Bìoball air-loidhne

Kə̀fwàʼ 4:27 - To kə Kəzə̀ kə̀ Fughu ko

²⁷ Kən lò fəgha kela kə mò sə fɛ alo enaʼ, Hɛlɔ̀d, àsùghò Ponshɔs Paelɛ̀t, ghèe ghê Tòʼò tò, à ghì ghə Ezə̀lɛ̂ ghò; ghe maā zûuŋ tsùghù ghue zo, nyə tsughu utsəm am tuw kə kɔ̀ɔ fə̀ghà fə̀ dzûŋ fò, Yɛso wəla ghù mò tsuʼ tsughu.

Faic an caibideil Dèan lethbhreac

dol air ais ⬆

Kə̀fwàʼ 4:27
53 Iomraidhean Croise

Matìo 14:1

An tì kə te ko, Hɛlɔ̀d, tɔɔŋ ghùw wəla ù fə̀ lo tuw ko am bà kə enaʼ kə̀ li ko am mbùʼ è Galèlîi n zuw tsughu zwɔ̂ŋ u Yɛso,

Faic an caibideil

Matìo 14:3

À n lo êzə̀ mo Hɛlɔ̀d mafə̄ tsəghàsò lâŋ kò enyəa ghe kûm Dzɔ̌n alo tətsāʼ, ghe tum an ndùghùtsāʼ enyəa a so à lò ghəa e wìzən ù lì ghe fə̀ tɔɔŋ tsəgha enyəa à lǒ Hɛ̀lodìa. Wìzən wən fə̀ niī tsəgha Felèp, wàatsele ù Hɛlɔ̀d, Hɛlɔ̀d m bùghò tsʉ̀ʉn nì nùghù è kɔʼ.

Faic an caibideil

Matìo 14:6

A m bughò ghuw ghə edzə̄ a Hɛlɔ̀d à tsəghà kpe wo, wɛ fə Hɛ̀lodìas fə̀ zən fə m bən laaŋ tsughu a fughu an sə kə aghì enyə, bǐibǐi tə ŋ kɔʼ Hɛlɔ̀d,

Faic an caibideil

Matìo 21:28

Yɛso ŋ kòom dzɛ̀ kpèʼe ndùw â ghee enyəa, “Ghɛ̀ moʼò èndugho an shwaʼ wən à? Tûwbʉ̀ghà ù lì fə̀ ki wɛ a wə̄n à nûu ghò a bə̀ghà, ù n ndùw alo ù sûesʉ, dzɛ̀ â wə̄n enyəa, ‘Ŋ wɛ̄, ghù nɛ e soʼō fwaʼà zee an usum mā.’

Faic an caibideil

Matìo 23:37

“Hɛɛ̄ mūghō a ghî a Yɛ̀lusalɛ̀m ghò, ghî a Yɛ̀lusalɛ̀m ghò, wiin ghɛ̀ ghiīshʉ̀ghà a Kəzə̀ ghò ènyə, təəm sùghò ghì ghəla Zə̀ kə̀ tum wo a vʉ̀a ghɛ̀ alo atīa! À è zə̀ŋ lo tənəghā tə sòʼ Ǹ dəmà ko aletsəla nalà naŋā tsughu ghɛ to mbvʉ lô tsəla zûuŋ wô wɛ a wə̄n gho an ghùoo tə wə̄n a, ghɛ̀ yia boom yo à?

Faic an caibideil

Matìo 27:2

Ghe daŋso kwù kùm tsùghu wə̄n alo tətsāʼ, nì nùghù ndùw kɔʼ wə̄n, ndùw fùghù ndùw â Paelɛ̀t, tɔɔŋ gɔvə̀nò ù Lumà wəla ù fə̀ lɛɛ̄n mbùʼ è te.

Faic an caibideil

Mâk 10:33

Ù n dzɛ̀ â ghee enyəa, “Ghɛ̀ ghɛ̀ɛ, sɛ̀ fɛ êzəŋ kɔʼɔ ndùw an Yɛ̀lusalɛ̀m, a fia ghe lo feēn fughuu tsughuu Wɛ ù Ghùw â Tuw u təfɔ̀e wò ghèe ghê dèekə̀làŋ, ghe tsəghàsò tsughu kəlâŋ enyəa ghe wi wə̄n ghe daŋso nîi fughuu ndûw wīn â Tòʼò e tə̀dzûu zò,

Faic an caibideil

Mâk 15:31

Tuw u təfɔ̀e ghèe ghê ghì à deē kə làŋ ghə m bɔɔm tə̄mā sùghò wə̄n â nduw êzə̀, dzàa tsùghuu aŋ ghùe e ghee enyəa, “Ù maā ghî à li a bəghasə̄, vʉ̀a ù yò alebəghaasə u wə̄n wo ughue.

Faic an caibideil

Lûk 1:35

Tum zə n dzɛ̀ â wə̄n enyəa, “Zuʼ tə̀ Zɔlɔ tə lo nyəən tsughuu a zəŋò ghù, ghù lo e mughu an daʼa kə Kəzə̀, Tsə̂ntə̀mbî. Zən lò e ghee ghe lo tɔɔ̄ŋ tsəgha wɛ wəla ghù lo dzəā wô enyəa, à lǒ Wɛ ù ŋgòʼ; tɔɔŋ Wɛ ù Kə̀zə̀.

Faic an caibideil

Lûk 22:63

Ghî ghəla ghe mò chîin Yɛso n daŋso kaʼ tsughu alesɔ̀ʼsò wə̄n, buu wə̄n.

Faic an caibideil

Lûk 23:1

Ghe a dzə̀m n daŋso nùghù è kɔʼ, nì ndùw Yɛso a vʉ̀a Paelɛ̀t;

Faic an caibideil

Lûk 4:18

“Zuʼ tə Mughù ù te tə kê lò a zəŋò mùghò, bòʼ ù mò mugho tughu tsughu alenaʼn nduw Làbəlà è Dzùŋ â ghì à laa gho. Ù mùghò tum wò alenàʼà ndûw enyəa ghî ghəla ghe mò kɔʼ ndùghùtsāʼ mo ghe mǒ ghee kwu an tsam lo səā nù, n naʼà ndûw sughò enyəa ghî à foō a lo kòʼò àsə, àsùghò alebəghāa sə ghî ghəla ghe zuūw ŋgoʼ aŋ ghùu ghì à li gho.

Faic an caibideil

Lûk 9:22

Ù n dzɛ̀ sùghò â ghee enyəa, “Wɛ ù Ghùw kì alefala an ndə̀mà tə aghəa; tsoʼ tə enaʼ tə lo tuū maʼà wə̄n ghèe ghê tuw u təfɔ̀e wò, àsùghò ghê dèekə̀làŋ, ghe nîi wiī maʼà tsughuu sughò wə̄n. Zə̀ kə̀ lo zôo nughù kɔʼ wə̄n bugho tsuʼu m kpe tsughu n təgha.”

Faic an caibideil

Dzɔ̌n 1:11

Ù ŋ kwə̄n nyə̀ wo an naʼ e wə̄n, ghî a wə̄n ghə n tàʼkè kpeē nî Wə̄n.

Faic an caibideil

Dzɔ̌n 10:36

yia a bughò mugho, bəghà mò ndzəə̄m tsɔʼ kɔʼ nû, tùm nyə̀ wò am mbī; ghɛ̀ sô lǒ ênzə̂n alekoōm dzaā wo enyəa, ‘Ghù sùuwn Kə̀zə̀ a, bòʼ Ǹ dzɛ̀ enyəa, Ǹ lo Wɛ ù Kə̀zə̀ a?’

Faic an caibideil

Dzɔ̌n 18:28

Ghî à ne a Tə̀dzûu ghə̀ n daŋso nì sə̀ wò Yɛso an ndùghù è Kaefàs, ndùw fùghù ndùw wə̄n am mbɛ̀ a lô Paelɛ̀t, tɔɔŋ gɔvə̀nò am mbùʼ è te, â zùwzùw kə utsūʼ ko. Ghuūghùe e ghee zə kè kuūwn nyə an Pə̀lə̀tɛlùm, e kwo ko ghe lô dzəsō ghue e ghee zo, ghe doʼò mo ghe kâ zə̌ zə kə̀ Zəŋso Naaŋ ko, to aŋghəa e fə̀ lo am bùghoo kə ghee:

Faic an caibideil

Dzɔ̌n 18:29

Paelɛ̀t n daŋso bùghò sə̀ kòʼ wò ghee a beē, bvʉ â ghee enyəa, “Ghɛ̀ ghùw wə̄n kwu enyəa ù bǒon kə̀ kwò?”

Faic an caibideil

Dzɔ̌n 19:34

Sùghugòʼ e mɔ̀ʼ an sùghugòʼ tə te to n nì kɔʼ eghɔŋ tsuʼ nyə kɔ̀ʼ ndùw ti e ebùghu e Yɛso a te, mùghù mə̀ n sə̀ tsùghù wò a te àsùghò kàŋ tò.

Faic an caibideil

Kə̀fwàʼ 10:38

Ghɛ̀ kwo nû ghəa ghə̀là Zə̀ kə fə̀ tsuʼ tsughu Yɛso, ghùw ù Nazalɛ̀t wə̄n, fughu tsughu wən â Zuʼ tə̀ Zɔlɔ to àsùghò dwaʼa wo. Ghɛ̌ yia kwo sughò ghəa ù mò ŋgəaa ghəə̄ŋ kaāŋ ndûw dzɔ̂ zò, baāŋ ndùw ghì ghəla vʉatsə̄a a naŋā ŋgòʼ a zəŋò ghee, tɔŋlo enyəa Zə̀ kə̀ mò ti a bǎà wə̄n.

Faic an caibideil

Kə̀fwàʼ 2:27

Tɔŋlo enyəa ghù kè nǎaŋ tàʼn yò ghue waŋa wo an naʼ zə evʉ̄, ghù kè zə̀ghàan màʼn sùghò yò enyəa Wɛ wʉ̂a ù Dzùŋ fìaa buŋù ndûw.

Faic an caibideil

Kə̀fwàʼ 4:30

Děe tsughu daʼa kə̂a kə̀ baaŋ kə aghì kò â ghì ghò, ghàʼ è deē nduw fə̄ən zo, à sə̀ghàa mò an zən e kɔ̀ɔ fə̀ghà fə̀ zɔlɔ fo, Yɛso.”

Faic an caibideil

Hibùlù 7:26

E mò kpe nû enyəa a kele tsughu ŋgòʼ è tuw kə fɔ̀e tò kən, ghùw mò u zɔlɔ nù, ki yo tsû wò, ki yo dzʉ wo, yò dzəəŋ dzə̂ ghèe ghê ghì à biigh gho, mò Zə̀ kə̀ ŋ wə̄n alo kəwala kɔʼso naŋa kɔʼ.

Faic an caibideil

Lean sinn:

Ceanglaichean taic

Sanasan

Sanasan