Kə̀fwàʼ 5:14 - To kə Kəzə̀ kə̀ Fughu ko

¹⁴ Ndə̀mà tə aghì tə̀ m fəghaan boom fughuu ndùw â Mughu ù te təmādzəə̄ŋ ndùw ghee tsə̀ghàsə̀ sûesʉ — ayîzən àsùghò yìnû ghò.

Kə̀fwàʼ 5:14 Iomraidhean Croise

Kə̀fwàʼ 11:24

tɔŋlo enyəa ù fə̀ lo ghùw ù dzùŋ mò à wən ki tən ko Zuʼ tə̀ Zɔlɔ, tughuu sùghò am fə̂ŋ zəla ù gaʼ tsughu aŋ Kə̀lestò. Ghe m fəghaan nì kpèʼe wò ndə̀mà tə aghì a vʉ̀a Mughu ù te.

Kə̀fwàʼ 2:41

Ghî ghə̀ n zuw shwaʼ u Pità vʉ̀ boo fùghù è nduw, ù m fughu tsughu ghe â mùghù ŋ Kə̀zə̀ mò; kam tə aghì tə̀ m baʼso wò am fɔe kə ghee tə təgha an tsuʼ fə̀ efì.

Kə̀fwàʼ 2:47

Ghe ŋ kɔʼso Kə̀zə̀, ghî ghə̀n à dzə̀m n ləghaa ghee. Mughubè ù te m bəghaasəa tsughuu àghì tsuʼu n tsùʼu, baʼso wò aŋ kɔ̀n kə ghee.

Kə̀fwàʼ 22:4

Mùgho fə̀ shwaʼ tsughu ghəla ghe fə̀ boō nduw Dzì zən, wiin màʼn ndùw ghee. Mùghò mò kwuu kɔ̀lɔ̀ tsùghuu àghìnûu à ghìzən gho, tuu naaŋ ndùw an ndùghùtsāʼ;

Kə̀fwàʼ 4:4

Ndə̀m è àghì, aŋ ghì ghəla ghe mò zuw tʉ̂ e ghee zo, m boo fùghù ndùw a te; kɔ̂n kə ghì ghəla ghe boō tsughu n nōo kɔ̀ʼ ndùw tò kam tə aghì tə tɛ̀.

Kə̀fwàʼ 6:7

Shwaʼ u Kəzə̀ wə̀ n ndûuw ndûuŋ ko â sə ko; kɔ̂n kə aghì kəla ghe mò boō fughu tsughu, kə m biso dùw tsùghù ènyə an Yɛ̀lusalɛ̀m, ndə̀mà tə tə̀fɔ̀e tə̀ m boo tsughu aŋ Kə̀lestò.

Kə̀fwàʼ 8:12

A m bùghò ghe kôom bughò boō fughu ndûw â Felêp, wəla ù mò naʼn wo tùm è Fɔ̀e u Kəzə̀ è dzùŋ, kə̀aa wò sùghò ghəa Yɛso Kə̀lestò, ghe fughu tsughu ghee enyə â mùghù ŋ Kə̀zə̀ mò — ayînû àsùghò yìzən gho.

Kə̀fwàʼ 8:3

Sôol ŋ kuūwn lò ko fi aleshùaʼ ghì à Kəzə̀, nyəaa ndùw ndùghù tə̀ndùghù; kwuu sèe sə̌aa wò àghìnûu à ghìzən gho, ndùw fèe nǎaŋ ndùw an ndùghùtsāʼ.

Kə̀fwàʼ 9:2

bvʉ̀ ndùw mwàʼsò wəla ù ki alendùw fughuu kaŋlo an ndughutə̀ne to an Dàmaskòs, nyəa mo e kôʼ tsùghù ghî à li gho ghe mughu an Dzə̀ tə Mughu ù te, ayînû ŋkāa ayîzən, e ŋ kwù kɔ̀n tsùghu ghee, nì wò ghee an Yɛ̀lusalɛ̀m.

Kə̀fwàʼ 9:31

Ghî ghəla ghe mò boō fughu an Dzùdîa, aŋ Galèlîi àsùghò an Sàmalìa ŋ kòom tsə̀ŋo yo, bəgha tiso kɔʼ ughue. Ghəa ghe sô mughu, tsəŋo ndùw ko Mughubè ù te, mo Zuʼ tə̀ Zɔlɔ tə ki sugho ghee aŋ ghù kə̀ dzûŋ kò, kɔ̂n kə ghee kə n nomlo.

Kə̀fwàʼ 9:35

Ghî ghə̀n à dzə̀m ghe mughu an Ledà àsùghò am bəghaa e Shalɔ̀n ghe mò koʼ wə̄n, ghe m fùghù ndùw fə̀ŋ tə ghee â Mughubè ù te.

Kə̀fwàʼ 9:42

Ghî ghə̀ enaʼ a Dzopà e dzə̀m n zuw tsughu ghəa yì kpe, ndə̀m è ghee m boo fughu tsughu â Mughu ù te;

2 Kòlentìan 6:15

Kə̀lestò kǐ kwò ghèe Bɛlial lo a? Ŋkāa ghùw ù Kə̀zə̀ kǐ kwò ghèe ghùw wəlà ù doʼŋkè boo Kəzə̀ a?

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.