Kə̀fwàʼ 4:29 - To kə Kəzə̀ kə̀ Fughu ko

²⁹ Ezə̀ŋ a Mughubè, lɛɛn tsughu ghəa ghe kʉ̂a ghaʼ, ghù ghəəŋ tsughu kɔ̀ɔ mə̀ghà ŋ kele tsughu fə̂ŋ è tughu, mə̀ è doō kəaa shwaʼ wʉ̀a wò an dò tə aghəa.

Kə̀fwàʼ 4:29 Iomraidhean Croise

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 14:3

Ghê Pôl n dòʼò fùghù èzə an də̀ghàa kə kəgha, dòo kə̀aa ko àghəa kùu ndùw Mughu ù te. Mughù ù te n dè fùghù wò ghəa a te gho a dzə̀m enyəa à lò êsəŋò an sə̀ghàa məla ghe mò deē.

Kə̀fwàʼ 19:8

Pôl n nì kɔ̀ʼ tədzɔŋɔ tə təgha mò ù mgbɛ̌ɛ ndùw nyəa dòo kə̀aa ko aghəa ghèe ghee an ndughenē, pfʉa tsə̀ghà èdzughu fughu ghèe ghee, mgbɛɛ ko aŋ ghəa e fɔ̀e ù Kəzə̀ an ndughune.

Kə̀fwàʼ 26:26

Mughènaʼ Agelepà kwò nû ghəa ghə̀n à dzə̀m: Ǹ ndzəmà kə̀aa ndùw nù ghəa a te gho â wə̄: tɔŋlo enyəa Ŋ̀ kwo nû enyəa ghəa ghə̀là Ŋ̀ kə̂a fɛ à dzə̀m, è li e yo a te mò à lǒ è fughu zo â wə̄n; nu ghəa ghən ka mo tsɔŋ sə̀ dzə̀.

Kə̀fwàʼ 28:31

kə̀aa ndùw kô ghəa e fɔ̀e u Kəzə̀, zoʼn ndùw sùghò àghì kùu ndùw Mughu ù te Yɛso Kə̀lestò an ndɛ, mo fəgha kə li kə təghàsò sùghò yò wə̄n.

Kə̀fwàʼ 4:13

Ghəa ghe kôʼ tsughu fə̀ŋ zəla ghê Pità ki ghè zò, kòʼ tɔ̀ tsùghù sùghò enyəa à tsò lò ko làŋà tə aghì, mo ghe bûʼ kwò sugho yo mwàʼsò kò, dzughu zə n zum ghee, ghe fi daŋso kòʼkɛ̀lɛ kɔʼ nu ghee enyəa ghe mò lo tsəgha nû ghèe ghê Yɛso.

Kə̀fwàʼ 4:21

A m bùghò ghe bəmē kpeʼē tsughu ghee, ghe n zə̀ghàa màʼà ndùw ghee, ghe sô kəŋ kē dzì alefɔ̄esō tsughu ghee, ghî a màʼa fə̀ lo; nu ghî yì à dzə̀m mò tsoō fughuu ko kɛɛ u Kəzə̀ aŋ ghəa yia a mò sə.

Kə̀fwàʼ 4:31

A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.

Kə̀fwàʼ 9:27

Bànabàs n nùghù nì kɔ̌ʼ wə̄n nì ndùw wən a vʉ̀a tum to, ndùw tèso kɔ̀ʼ ndùw ghəa Sôol mò kôʼ Mughubè ù te a te an dziī, vʉ̀a ù mò kə̂a wô wən â ghəa gho. Ù n dzɛ̀ ndùw ghəa Sôol mò ndzəmà Kə̀aa ghəa gho a te an zən e Yɛso an Dàmaskùs.

Kə̀fwàʼ 9:28

Sôol fi daŋso kaʼ tsughu nû aletsə̀ghàan kaŋlo an Yɛ̀lusalɛ̀m am bvʉa e ghee,

1 Kòlentìan 14:13

À fi lo enyəa ghùw wəlà ù saʼā shwaʼ wə enaʼ ù nughù wò kì alegɔ̀ŋlò enyəa Zə̀ kə̀ fughu wə̄n â daʼa ko aleteso dzaā wo fəgha kəla ù kə̌aa ghè kò.

2 Kòlentìan 3:12

Ghàʼ biso ki fə̀ŋ aŋghəa ghàʼ chiī tùʼ aŋ ghəa a te gho.

Fèlepìan 1:14

Doʼò zaŋa aŋ kwə̀n zəa e dzə̂n tsughu sughò fə̂ŋ tə ghì ghə̀là ghe boō fughu â Mughu ù te enyəa ghe e ki fə̂ŋ to aleŋgee naʼn nduw shwaʼ u Kəzə̀ wò mo ghe ki yo tsəŋ zo.

1 Tɛ̀sàlonìan 2:2

Ghɛ̀ kwo nû aŋghəa ghǎʼ mò fala a te am Felèpîi àsùghò aŋghəa ghe fə̀ sûuwn ghaʼ a te fughu alo enaʼ. Ghəa e mò bûʼ lô ko enyəa ghe mò ŋgee fughuu ghaʼ â tsù wo fughu alo enaʼ, Zə̀ kə sɛ̀ kə̀ n naam fughu tsughu ghàʼ â fə̀ŋ è te â ghàʼ alenāʼn wô làbəlà è dzuŋ zə̄n â ghɛ̀.

2 Timotì 4:17

À ŋ kuuwn lò ko enyəa, Mughu ù te fə̀ lo ghàʼ à wə̄n. Ù n dzə̀n tsughu mugho â sə̀ŋ zò enyəa to M̀ mô lò alenaʼn mɛʼn nduw làbəlà è dzùŋ è te, enyəa to tûu təla tə fə̀ lo a fughu; mò à yò dzə̂ Tə̀dzûu è lo alezūw. Zə̀ kə̀ fi baaŋ sə tsughu nû mugho an dzughu e kəbəgha.