Kə̀fwàʼ 5:11 - To kə Kəzə̀ kə̀ Fughu ko

¹¹ Fə̀ŋ m biso sə tsughu ghî ghə̀n à dzə̀m ghe boō fughu tsughu â Kə̀lestò, àsùghò ghì ghə̀n à dzə̀m ghe fə̀ zuw ghəa a te gho.

Kə̀fwàʼ 5:11 Iomraidhean Croise

Kə̀fwàʼ 19:17

Tə̀dzûu àsùghò Tòʼò zən è dzə̀m ghe mò mughu an Ɛfɛ̄sùs n zuw ghəa ghən, fə̂ŋ tə̀ n sə tsughu ghee a dzə̀m ènyə: ghe daŋso kaʼ ndùw alefughu ŋkɔʼso â Mughu ù te Yɛso.

Kə̀fwàʼ 2:43

Tum tə te tə n dè sə̀sə tsughu nsəghàa ènyə, ghî ghə̀n à dzə̀m mo ètsəŋ.

Kə̀fwàʼ 5:5

Ghəa Ànànîas zuw tsughu shwaʼ wə̄n, ù m bvʉ̀ wò à ghueetsə̄, kpùw è nduw. Ghùw wəla ù fə̀ zuw dzə̂ ghəa a te gho mo è tsəŋ.

Kə̀fwàʼ 9:31

Ghî ghəla ghe mò boō fughu an Dzùdîa, aŋ Galèlîi àsùghò an Sàmalìa ŋ kòom tsə̀ŋo yo, bəgha tiso kɔʼ ughue. Ghəa ghe sô mughu, tsəŋo ndùw ko Mughubè ù te, mo Zuʼ tə̀ Zɔlɔ tə ki sugho ghee aŋ ghù kə̀ dzûŋ kò, kɔ̂n kə ghee kə n nomlo.

Fèlepìan 2:12

À fi lo enyəa fən ghaŋa à dzûŋ ghò, tò aŋghəa ghɛ̀ mò bwîi tsəgha an làŋ kə Zə̀ kəla mùgho mò zoʼn ghɛ a te aŋghəa sɛ̀ mò lò tsəgha a dzə̀m. À lǎam lo dzɔ̀ êzəŋ wəla M̀ buw sɛ̀, â ghɛ̀ alebwìi an làŋ kə te ko. E fwaʼā nduw ko nlò alo etsəŋ â ghɛ̀ alemìasò kɔʼ fwàʼ kɛʼɛ aŋghəa ghɛ̀ ki alezə kətuw a te.

Hibùlù 11:7

À fə̀ lo bòʼ Nôa fə̀ boō fughu tsughu â Zə̀ ko e fə̀ ghəŋlo ù n zùw ndùw shwaʼ u Kəzə̀, aŋghəa Zə̀ kə̀ kʉɛɛn tsughu wən kùu nduw ghəa ghəla ù fə̀ kaām koʼò yo, u m bəgha kɔʼ kəkwə̀n alebəghaasə kèndughu kə wə̄n. Aŋ ghəa zən, Nôa fə̌ fi de nduw enyəa ghî a mbī a lo ghî a biigh gho. Bòʼ Nûa fə̀ boō fughu â Zə̀ kò, Zə̀ kə̀ n nì ndùw wə̄n enyəa ù lo ghûw u tsəghatsəgha.

Hibùlù 12:15

Də̀ma tsughu nlò enyəa e kwo ghùw wɛʼɛ u mɔ̀ʼ lo bvʉ̂a səā mò ù kà kèle dzɔ̂ e Kəzə̀ zò. E kwo ko ghùw wɛʼɛ u mɔ̀ʼ lò doʼn tsughu nâŋ kə biigh ko am bvʉa zɛʼɛ, kəla kə lo aleghəŋlo unwâŋ u dzə̀m fîaa.

Hibùlù 12:28

À fi lò enyəa sɛ̀ ki alefughu kəzɔ̀ŋlò aŋghəa sɛ̀ kele fɔ̂e u kədə̀ŋ wəla ghe yo dzə̂ alenòʼsò, sɛ e fughuu Zə̀ kò â kɔʼso məla ŋ kɔʼ kpe â wə̄n alo etsə̄ŋ

Hibùlù 4:1

Ghəa to kə̀ nyea ko an lùʼû kə̀ zʉʉn kə ughue kən naam ti dzə, bùgho nlò sɛ̀ ghôom tsughu enyəa ghùw wɛʼɛ u mɔ̀ʼ lò doʼnlo mò ù kà fughu an lùʼû zʉʉ̄n kə ndûw nyə̄.

1 Pità 1:17

Ghɛ̀ tɔɔŋ tsughu wə̄n enyəa, “Tsele waʼa,” abugho ghɛ̀ gɔ̂ŋlo â Zə̀ kəla kə saʼa ghî ghò mo kə bɔɔ yo sʉ wo am fəgha kəla chìa lo mò ù ŋ ghəŋlo, e fi lo enyəa ghɛ̀ ki aleki tsəŋ e Kəzè zò aŋ nə̀gha zəla ghɛ̀ naām ki fɛ am mbī.

Edêe Fughu 15:4

À lò ndūghō ù yò alestə̄ŋ ghu a Tsə̂ntə̀mbî, ù tàʼkè fughuu wô ghù â kɔʼso an zən zəghà mò a? Nu à bɔ̌ɔm zɔlɔ ko ghù â nəŋ ko. Aghî a dzə̀m an nàʼà mə̀n n dzə̀m kè bùghò tə̀ma tə̀ŋguʼ a tsəlà ghù, tɔŋlo aghî a dzə̀m ŋ ko enyəa ghəa ghəla ghù ghəŋlo a lo tsəghatsəgha.”