Kə̀fwàʼ 6:1 - To kə Kəzə̀ kə̀ Fughu ko

¹ Ghəa kɔ̂n kə tsə̀təndə̄ghā tə Yɛso kə̀ dûuw wo, Dzûu təla tə mò kə̂aa shwaʼ u Gə̀lêk wò n tàm ndùw Tə̀dzûu təla ghe mò kə̂aa shwaʼ u Hebə̀lù wò an shwaʼ bòʼ ghe mò baā ukpiī am fʉ̀ghàzəa wəla ghe mò dzughùu fughuu tsəgha â yiikpūw gho alo fətsūʼ.

Kə̀fwàʼ 6:1 Iomraidhean Croise

Matìo 23:13

“Ghɛ̀ ghê Dèekə̀làŋ ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ fê nàŋa tsughu dzì enyəa ghî à ka alo kəwālā tsəghà nyə̀, ghuūghùe zɛʼɛ̄ zəa e buʼù nyəā ndûw sughò yo a fughu, ghɛ̀ yia ləghaa sughò yo aledèe tsughu dzì â ghì ghəla ghe dəmà aletsə̀ghàa nyə enyəa ghe nyəā ndûw.

Kə̀fwàʼ 11:20

Ghî a Saepə̀lùs à li gho àsùghò a Sìlêen ghò, ghəla ghe boō fughu â Kə̀lestò, ghe ŋ ŋgəəŋ lò sugho am bvʉa e ghì yì an Antìok, ghe ŋ kə̂aa ndùw ghəa a Mughùbè Yɛso â Tòʼò zò.

Kə̀fwàʼ 11:26

A m bùghò ù ndòʼ kôʼ tsughu sugho wə̄n, ù n nì wò wən an naʼ e Antìok. Zə m bughò dòʼò tsùghù nû enyəa nûm kə te ko kə dzə̀m ghe n ndûw dòʼn zěe tsə̀ghà ko ghèe ghê ghì a Kə̀lestò ghò, zoʼn tsughu ndə̀màndə̀mà tə aghì ènyə. À n lo sugho fɛ an naʼ e Antìok ghe fə̀ zeʼē tɔŋɔ̄ tsughu ghî ghəla ghe boō fughu â Zə̀ kò enyəa à lò Ghî a Kə̀lestò.

Kə̀fwàʼ 11:29

Tsə̀təndə̄ghā tə te tə m boo tsughu enyəa, aŋ ŋgəŋ è ghee chìa è də̀mà tsughu ko aletuū fughuu ndûw èyòsò â ghì ghəla ghe mughu aŋ Dzùdîa mo ghe m boo fughu sùghò â Kə̀lestò.

Kə̀fwàʼ 2:41

Ghî ghə̀ n zuw shwaʼ u Pità vʉ̀ boo fùghù è nduw, ù m fughu tsughu ghe â mùghù ŋ Kə̀zə̀ mò; kam tə aghì tə̀ m baʼso wò am fɔe kə ghee tə təgha an tsuʼ fə̀ efì.

Kə̀fwàʼ 2:45

Ghe n nì fèe tsùghù fʉgha u ghee, dzùghùu fughu kɔʼ kua u te wo â ghì ghə̀n ghe mò ki yô fəgha ko.

Kə̀fwàʼ 2:47

Ghe ŋ kɔʼso Kə̀zə̀, ghî ghə̀n à dzə̀m n ləghaa ghee. Mughubè ù te m bəghaasəa tsughuu àghì tsuʼu n tsùʼu, baʼso wò aŋ kɔ̀n kə ghee.

Kə̀fwàʼ 4:35

bùghò fùghuu naaŋ wò kô kə̀aa n te mò â tum tə Kə̀lestò tò, ghe m bɔɔm nì dzùghùu tsùghù kua u te wo an tuw u ghì aŋghəa ke kpeē tsughuu ko â ghùw.

Kə̀fwàʼ 4:4

Ndə̀m è àghì, aŋ ghì ghəla ghe mò zuw tʉ̂ e ghee zo, m boo fùghù ndùw a te; kɔ̂n kə ghì ghəla ghe boō tsughu n nōo kɔ̀ʼ ndùw tò kam tə aghì tə tɛ̀.

Kə̀fwàʼ 5:14

Ndə̀mà tə aghì tə̀ m fəghaan boom fughuu ndùw â Mughu ù te təmādzəə̄ŋ ndùw ghee tsə̀ghàsə̀ sûesʉ — ayîzən àsùghò yìnû ghò.

Kə̀fwàʼ 5:28

â ghee enyəa, “A mò tɔʼ kʉɛ̄ɛn tsughu ghɛ enyəa e kwo ghɛ̀ lô zoʼn ghî ghò aŋ ghəa a tûw wə̀n, ghɛ̌ yəa tsʉ̂ ghî ghò, tsʉ̂ zɛʼɛ zə e ndza tsughu Yɛ̀lusalɛ̀m e dzə̀m, ghɛ̀ yia ndôʼ tsə̂m tsughu sughò aledzəso ghàʼ am vʉ e tûw wə̄n.”

Kə̀fwàʼ 6:2

Tum tì èghəm à ghè tò tə bə̀ghà n tɔŋɔ naŋa tsughu ghî ghə̀n à dzə̀m ghe mò lo mo ghe m boo fughu â Kə̀lestò, dzɛ̀ â ghee enyəa, “À yò dzə̂ ghəa è dzûŋ zò alebàʼà naŋā kɔʼ alekə̀aa shwaʼ u Kəzə̀, a kôom nughù təŋò doʼò ndûw aŋ ghəa fʉ̀ghàzəa.

Kə̀fwàʼ 6:7

Shwaʼ u Kəzə̀ wə̀ n ndûuw ndûuŋ ko â sə ko; kɔ̂n kə aghì kəla ghe mò boō fughu tsughu, kə m biso dùw tsùghù ènyə an Yɛ̀lusalɛ̀m, ndə̀mà tə tə̀fɔ̀e tə̀ m boo tsughu aŋ Kə̀lestò.

Kə̀fwàʼ 9:29

ù ŋ kə̂aa àghəa, baaŋ təfom ghèeghê Dzûu təla ghe saʼā shwaʼ u Gə̀lêk wò; ghe ŋ kuuwn kəŋo kaaŋ ko dzì alewī wə̄n.

Kə̀fwàʼ 9:39

Pità fi nughù kɔ̀ʼ nû nùghù wò ghèe ghee; a m bùghò ù bùghò tɛ̂ tsughu fughu, ghe n nì kɔ̀ʼ ndùw wən an dzughu e ndughu e te zo edūŋ. yiikpūw ghən à dzə̀m n ti ko ghèe ghee, ghe n dîi dèe tsùghûu gbà ù təndzʉ̄ à ndzʉ tə̀ li to Dolkàs mò təm ghəa ghèe ghee mò naām lo a dzə̀m.

Kə̀fwàʼ 9:41

Pità m fùghù ndùw kə̀ghu â wə̄n, tɔ̀ɔm nùghù kɔ̌ʼ wə̄n. Ù n tɔŋɔ tsughu ghî à Kəzə̀ yì à dzə̀m àsùghò yiikpūw yì, dè tsùghù nughò vʉ̀ â ghee, mò ù lò â ghue ù tughu wo.

Lumà 12:7

Abugho ghùw ù sɛ̀ ù lì lo alefwaʼā â ghì a Kəzə̀ ghò, ù e bɔɔm fwaʼā nduw êzə̀; mo fughu kə ù lì kə̀ lo alezoʼn nduw ghî ghò, ù ŋ kûm zòʼn ndùw ghee.

1 Kòlentìan 10:10

A ki dzə yo aleshwənlo, aŋghəa ghee à li a fə̀ ghəŋlo, tsə̀ndə̄ghā è Kəzə̀ zəla è dzùuw maʼn ghî ghò m bùgho wì màʼà tsughu ghee.

2 Kòlentìan 11:22

À lǒ mo ghe lo tə̀ Hebə̀lù à? Ǹ lo sugho nû êzə̀. À lò mò ghe lo ghî ghə̀ Ezə̀lɛ̂ à? Ǹ lo sugho nû êzə̀. Ghe səa n tigh kə Abə̀làhâm à? Ǹ sə sugho fughu.

Fèlepìan 3:5

Ghe fə̀ tiigh kaŋā kə sugho mò Ǹ naam lǒ wɛ̂ɛtùghu aŋghəa ghe dzə tsughu mugho. Ǹ lo wɛ ù kə̀tsə an naʼ e Bɛndzàmɛ̂n, ghùw ù Hibùlù dzə. Tò aŋghəa lâŋ kə Tə̀dzûu kə̀ deē, Ǹ lo Falàsîi.

1 Timotì 5:3

E lɛnlo â yiikpūw ghəla ghe ki yo ghùw alelɛnlo â ghee.

1 Timotì 5:9

Ghe ki aletɔɔ nyəa tsughu ko zən e wîikpuw zo am mwàʼsò kə yiikpuw mò ù ŋ kɔʼ kpe ghə̀m n tə̀nūu mǒ tǔu; àsùghò abugho à lǒ mò ù fə̀ noo ni koʼ ko num u mɔ̀ʼ:

Hibùlù 13:1

E ləghaa nduw ko nlò ghue zɛʼɛ zo tò waazə̂.

Dzɛ̂ms 1:27

Ghəa e Kəzə̀ zəla Tsele ù te, Kə̀zə̀ nìi enyəa e ki yo dzʉ wo, zəa e lô tsəghatsəgha lò enyəa; alelɛnlo â waatsʉ gho àsùghò yiikpūw gho am fala e ghee, àsùghò enyəa e kwo ko ghəa a mbī a lô so e dzəso ghùw.

Dzɛ̂ms 4:5

Ghɛ̀ moʼò èndughō an shwaʼ wəla ghe tɔm naŋa am Mwàʼsò kə Kəzə̀ enyəa, “Zə̀ kə̀ kûm ləghaa nù Zuʼ tə̀là Ù lǒ mò Ù m fughu â sɛ̀ à.” À lǒ mò shwaʼ wən lo agha a?

Dzɛ̂ms 5:9

Waazə̂ ghaŋa gho, kà nlò ghue zɛʼɛ zə e tsəŋo saʼa, ghe lô saʼā ghɛ. Nu sàʼàtə̀saʼ m bùghò, vʉ̀a a fǔundughu.