Kə̀fwàʼ 5:3 - To kə Kəzə̀ kə̀ Fughu ko

³ Pità m bvʉ â wə̄n enyəa, “Ànànîas, à lǒ kwò ghù boō tsughu enyəa Satàn nɔɔ̄ fughuu tsughu ghù enyəa ghù gbo naŋa nduw kə̂m kə ukʉa aŋ kua wəla ghù fèe tsughu luʼu kə̂a ko a te, ghù bugho kaʼn wo ghā gho â Zuʼ tə̀ Zɔlɔ to a?

Kə̀fwàʼ 5:3 Iomraidhean Croise

Matìo 13:19

Ghî ghəla ghe zuw shwaʼ u fɔ̀e u Kəzə̀ wò, kè zuūwkɛlɛ, ghe fɛ lǒ tò sə ghəla a mò bvʉ̂ tsughu aŋ ghùw kə dziī. Vûŋ kə̀ m bùghò tsǔun nùghù kɔ̀ʼ fəgha kə̀là ghe zən naŋā am fə̀ŋ tə ghee.

Lûk 22:3

Vʉatsə̄a ghə n daŋso tsom kɔʼ Dzudàs, tɔɔŋ Eskàlìot, wəla ù fə̀ lô sugho tsə̀ndə̄ghā an tsə̀təndə̄ghā tə Yɛso ten èghəm à ghè tò tə bə̀ghà.

Dzɔ̌n 13:2

Aŋghəa Yɛso sô zəā kûun tò ghèe ghê tsə̀təndə̄ghā tə wə̄n to, a n lo êzə̀ mo Satàn n nyə̄ bonlo am fə̂ŋ è Dzudàs Eskàlìot, tɔɔŋ wɛ ù Sǎemòn enyəa ù ndùw fêe fughu Yɛso.

Dzɔ̌n 13:27

Ghəa Dzudàs zə kɔʼ bàa fə tə fo, zə̀a fə̀ biigh fə nyəən tsughu wə̄n. Yɛso n daŋso dzɛ̀ â wə̄n enyəa, “Ghəa zə̀a ghù so e ghəŋlo, zàŋso ghəəŋ ndùw.”

Kə̀fwàʼ 5:2

ghèe wən n tsɔŋ sanlo è tsughu, ghe m gbò nàŋa tsughu kə̂m kə ukʉ̄a, nì kɔ̀ʼ kə kə̂m, bùghò fùghù wò â tum tə Kə̀lestò tò.

Kə̀fwàʼ 5:4

Tò ghù è bughò fêe luʼū kə te ko, à lǒ mò a mò yò kə̂a kò à? A m bùghò ghù fèe tsughu, kua u te wə n yo ù wʉ̂a wò à? À lǒ kwò ghù ki ŋgòʼ è mòʼn zəla am fə̂ŋ zə̀ghà a? Ghù kà gha ghən kaʼn dzə̀ â ghì ghò, ghù kàʼn ndùw â Zə̀ kò.”

Kə̀fwàʼ 5:9

Pità fi daŋso dzɛ̀ nù â wə̄n enyəa, “Zən lò è ghɛ zo, ghɛ̀ sô ndôʼ doʼò tsughu, dzɛ̀ tsùghù enyəa ghɛ̀ mɔm koʼ Zuʼ tə Mughu ù te to a? Kòʼô, ghî ghəla ghe ndûw tsəlā num wʉ̂a êzəŋ e bughōo nû, ghe sô ghù boʼn sə̌a sùghò nù.”

Dzɛ̂ms 4:7

À fi lo enyəa ghɛ̀ è zuuw nduw â Zə̀ kò. Kà nlò boo enyəa vʉatsə̄a a kɔʼɔ̄ nyaʼa an tuw wɛʼɛ, a lo tiī zəghàan tsùghuu ghɛ.

1 Pità 5:8

Nì nlò ghôm zò, ghɛ̀ tiso kɔʼ tuw ko edzūŋ! Nu ghùwkə̀tuw wɛʼɛ, tɔɔŋ Satàn kǔuw kaaŋ nù tò bəgha kə tɔɔn ko, kə kəŋo ghùw alekwuū pfʉ.