Kə̀fwàʼ 6:5 - To kə Kəzə̀ kə̀ Fughu ko

⁵ Fə̂ŋ tə ghee yìa à dzə̀m tə̀ n zɔ̀n ndùw ènyə am fəgha kəla ghe dzɛ̂ tsughu; ghe n tsɔʼ kɔʼ Sìtəfɛ̀, ghùw mò ù bǒo fùghù bùʼ nù, ki sugho Zuʼ tə̀ Zɔlɔ to, ghèe Felêp, àsùghò Pə̀lokolùs, àsùghò Nìkanò, àsùghò Timòn, àsùghò Palmɛ̄nàs àsùghò Nikɔ̀lɔ̂s tɔɔŋ ghùw ù Antìok ù fə̀n doʼò wô Dzûu.

Kə̀fwàʼ 6:5 Iomraidhean Croise

Matìo 23:15

Ghɛ̀ ghê Dèekə̀làŋ, ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! Nu ghɛ̀ daŋà tsùghuu tə̀dzùghù, ghɛ̀ m bwìi tsughu təbəghaa alendùw kuūwn kɔʼɔ̄ ko ghùw u mɔ̀ʼ. Ghùw ù te mo e kuuwn kɔʼɔ nù, ghɛ̀ ŋ kòom ghə̌əŋ tsughu wə̄n ù m fən tsùghù fəgha kə lo ndûw pfʉa wə̀n u tsə̀ fə̀ baŋā fo tsə̀ghàtàʼà sə ghɛ̀ alo tənə̀gha tə bə̀ghà.

Kə̀fwàʼ 11:19

Ghî ghəla ghe fə̀ tiīn sɛ̂ɛ tsughu bòʼ aŋghəa ghe fə̀ fɔeso tsughu Sìtofɛ̀ a te, ghe m bwìi ènyə lɔʼso ndùw sə̀ mìasò ndùw am Fɔ̀enishìa, àsùghò an Saepə̀lùs, àsùghò an Antìok, kòom kə̀aa yò shwaʼ u te wo â ghùw ù lì, kə̀aa tə̀la ko â Dzûu tò.

Kə̀fwàʼ 11:20

Ghî a Saepə̀lùs à li gho àsùghò a Sìlêen ghò, ghəla ghe boō fughu â Kə̀lestò, ghe ŋ ŋgəəŋ lò sugho am bvʉa e ghì yì an Antìok, ghe ŋ kə̂aa ndùw ghəa a Mughùbè Yɛso â Tòʼò zò.

Kə̀fwàʼ 11:22

Ghî a Kə̀lestò ghən an Yɛ̀lusalɛ̀m n zuw làbəlà zən, tùm ndùw Bànabàs an Antìok.

Kə̀fwàʼ 11:24

tɔŋlo enyəa ù fə̀ lo ghùw ù dzùŋ mò à wən ki tən ko Zuʼ tə̀ Zɔlɔ, tughuu sùghò am fə̂ŋ zəla ù gaʼ tsughu aŋ Kə̀lestò. Ghe m fəghaan nì kpèʼe wò ndə̀mà tə aghì a vʉ̀a Mughu ù te.

Kə̀fwàʼ 11:26

A m bùghò ù ndòʼ kôʼ tsughu sugho wə̄n, ù n nì wò wən an naʼ e Antìok. Zə m bughò dòʼò tsùghù nû enyəa nûm kə te ko kə dzə̀m ghe n ndûw dòʼn zěe tsə̀ghà ko ghèe ghê ghì a Kə̀lestò ghò, zoʼn tsughu ndə̀màndə̀mà tə aghì ènyə. À n lo sugho fɛ an naʼ e Antìok ghe fə̀ zeʼē tɔŋɔ̄ tsughu ghî ghəla ghe boō fughu â Zə̀ kò enyəa à lò Ghî a Kə̀lestò.

Kə̀fwàʼ 11:27

An tì kə te ko ghiīshʉ̀ghà a Kəzə̀ à li ghə n nùghù tsùghù an Yɛ̀lusalɛ̀m tsùghù wò an Antìok.

Kə̀fwàʼ 13:1

Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

Kə̀fwàʼ 15:22

Tum tì ghèe ghê tsoʼ to àsùghò ghì ghəla ghe boō tsughu ŋ kòʼ tsùghù enyəa e dzɔ̂ɔ nù enyəa to ghe mô dzə̂a kɔʼ aghî am bvʉa e ghee ghe tuū ndûw an Antìok ghèe ghê Pôl à Bànabàs. Ghe n tsɔ̀ʼ sə̀ wò ghì ghəla ghe mò lɛɛ̄n ghî ghò am bvʉa e waakə̀lestò e te zo a bə̀ghà. Ghe n nì sə̀ wò Dzudàs wəla ghe fə̀ tɔŋlo enyəa Bàsabàs àsùghò Silàs, tùm è nduw,

Kə̀fwàʼ 2:4

Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

Kə̀fwàʼ 21:8

33 Tsuʼ ù li vʉ̀, ghàʼ ghəla a mò bwîi dzəə̄ŋ wo ghàʼ à ghê Pôl n zə̀ghàa è tsughu, bùghò aŋ Kàesalìa, bùghò nyə̀ ndùw an ndughu alô Felêp wəla ù fə̀ lo èfɔ̀ɔŋgèle, ghùw aŋ ghì ghən sə̀ghàmbəgha ghe mò tsɔʼ kɔʼ an Yɛ̀lusalɛ̀m aleyosō wo, ghàʼ ndùw dòʼò ndùw ghàʼ à ghee.

Kə̀fwàʼ 22:20

Aŋghəa ghe fə̀ wiī Sìtofɔ̀e wəla ù fə̀ teso dzâa ghəa ghə̀a ghò, mùgho fə̀ ti sugho nû, mùgho m boom fughuu ndùw enyəa ghe wi wə̄n, kwu kele kɔ̀ʼ sùghò ndzʉ tə ghì ghəla ghe mò wiī wə̄n.’

Kə̀fwàʼ 6:10

Ghe ŋ kuūwn ghà kè alebàan ghèe ghê Sìto an tɔ àsùghò an daʼa kə Zùʼ tə̀ Zɔlɔ kəla ù mò kə̂aa ghəa gho a te.

Kə̀fwàʼ 6:3

Waazə̂ ghaŋa gho, ghɛ̀ tsɔʼ sə wò nlò ghî ghǒ sə̀ghàmbəgha am bvʉa zɛʼɛ, ghî ghəla ghɛ̀ kwo enyəa ghe tɔ̂ʼ tì nû, tɔ̀ʼɔ̀ tɔ̌ɔ sùghò, ki sugho Zuʼ tə Kəzə̀, a lô alenaŋā tsughu ghee am fwàʼ kən,

Kə̀fwàʼ 6:8

Sìtofɛ̀ mò lo ghùw mò ù kì bughuso e Kəzə̀ a zəŋò wə̄n ndə̀m, ki kədaʼa kə ŋ ghəŋlo è tsughu ù n dè sə̀so tsughu nsəghàa ènyə â ghì yì.

Kə̀fwàʼ 7:1

Tuw kə fɔ̀e kə̌ fi daŋso nùghù bvʉ̀ ndùw nù â Sìtofɛ̀ enyəa, “Ghəa ghəla ghe kə̂aa ènyə kùu ndùw ghù à lò to esəŋò à?”

Edêe Fughu 2:15

Ghɛ̀ bɔɔm ki sugho ghî a li êzə̀ ghe zuūw ndûw tsʉ̂ e ghì a Nìkòlùs zò.

Edêe Fughu 2:6

Ghɛ̀ naam kuuwn ki nû ghəa è dzûŋ e li zo ghɛ̀ ghəŋlo, ghɛ̀ bâa ghəa ghəla ghî ghəla ghe boō fughu â Nikòlus ghəŋlo tò aŋghəa M̀ bâa sugho.