Kə̀fwàʼ 5:21 - To kə Kəzə̀ kə̀ Fughu ko

²¹ A m bùghò ghe zuw tsughu shwaʼ wə̄n, ghe m bwə̀n ndùw nyə̀ ndùw an Ndughene â zùwzùw kə utsūʼ ko, ndùw dàŋso ko â sə ko â ghì zoʼn gho. A m bùghò Tuw kə fɔ̀e kə̀ ndûw bugho ghèe ghê ghì a wə̄n gho, ghe tɔŋɔ̄ tsughu kaŋsì à tsoʼ tən tə̀ dzə̀m an Ezə̀lɛ̂, ghe n tùm ndùw àghì an ndùghùtsaʼ enyəa ghe ndûw nîi wô ghê Pità.

Kə̀fwàʼ 5:21 Iomraidhean Croise

Matìo 5:22

Ǹ so Ŋ̀ kuūwn dzâa wô â ghɛ̀ enyəa, abugho ghùw bùʼ pfʉso kɔʼ ko nʉ̄ghà wò ghèe wàazə̀, ghe ki alesāʼ wə̄n; ghùw wəla ù sùuwn nduw wàazə̀, ù kì alendùw aŋ kaŋsì, wəla ù dzɛ̀ tsughu enyəa, ‘Làʼsò kə kəfəgha kən.’ Ghuw ù te ki alendùw pfʉ an wə̀n u tsə̀ fə̀ baŋa fo.

Lûk 22:66

Ghəa tsuʼ u zuw teēn tsughu, noo mə̀ ènāʼ n te n nyə̄ dzeŋe tsughu aŋ kaŋsì ghèe ghê tuw u tə fɔ̀e wò àsùghò ghê dèekə̀làŋ. Ghe n nì wò Yɛso fughu a vʉ̀a ghee.

Dzɔ̌n 18:35

Paelɛ̀t m bɛ̀lɛ̀ ndùw wə̄n enyəa, “À lǒ mò Ǹ lo ghùw ù Tə̀dzûu à? À lò ghî ghə enaʼ ghə̂a ghèe ghê Tuw u təfɔ̀e wò, ghe nî fughu tsəgha wo ghu â mùghò. Ghù biso boōn kə̀ kwò?”

Dzɔ̌n 8:2

 zùwzùw kə tsuʼ ko, ù ŋ kòom ndùw ebàm an Ndùghù è Kə̀zə̀ è ne an Yɛ̀lusalɛ̀m. Aghî a dzə̀m m bùgho tàʼ zùuŋ kɔʼ wə̄n, ù n tsughu doʼo è tsughu kàʼ ndùw tsʉ e fughu zo â ghee.

Kə̀fwàʼ 22:15

tɔŋlo enyəa ghù lo dòʼn ghùw wəla ghù teso dzâa ghəa a wə̄n gho â ghì ghə̀n à dzə̀m aŋ ghəa ghəla ghù kòʼ tsughu, zùw tsùghù è sugho.

Kə̀fwàʼ 22:5

Tuw kə Fɔ̀e kə̀ lo nû aletɔ̀ʼɔ̀ dzɛ̂ ghəa ghən àsùghò tsoʼ to tə dzə̀m an ndùghùkûifɔ̀e. Mùgho mǒ mwàʼsò ù niī kɔʼɔ aŋ ghùu ghee, u nduūw a vʉ̀a waazə̂ a sɛ̀ ghò, mùghò m bwìi dzì è Dàmaskùs alendùw kwuūn wô ghəla ghe lô sugho fùghù èzə̀, nìi wò ghee an Yɛ̀lusalɛ̀m, mo a ŋ ghee kɔ̂n tsùghù, enyəa a bughò fɔesō tsughu ghee.

Kə̀fwàʼ 5:17

Tuw kə fɔ̀e ghèe ghê ghì ghə̀n à dzə̀m ghèe ghee mò lo a dzə̀m (tɔ̂ɔŋ dzeŋe kə tə̀ Sadùwsîi) n daŋso kàʼ ndùw aleghòʼ. Mʉ̌ʉn kə ŋ ghəəŋ tsughu ghee,

Kə̀fwàʼ 5:27

A m bùghò ghe bughò â ghee, ghe n nì tìso naŋa sə̀ wò ghee an sə kə kaŋsì. Tuw kə fɔ̀e kə̀ m bvʉ̄ʉn ghee â ghəa gho,

Kə̀fwàʼ 5:34

Ghùw ù Falàsîi ù lì a fughu aŋ kaŋsì ghe fə̀ tɔŋlo enyəa à lô Gàmalìɛ, mò à lò sugho dèekə̀làŋ, ghùw mo ghî a te gho a dzə̀m tsə̀ŋo wə̄n; ù n nùghù těe è kɔʼ, fughu tsughu kəlâŋ enyəa ghî a te a kə̂aa naŋa səā ndûw ghê Pità a beē.

Kə̀fwàʼ 5:41

Ghəa ghe zəghaà tsughu ndùghù Kaŋsì, ghe n duʼnlo enyəa Zə̀ kə̀ mâa ghee nî tò kəfəgha aleghəə̄ŋ tsughu enyəa ghe fala aŋ ghùu tuw kə̀ dəla ko aŋ ghəa e Yɛso zən.