Kə̀fwàʼ 4:36 - To kə Kəzə̀ kə̀ Fughu ko

³⁶ Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Kə̀fwàʼ 4:36 Iomraidhean Croise

Mâk 3:17

Dzɛ̂ms, ghèe wàazə̀, Dzɔ̌n, tɔ̂ɔŋ wɛ a Zɛbɛ̀dîi. [Yɛso n tə̀ghàa tsùghù zən a ghee enyəa à lǒ Bòanɛdzìs, e moʼn tsughuu enyəa Ghî a ghuuw è kəmā zo.]

Kə̀fwàʼ 11:30

Ghe ŋ ghəŋlo è tsughu, tuu fughuu ndùw ko aŋ ghùu tsoʼ tə dzeŋe kə ghì a Kəzə̀ tò an Yɛ̀lusalɛ̀m, ghe n ndûw fùghuu ndùw â Bànabàs ghèe Sôol.

Kə̀fwàʼ 12:25

A m bùghò Bànabàs ghèe Sôol daŋso mîasò tsughu fwàʼ kə ghee ko, ghe n nì kɔ̌ʼ Dzɔ̌n, wəla zən e wə̄n è li zən mò lô Mâk, nùghù ndùw ghèe ghee ebàm an Yɛ̀lusalɛ̀m.

Kə̀fwàʼ 13:1

Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

Kə̀fwàʼ 13:15

Ghəa ghe tɔɔ̄ŋ mɛʼɛ̀ tsughu ghəa ghəla ghe nî sə kɔʼ an làŋ kə Musî àsùghò am mwàʼsò u ghì ghǐishʉ̀ghà tuw kə ndùghùne kə n tùm wò tùm è lì â ghee enyəa, “Waazə̂ ghaŋa ghò, ghàʼ mô lə̀ghaa enyəa ghɛ̀ lô kpaʼ ki ghəa zo aletoōn ndûw ghì ghə̀n a te, ghɛ̀ ŋ kə̀a è nduw.”

Kə̀fwàʼ 13:2

Ghəa ghe kɔʼsō Mughubè ù te, baa sùghò èdzughu, Zuʼ tə̀ Zɔlɔ tə n dzɛ̀ tsùghù enyəa, “Tsɔʼ naŋa sə̀ wò nlǒ Bànabàs ghèe Sôol am fwàʼ kə̀là Ǹ lo mò mùghǒ ŋ ghee a te tɔŋɔ.”

Kə̀fwàʼ 13:4

Êzə̀ŋ ghəa e màʼa fə̀ lo mò à ghee tum sə tsughu Zuʼ tə̀ Zɔlɔ to, ghe n tsùghù ndùw an Sɛ̀lusìa; ghe n nùghù tsùghu fughu, ghe m bàŋ dàŋ sə̀ ndùw ghee alo kəkwə̀n an Saepə̀lùs.

Kə̀fwàʼ 15:12

Ghî yì à dzə̀m m bɔɔm zuuw ko mɔŋ; zəəŋ ndùw ko â Bànabàs ghèe Pôl aŋ ghəa ghe taŋsō sə̀ghà mə̀là Zə̀ kə̀ lo mo kə n dè â Tòʼò zò am bàm e ghee.

Kə̀fwàʼ 15:2

A m bùghò Pôl ghèe Bànabàs ŋge zughūu aŋ ghəa a te gho ghèe ghê ghì yì, ŋge pfʉ tsughu edzughu enyə à tè, ghî ghəla ghe boō fughu â kə̀lestò n tsɔʼ kɔʼ ghee a bə̀ghà àsùghò ghì à li gho enyəa ghe kɔʼɔ ndûw an Yɛ̀lusalɛ̀m ghe kɔʼɔ̄ koʼò ndûw tə̀tum à tsoʼ to aŋ ghəa e te zo.

Kə̀fwàʼ 15:37

Bànabàs n ləghaa alenìi kɔʼ Dzɔ̀n wəla ghe mò tɔŋlo enyəa à lò Mâk enyəa ghèe ghee ndûw à dzə̀m.

Kə̀fwàʼ 15:39

Ghe n nùghù nǔum zùghùu tsùghu fughu alo eghùe, daŋso sɛ̀ɛ è tsughu; Bànabàs n nì kɔ̀ʼ Mâk nùghù dàŋ ndùw ghèe wən an Saepə̀lùs alo kəkwə̀n,

Kə̀fwàʼ 21:16

Tsə̀təndə̄ghā tə Yɛso tə̀ li to tə sə wo an naʼ e Kaesalìa fə̀ nduūw ko ghàʼ à ghe a dzə̀m, ghe n nì ndùw an ndughu alô Mnasòn, ghùw u Saepə̀lùs ù lì, tsə̀ndə̄ghā è wǐi, enyəa ghàʼ ndûw nyə alô wə̄n.

Kə̀fwàʼ 21:3

A m bùghò a bughò tɛ̂ tsughu an lùʼù kəla a kòʼò ndûw Saepə̀lùs, a n zə̀ghàa tàʼà ndùw naʼ e te zo aŋ kwè ù kwû wò, nùghù ndùw an Sylìa, tɛ̀ sə̀ ndùw an Tâe; nu à mò lo a fughu kwə̀n chi mò ki alendùw shueʼe.

Kə̀fwàʼ 27:4

A n zə̀ghàa tsùghu fughu, nyə̀ ndùw an dzughù, kʉ̀ɛɛ kə ŋ kè tsoō boo enyəa ghàʼ tsəghà dzǐ fughu, a ŋ kòom ndùw tsə̀ghà tsùghu dzì am mbaŋ è dzùghù an baʼ e Saepə̀lùs.

Kə̀fwàʼ 9:27

Bànabàs n nùghù nì kɔ̌ʼ wə̄n nì ndùw wən a vʉ̀a tum to, ndùw tèso kɔ̀ʼ ndùw ghəa Sôol mò kôʼ Mughubè ù te a te an dziī, vʉ̀a ù mò kə̂a wô wən â ghəa gho. Ù n dzɛ̀ ndùw ghəa Sôol mò ndzəmà Kə̀aa ghəa gho a te an zən e Yɛso an Dàmaskùs.

1 Kòlentìan 14:3

Abugho ghùw kuūwn dzâa shʉghà u Kəzə̀ wò, ù dzàa wò â ghì ghò, aletughusō tsughu ghee, dzə̀n tsùghù sùgho ghee â sə̀ŋ zò, tsəmso tsùghù sùghò ghee.

1 Kòlentìan 9:6

Ŋkāa à lǒ mò e lo enyəa à kà lò ko mugho ghàʼ à Bànabàs ghàʼ ki aletèlè fwàʼ à, sěe ghàʼ sô lo alezə a?

Gàlashìan 2:1

A m bùghò nûu tə̀ tsəghà tsughu eghə̄m à ghè tò tə chìakò, mùghò ŋ kòom kɔʼ kpeʼe ndùw an Yɛ̀lusalɛ̀m ghàʼ à Bànabàs. Mùghò n nì kɔ̀ʼ Taetùs, ndùw ghàʼ à ghee.

Gàlashìan 2:13

Dzûu tə̀ li tə ŋ kàʼ ndùw sùghò alefòʼn ghəa a kə̀bàŋàdzə̀m a Pità a te gho a ka dɔ̂m taŋ Bànabàs wəla ghe fə̀ sê məŋsō nduw aŋ ghəa a kə̀bàŋàdzə̀m a te gho.

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.

Kòloshìan 4:10

Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.