Kə̀fwàʼ 5:41 - To kə Kəzə̀ kə̀ Fughu ko

⁴¹ Ghəa ghe zəghaà tsughu ndùghù Kaŋsì, ghe n duʼnlo enyəa Zə̀ kə̀ mâa ghee nî tò kəfəgha aleghəə̄ŋ tsughu enyəa ghe fala aŋ ghùu tuw kə̀ dəla ko aŋ ghəa e Yɛso zən.

Kə̀fwàʼ 5:41 Iomraidhean Croise

Lûk 6:22

Dzɔ̀ lò â ghɛ̀, abugho ghî à bâa ghɛ̀, bàʼà zə̀ghàan ghɛ̀, sùuwn ghɛ̀, bôon zən ghɛʼɛ̄, bòʼ ghəa e Wɛ ù Ghùw!

Dzɔ̌n 15:21

Ghe lô ghəa ghən a zəŋò ghɛ̀ ghəŋlo bòʼ ghɛ̀ lô ghî ghaŋa gho, nu ghe sô kwo yo ghùw wəla ù tum wô mugho.

Kə̀fwàʼ 21:13

Pôl n dzɛ̀ â ghee enyəa, “Ghɛ̌ chi ghaa kwò ghɛ̀ sô bâŋsò mugho â fə̀ŋ aledì a? Ghəa à kɔlɔ̄ tsughuu a ghûw yi yo dzə̂ ghəa è li zo, mugho m boo alebùʼù kɔʼɔ̄ kpuūw daŋso an Yɛ̀lusalɛ̀m bòʼ ghəa e Mughubè ù sɛ̀, Yɛso.”

Kə̀fwàʼ 5:21

A m bùghò ghe zuw tsughu shwaʼ wə̄n, ghe m bwə̀n ndùw nyə̀ ndùw an Ndughene â zùwzùw kə utsūʼ ko, ndùw dàŋso ko â sə ko â ghì zoʼn gho. A m bùghò Tuw kə fɔ̀e kə̀ ndûw bugho ghèe ghê ghì a wə̄n gho, ghe tɔŋɔ̄ tsughu kaŋsì à tsoʼ tən tə̀ dzə̀m an Ezə̀lɛ̂, ghe n tùm ndùw àghì an ndùghùtsaʼ enyəa ghe ndûw nîi wô ghê Pità.

Lumà 5:3

Zəla e bûʼ tsəgha taʼa zən lò enyəa, sɛ̀ ki aleduʼn sugho am fala e sɛ̀, bòʼ sɛ̀ kwo nû enyəa fala e ghəəŋ nù sɛ̀ n lo alekɔlɔ fə̀ŋ alo aghəa.

2 Kòlentìan 12:10

Zən lò e ghee mùghò boo tsughu lɛɛ zo, esuwnlò, elɛ, ghəa à tughu gho, kə̀fə̀mso àsùghò zəŋ to, mùghò ghəa ghen boo tsughu an zən e Kə̀lestò; nu abugho Ǹ lɛɛ̄ tsughu, M̀ fi tughuu nù.

Fèlepìan 1:29

Tɔŋlo enyəa, Zə̀ kə̀ kâ ka dè ko ghɛ â dzɔ̀ e wə̄n zo enyəa ghɛ̀ boo ko â Kə̀lestò, à lò sughò enyəa ghɛ̀ ki alefaan sugho bòʼ wə̄n.

Hibùlù 10:34

Ghɛ̀ mò bughoo ghɛ̀ Ŋ̀ ki se è kwuso a zəŋò ghìidughutsaʼ gho, ghɛ̀ m boo nduw aŋ ghùe e ghɛɛn zo enyəa ghe kwuū nughù fʉgha wɛɛ; nu ghɛ mo kwo nu enyəa ghuūghùe zɛʼɛ e ki nû ghəa è səŋò è li zo alo kəwalā, mo e kê tsɛ̀lɛ̀ nù.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

Dzɛ̂ms 1:2

Waazə̂ ghaŋa gho, nǐi tsughu nlò enyəa à lò ghəa è duʼn zo abugho ghəa a mɔ̂msò kaāŋ ghɛ,

3 Dzɔ̌n 1:7

Tɔŋlo enyəa ghe sə wò alefwàʼ fwàʼ kə Yɛso Kə̀lestò mo ghe boom yo alenì fəgha kə̀ li ko aŋ ghulô ghì ghəla ghe kwo yo Zə̀ kò.