Kə̀fwàʼ 6:3 - To kə Kəzə̀ kə̀ Fughu ko

³ Waazə̂ ghaŋa gho, ghɛ̀ tsɔʼ sə wò nlò ghî ghǒ sə̀ghàmbəgha am bvʉa zɛʼɛ, ghî ghəla ghɛ̀ kwo enyəa ghe tɔ̂ʼ tì nû, tɔ̀ʼɔ̀ tɔ̌ɔ sùghò, ki sugho Zuʼ tə Kəzə̀, a lô alenaŋā tsughu ghee am fwàʼ kən,

Kə̀fwàʼ 6:3 Iomraidhean Croise

Matìo 23:8

Ghe ki yo alekuūwn tɔŋɔ ghùw wɛʼɛ enyəa à lǒ wàdè, tɔŋlo enyəa ghɛ̀ ki ko wàdè u mɔ̀ʼ, ghɛ̀ a dzə̀m yia kuūwn lô waazə̂ ghò.

Dzɔ̌n 21:23

Zwɔ̂ŋ wə̀ m fùŋ mìasò ndùw aŋ ghùe e ghee enyəa, Tsə̀ndə̄ghā zən lo kpuuw yo; dèe êzə̀ mò Yɛso ka fə dzɛ̂ dzə̀ â Pità enyəa, tsə̀ndə̄ghā e te lo kpuw yo. Ù fə̀ laam dzɛ enyəa, “Abugho Ǹ ləghaa enyəa ù dòʼòdoʼò, tò Ǹ lo telè bughò èbàm, à ghù a te fəmsô kə̀ kwò?”

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 1:21

À fi lo enyəa ghùw u mɔ̀ʼ aŋ ghì ghəla ghe mò təə̄m kaāŋ wo sɛ̀ an nə̀ghà zən e dzə̀m Mughùbè Yɛso mò tsəghànlo am bvʉ̄a e sɛ̀,

Kə̀fwàʼ 10:22

Ghe m bɛ̀lɛ̀ tsùghù enyəa, “Komndzughu ù tə̀ sùghugòʼ Kɔ̀nelìus tùw wò ghàʼ, u lǒ ghùw ù dzùŋ, vʉ̀a ù boō fughu sugho â Zə̀ kò, Dzûu tia tə fughuu sugho wə̄n â kɔʼso mò. Tsə̀ndə̄ghā è Kə̀zə̀ mò teso tsughu â wən enyəa ù tuū tɔŋɔ wô ghù enyəa ghù bugho alô wə̄n, e zuw ghəa ghə̀là ghù ki alekə̀a.”

Kə̀fwàʼ 15:23

à mwàʼsò kò kə dzâa tsughuu enyəa, “Ghàʼ tə̀ tum, à tsoʼ to, waazə̂ ghɛʼɛ, ghàʼ tum tɔ̄ɔŋ wò waazə̂ ghaʼa a dzə̀m ghəla ghe dzə tsughu tò Etoʼò; ghəla ghe mughu an Antìok, an Sylìa, àsùghò an Cilisìa.

Kə̀fwàʼ 16:2

Zwɔ̂ŋ u wən wə m fuŋu aŋ ghəa à dzûŋ ghò am bvʉa e ghì ghəla ghe boō fughu â Kə̀lestò fughu an Lystla àsùghò Ekonìum.

Kə̀fwàʼ 2:4

Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

Kə̀fwàʼ 22:12

Ghùw ù lì n lo a fughu alo enaʼ ghe mò tɔŋlo enyəa à lǒ Ànànîas, ghùw ù Kəzə̀ ù lì ù bɔɔ̄m bwîi tsəghà ko alo kəlàŋ, mo Dzûu təla tə mughu fughu ŋgee tsə̄ŋō sùghò wə̄n.

Kə̀fwàʼ 28:14

A m bùghò kòʼ wò waazə̂ ghaʼa à li gho fughu èzə̀, ghe mo enyəa ghàʼ mughùu tsughu ghàʼ à ghee n tsuʼu sə̀ghàmbəgha. A fi bughò nyə̀ wò nù an Lumà.

Kə̀fwàʼ 6:2

Tum tì èghəm à ghè tò tə bə̀ghà n tɔŋɔ naŋa tsughu ghî ghə̀n à dzə̀m ghe mò lo mo ghe m boo fughu â Kə̀lestò, dzɛ̀ â ghee enyəa, “À yò dzə̂ ghəa è dzûŋ zò alebàʼà naŋā kɔʼ alekə̀aa shwaʼ u Kəzə̀, a kôom nughù təŋò doʼò ndûw aŋ ghəa fʉ̀ghàzəa.

Kə̀fwàʼ 6:5

Fə̂ŋ tə ghee yìa à dzə̀m tə̀ n zɔ̀n ndùw ènyə am fəgha kəla ghe dzɛ̂ tsughu; ghe n tsɔʼ kɔʼ Sìtəfɛ̀, ghùw mò ù bǒo fùghù bùʼ nù, ki sugho Zuʼ tə̀ Zɔlɔ to, ghèe Felêp, àsùghò Pə̀lokolùs, àsùghò Nìkanò, àsùghò Timòn, àsùghò Palmɛ̄nàs àsùghò Nikɔ̀lɔ̂s tɔɔŋ ghùw ù Antìok ù fə̀n doʼò wô Dzûu.

Kə̀fwàʼ 6:6

Ghe n nì tìso naŋa sə̀ wò ghì ghən an sə kə tum tì, tum ti tə ŋ gaʼ n naŋa ndùw àghu a zəŋò ghee, gɔ̀ŋlò è tsughu.

Kə̀fwàʼ 9:30

A m bùghò ghî ghəla ghe boō fughu â Yɛso kele tsughu ghəa yi gho, ghe n nì nùghùu tsùghù wò wə̄n aŋ Kàesalìa, bùghò tə̀ma zə̀ghàa wò wə̄n enyəa ù nùghù ndûw an Tasùs.

1 Kòlentìan 12:8

Zuʼ tə̀ Zɔlɔ tia tə ghəŋlo ghùw ù lì kə̂aa shwaʼ wəla ù ki tɔ wo, â ghùw Zuʼ tə̀ Zɔlɔ tə̀ mɔʼɔ̄ tə te tə m fughu wə̄n tɔ wo alezuuwkɛlɛ ghəa gho.

1 Kòlentìan 16:3

Abugho Ǹ lo nyə wo, ghî ghəlà ghɛ̀ lo shîaa kɔʼɔ̄, Ǹ lo tɔɔ̄ tsughu mwàʼsò kə̀ dzûŋ kò an tuw u ghee, Ŋ̀ kê tuū ndûw ghee â mwàʼsò kə te ko àsùghò fʉgha vʉa ghɛ̀ zûuŋ tsughu â ghì a Kəzə̀ ghò an naʼ e Dzɛ̀lusālɛ̀m.

Efɛsùs 5:18

Ka nlò è mʉa kala sugho lʉ̀ mò, tɔŋlo enyəa lʉ̀ ŋ ghəəŋ nù ghùw ŋ ghə̂əŋ ghəa à kwu gho. E zəghaan tsughu nlò Zuʼ tə̀ Zɔlɔ to tə n dêe ndùw ghɛ̀ â dzì.

1 Timotì 5:10

Mo ghe ŋge kwo sugho wə̄n am fwàʼ kə wə̄n kə̀ dzûŋ kò, tò alenìi səā kɔʼɔ̄ wô wɛ a wə̄n, àsùghò aledè mwam ù dzûŋ wò â ghì ghəla ghe bwîin nyə wo alô wə̄n. Mò ù fwàʼà sùghò fwàʼ kə̀ dzûŋ kò a zəŋò ghì a Kəzə̀ ghò; fughuu sùghò èyòsò â ghì ghəla ghe lo an utsù.

Dzɛ̂ms 1:17

Ghəa à dzûŋ ghò a dzə̀m àsùghò ghəla a lô tsəghatsəgha, à fùghuu tsughuu wò Tsele ù te wəla Ù bɔm zuw zo. Aŋ wə̄n, fə̀ŋ è wən kuuwn tsə̀ghà yò, ghəa è li e yo sugho a zəŋò wə̄n e lo alenìi wô kə̀ləm.

3 Dzɔ̌n 1:12

Aghî a dzə̀m kɛ̌ɛ Dɛ̀mitiùs, səŋò e sô tsoō dêe sugho ghue wo a zəŋò wə̄n, ghəa a te yia a dêe enyəa ù lo ghùw ù dzùŋ. Ghuūghùe zaʼa zəa e dzâa wô sugho enyəa ù lo ghùw ù dzùŋ. Ghù vʉ̀a ghù ndòʼ kwo sugho enyəa abugho ghàʼ dzɛ̂ wô ghəa zo, e fi lo êsəŋò.