Kə̀fwàʼ 5:34 - To kə Kəzə̀ kə̀ Fughu ko

³⁴ Ghùw ù Falàsîi ù lì a fughu aŋ kaŋsì ghe fə̀ tɔŋlo enyəa à lô Gàmalìɛ, mò à lò sugho dèekə̀làŋ, ghùw mo ghî a te gho a dzə̀m tsə̀ŋo wə̄n; ù n nùghù těe è kɔʼ, fughu tsughu kəlâŋ enyəa ghî a te a kə̂aa naŋa səā ndûw ghê Pità a beē.

Kə̀fwàʼ 5:34 Iomraidhean Croise

Lûk 2:46

Ghe ŋ kəŋ wə̄n ntsuʼu n təgha, ndùw kòʼ ndùw wə̄n am be kə̀ ne ko, mò vʉ̀a ù dòʼ am bvʉ̄a e ghê wàdè, zyə̂ən ghəa ghəla ghe kəaa, bvʉʉn sùghò ghee â ghəa gho.

Lûk 5:17

Tsuʼ ù li wo, ghəa Yɛso zoʼnlō, Falàsîi tə̀ n doʼ ghèe ghê Dèekə̀làŋ; ghe sə kaāŋ wo an nàʼà ŋ Galèlîi, nàʼà n Dzùdîa à nàʼà n Yɛ̀lusalɛ̀m mə̀n n dzə̀m. Ù n lo êzə̀, mò Zə̀ kə̀ ŋ wə̄n â daʼa kə̀ baaŋ kə aghì kə̀ fughu.

Dzɔ̌n 3:10

Yɛso mo e bɛlɛ̀ nù ù n dzɛ̀ â wə̄n enyəa, “Ghù lò wàdè ù ne an Ezə̀lɛ̂, à lò kwò ghù sò məghaan ghəa ghə̀n à?

Kə̀fwàʼ 22:3

“Ǹ lo ghùw ù Dzûu, ghe dzə tsughu aŋ naʼ e Talsùs am mbùʼ è Sìlishìa, yìa Ŋ̀ kuūwn noō fɛ̄ alo enaʼ a tsəlà Gàmalìɛl, ghe yia zoʼn kɔʼ wô mugho an tɔ̀ʼ kə umwam kə làŋ kə ghê tselè sɛ̀. Mùghò n tso ki sugho eghɛ̂ aŋ ghəa e Kəzə̀ tò ghɛ̀ a dzə̀m lò nɛ.

Kə̀fwàʼ 4:15

Ghe n dzɛ̀ tsùghù enyəa ghê Pità zə̀ghàa tsughu kaŋsì ghe səā ndûw a beē, daŋso saān tsughu ghəa e te zo aŋ ghùe e ghee.

Kə̀fwàʼ 5:21

A m bùghò ghe zuw tsughu shwaʼ wə̄n, ghe m bwə̀n ndùw nyə̀ ndùw an Ndughene â zùwzùw kə utsūʼ ko, ndùw dàŋso ko â sə ko â ghì zoʼn gho. A m bùghò Tuw kə fɔ̀e kə̀ ndûw bugho ghèe ghê ghì a wə̄n gho, ghe tɔŋɔ̄ tsughu kaŋsì à tsoʼ tən tə̀ dzə̀m an Ezə̀lɛ̂, ghe n tùm ndùw àghì an ndùghùtsaʼ enyəa ghe ndûw nîi wô ghê Pità.

Kə̀fwàʼ 5:27

A m bùghò ghe bughò â ghee, ghe n nì tìso naŋa sə̀ wò ghee an sə kə kaŋsì. Tuw kə fɔ̀e kə̀ m bvʉ̄ʉn ghee â ghəa gho,

Kə̀fwàʼ 5:35

Ù n daŋso dzɛ̀ â ghee enyəa, “Wo ghî ghə Ezə̀lɛ̂ ghò, tɔ̀ʼɔ mǒʼn tsughu nlò fəgha kəla ghɛ̀ ləghaa aleghəŋlo â ghì ghən,