Kə̀fwàʼ 4:32 - To kə Kəzə̀ kə̀ Fughu ko

³² Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû.

Kə̀fwàʼ 4:32 Iomraidhean Croise

Dzɔ̌n 17:11

M̀ fɛ êzəŋ zəghàan tàʼn tsùghuu ghee am mbī, yìa Ǹ nughùun wô a vʉ̀a ghù. Tsele waŋa ù Zɔ̀lɔ, tsən nǎn ghee an daʼa kə̂a, kəla ghù mò fughu â mùghò, to ghe doʼò kə̀fəgha kə̀ mɔ̀ʼ, to aŋghəa ghàʼ à ghù lò fəgha ko kə mɔ̀ʼ.

Kə̀fwàʼ 1:14

Ghee a dzə̀m n dzeŋe gɔ̀ɔŋ tsə̀ghà ko kaʼkəkaʼ ghèe ghê ghìzən à loʼ gho, àsùghò Mèle, tɔɔŋ zə̂ Yɛso, à waazə̂ a Yɛso ghò.

Kə̀fwàʼ 2:1

A m bùghò tsuʼ u Pɛntɛ̄kɔ̀st ù kpe tsughu, tsə̀təndə̄ghā tə n dzeŋe dòʼ alo kəlùʼù kə mɔ̀ʼ ghee a dzə̀m.

Kə̀fwàʼ 5:12

Tum tə Kə̀lestò tə̀ n dè sə̀so tsughu ndə̀mà tə nsə̀ghàa enyə â ghì a te gho. Ghî ghəla ghe boō fughu tsughu n dzeŋe lò tsəgha ko alo fə̀tùʼù am fala kə Solomòn.

Lumà 12:5

À lò sugho eghəla aŋghəa sɛ̀ bûʼ lô ko ndə̀m, sɛ̀ êzəŋ lo tò gwən e ughùe e mɔ̀ʼ bòʼ enyəa sɛ̀ lo alo kəfəgha kə mɔ̀ʼ sɛ̀ à ghê Kə̀lestò, sɛ̌ yia a dzeŋe təmdzəə̄ŋ kaāŋ wô ghue e sɛ̀ zò tǒ ndəm è lùʼù tə eghùe təla tə ghəə̄ŋ kɔʼ gwən e ughùe zò e mɔ̀ʼ.

1 Kòlentìan 1:10

M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.

2 Kòlentìan 13:11

Aletsəlā tsughuu ghəa ghən a waazə̂ ghò, dòʼo nlò kədzûŋ. E dəma tsughuu ko aleghəəŋ ghəa à dzûŋ ghəla a lô tsəghatsəgha, zuw nlò dî zaŋa zo. Dòʼo nlò alo kəfəgha kə mɔ̀ʼ, ghɛ̀ è mughu alo ebūghūnlō. To Zə̀ kəla kə dêe ləgha zo, fughuu sùghò èbughunlo mô lǒ ghɛ̀ à ghee.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

1 Pità 4:11

Abugho à lò ko ndughoo ù nàʼn tum è Kə̀zə̀, ù ki alenàʼà ko fəgha kə̀là Zə̀ kə̀ dzɛ; mò a lo ndughoo ù fughuu yosò zò â ghì ghò, ù ki aleyosō ghee an daʼa kəla Zə̀ kə̀ fughu â wə̄n; to zə e lo enyəa alo aghəa a dzə̀m, aghî ghə̀ è fughu Zə̀ kò â kɔʼso mò am bàm e Yɛso Kə̀lestò. Səghanyəgha n lo â wə̄n àsùghò dwaʼa wo, to mbī kê bughò mîaa. Zə e lo ko êzə̀.