼ Abə̀làhâm fə̀ boo fughu tsughu â Zə̀ kò e fə̀ ghəŋlo enyəa ù zuw dzə̀ e Kə̀zə̀ aŋghəa Zə̀ kə̀ fə̀ tɔŋɔ wə̄n enyəa ù ndùw an lùʼù kəla ù fə̀ ki alendùw zə. Ù n sə̀ nùghù ndùw a fughu mò ù kwò yo luʼu kəla ù mò nduūw a fughu.

Hibùlù 5:9

A m bùghò ù bùghò doʼò kɔʼ fəgha kəla ù mò ki alelo ghè kò, Zə̀ kə ŋ ghəə̄ŋ tsughu enyəa ghî ghəla ghe boō fughu a wə̄n e lo alezə tuw kəla kə doʼò tən.

Dzûd 1:20

Waazə̂ ghaŋa ghəla Ŋ̀ ŋgeē ləghaa, ghɛ̀ è kuuwn dəma təla tsughu ko alenoo am boo zɛʼɛ zəla e lô fəgha kə̀ baa ko â ghɛ̀. Ghɛ̀ è gɔŋlo an daʼa kəla Zuʼ tə̀ Zɔlɔ tə fughu â ghɛ̀.

Dzûd 1:3

Fən a fə̂ŋ ghaŋa à dzûŋ gho, mùgho mò kuuwn ki nû moʼn zò aletɔɔ̄ wô ghɛ̀ â mwàʼsò kò kùu ndùw aŋghəa Zə̀ kə̀ lo dzeŋe bəghaasəa sɛ̀ a dzə̀m a te, yìa Ŋ̀ kôom kôʼ tsughu enyəa, Ŋ̀ ki nû alebuʼu wô kə̀ghu â ghɛ̀ enyəa ghɛ̀ tɔʼ tee tsughu am boo zəla ghe fə̀ ki fughu naŋā to â ghî a Kəzə̀ à zɔlɔ gho a dzə̀m, fughu tən ko êsəŋò.