Kə̀fwàʼ 5:12 - To kə Kəzə̀ kə̀ Fughu ko

¹² Tum tə Kə̀lestò tə̀ n dè sə̀so tsughu ndə̀mà tə nsə̀ghàa enyə â ghì a te gho. Ghî ghəla ghe boō fughu tsughu n dzeŋe lò tsəgha ko alo fə̀tùʼù am fala kə Solomòn.

Kə̀fwàʼ 5:12 Iomraidhean Croise

Mâk 16:20

Tsə̀təndə̄ghā tə wə̄n tə n daŋso sə̀ sɛ̀ɛ è tsughu, nàʼn kǎaŋ ndùw tsə̀ndə̄ghā è Kə̀zə̀ an lùʼù tən tə̀ dzə̀m. Ghue u Mughu ù te wə n lo a bàâ ghee, tughuso ndùw shwaʼ u ghee an tsə̌a təla tə fə̀ səā kɔʼɔ̄ a te. Àkpe.

Dzɔ̌n 10:23

À n lo an nə̀gha zə eghuūw, Yɛso m bwîi kaŋlo an Ndùghù è Kə̀zə̀ è nē an Yɛ̀lusalɛ̀m am bà kəla ghe tɔŋlo enyəa à lò fuū u mbɛ̀ u Solomòn.

Dzɔ̌n 4:48

Yɛso n dzɛ̀ fughu â wə̄n enyəa, “Ghùw wɛʼɛ u mɔ̀ʼ yò aleboō fughu à gɔ̀ʼɔ̀ ko mò ghɛ̀ kôʼ tsùghù dzə̀ tsə̌a tə aghəa ghəla dzughu a lo alezūm aghî a te.”

Kə̀fwàʼ 1:14

Ghee a dzə̀m n dzeŋe gɔ̀ɔŋ tsə̀ghà ko kaʼkəkaʼ ghèe ghê ghìzən à loʼ gho, àsùghò Mèle, tɔɔŋ zə̂ Yɛso, à waazə̂ a Yɛso ghò.

Kə̀fwàʼ 14:3

Ghê Pôl n dòʼò fùghù èzə an də̀ghàa kə kəgha, dòo kə̀aa ko àghəa kùu ndùw Mughu ù te. Mughù ù te n dè fùghù wò ghəa a te gho a dzə̀m enyəa à lò êsəŋò an sə̀ghàa məla ghe mò deē.

Kə̀fwàʼ 16:18

Zən fi ŋ ghə̂əŋ ghəa ghən an ndə̀mà ntsùʼu. Nʉghà wə̀ n nùghù pfʉ kɔʼ Pôl, ù n nùghù fə̀n dzɛ̀ ndùw â zə̀ kə te ko enyəa, “An zən e Yɛso Kə̀lestò, Ǹ dzɛ̂ enyəa ghù sə nughu a zəŋò wə̄n.” Zə̀ kə te kə n sə̀ nùghù wò a zəŋò wə̄n an nə̀gha e te zo.

Kə̀fwàʼ 19:11

Zə̀ kə̀ m fughu tsughu Pôl â daʼa ko, ù n dêe ndùw nsə̀ghàa mo ghe kaān kôʼ kòʼ.

Kə̀fwàʼ 2:46

Ghe n dzeŋe ndùw zěe tsə̀ghà ko an ndughu è Kə̀zə̀ e nē tsuʼ ndzə̀mdzə̀m, bwìi zə̌a kaaŋ ndùw ndughu tə̀ ndughu, ghe n zə̂aa fʉgha u ghee tsoʼnlo etsoʼnlo am fə̂ŋ e mɔ̀ʼ.

Kə̀fwàʼ 28:9

Aŋghəa ghəa ghən sə kɔʼ, ghî à dzaāŋ yìa à dzə̀m a fughu an nàʼà fə dzughùu fi n ndùw bùghò è sugho, Pôl m baaŋ kɔʼ ghee.

Kə̀fwàʼ 3:11

A m bùghò ù tsò zwən doʼò kɔʼ a zəŋò Pità ghèe Dzɔ̌n, ghî yì à dzə̀m n nyəŋ zùuŋ wò a vʉ̀a ghee am fala kə Solomòn, bùghò tèe enyə dzəəm.

Kə̀fwàʼ 4:30

Děe tsughu daʼa kə̂a kə̀ baaŋ kə aghì kò â ghì ghò, ghàʼ è deē nduw fə̄ən zo, à sə̀ghàa mò an zən e kɔ̀ɔ fə̀ghà fə̀ zɔlɔ fo, Yɛso.”

Kə̀fwàʼ 9:33

Ù ŋ kòʼ tsùghù tûwbʉ̀ghà ù lǐ fughu, ghe mò tɔŋlo enyəa à lò Aenìas, mo bâ kə ughùe kə̀ m kpuw mò ù ŋ ghue wo a kə̀chʉ̀a foʼ alo tənùu e fāa, yò alenùghù kɔʼ.

Kə̀fwàʼ 9:40

Pità n dzùm sə̀ ndùw ghee a dzə̀m a beē, tsughu nyaʼa è tsughu, dì dzɛ̀ ndùw â Zə̀ kò. Ù m fə̀n ndùw ùghue aŋ gwən e te zo, dzɛ̀ tsùghù enyəa, “Tàbità, nùghu kɔʼɔ̀.” Tàbità n zə̀ghàa kɔ̀ʼ asə̄, ghəa ù kòʼ kɔʼ Pità, ù n nùghù dòʼò èkɔʼ.

Lumà 15:19

Ù fə̀ ghəa ghən ghəəŋ tsughu aŋ daʼa kə kɔ tə tətsə̌a təla mùghò fə̀ dê tsughu àsùghò sə̀ghàa mò, àsùghò an daʼa kə Zuʼ tə Kəzə̀. Zə ŋ ghəəŋ tsughu mùghò n naʼn wò Làbəlà è dzùŋ è Kə̀lestò zən an lùʼu tən tə̀ dzə̀m aŋghəa mùgho mò nughù wo an Yɛ̀lusalɛ̀m lɔʼso ŋgə̀a ndùw alendùw an naʼ zə Èlilekùm.

2 Kòlentìan 12:12

Ghəa mùgho mò lo fì sɛ̀, mùghò n zumso tsughu ughue, dè wò tə̀tsə̌a, nsə̀ghàa, fwàʼ sùghò kɔ tə aghəa aledèe tsughu enyəa Ǹ lo tùm è Kə̀lestò è sə̀ŋò.

Hibùlù 2:4

Zə̀ kə̀ m mʉa fughuu wò sùghò gùw è ghee alo tətsə̌a àsùghò alo nsə̀ghàa, àsùghò aŋ ghəa kə fə̀ dzughùu fughuu ndûw fughu kə u Zuʼ tə Zɔlɔ to â ghì ghò aŋ ghəa kə fə̀ tsə̂m tsughu.