Kə̀fwàʼ 4:13 - To kə Kəzə̀ kə̀ Fughu ko

¹³ Ghəa ghe kôʼ tsughu fə̀ŋ zəla ghê Pità ki ghè zò, kòʼ tɔ̀ tsùghù sùghò enyəa à tsò lò ko làŋà tə aghì, mo ghe bûʼ kwò sugho yo mwàʼsò kò, dzughu zə n zum ghee, ghe fi daŋso kòʼkɛ̀lɛ kɔʼ nu ghee enyəa ghe mò lo tsəgha nû ghèe ghê Yɛso.

Kə̀fwàʼ 4:13 Iomraidhean Croise

Matìo 11:25

Yɛso n dzɛ̀ tsùghù an nə̀ghà e te zo enyəa, “M̀ fughu zɔ̀ɔŋ kə̀a a Tsele waŋā, Mughu ù kəwala à ghueekətsə̄ ko, enyəa ghù ŋ ghəa ghən nân nàŋa â ghì à tɔɔ gho, ghù vʉ̀a ghù dè fughu tsughu â wɛghêtùghù gho.

Matìo 26:71

Ù mo e tsəghàasə̌a ndùw alo kəfālā, kɔ̂ɔ fə̀ zən fə̀ li fə ŋ kòom kòʼ kpèʼe tsughu wə̄n, dzɛ̀ tsùghù â ghì ghəla ghe mò kùʼù ti kaāŋ fughu enyəa, “Bəghà wən mò lo ghèe Yɛso, ghùw Nazalɛ̀t ù vʉ̂.”

Matìo 26:73

A mo e tsûuŋ tsùghuu ko enyə, ghî yia ghe mò ti kaāŋ fughu m bùghò dzɛ̀ â Pità enyəa, “Kùmkùm, ghù lǒ ghùw aŋ ghì ghən, tɔŋlo enyəa ghù ghəa a bɔɔm kə̀a ko tǒ ghùw ù Galèlîi.”

Lûk 22:8

Yɛso n tum tsughu Pità ghèe Dzɔ̌n â ghee enyəa, “Ndǔw ghəəŋ tsughu nlò fəghàzəa kə kəzə kə̀ Ezəŋsō naŋa ko, a lô zəā.”

Dzɔ̌n 19:26

A m bùghò Yɛso kòʼ ghəa ghəla zə̂ ghèe tsə̀ndə̄ghā è wə̄n zəla ù mò ŋgeē zəla ù ləghaa ti a vʉ̀a wə̄n, Ù n dzɛ̀ â zə̀ enyəa, “Nughò, kôʼ wɛ wʉ̂a lo!”

Dzɔ̌n 7:15

Dzughu zə n zuu Tə̀dzûu aŋ ghəa a te gho, ghe bvʉ enyəa, “Tûw wə̄n ghəa ghən kele ênzə̂n mò ù kaam tso nyə̀ kôʼ mwàʼsò kò a?”

Dzɔ̌n 7:49

À sò fɛ kuuwn lò enyəa saʼ kə aghì kəla kə kwo yo lâŋ kə Musî kò, ghe ŋ ghee ləŋ naŋā.”

Kə̀fwàʼ 4:14

A m bùghò ghe kôʼ tsughu ghùw vʉa ghe mò baāŋ kɔʼ ti am bùghu e ghee, ghe n làʼkè kɔ̀ʼ ghəa è kəaa zo alekōmsō ndûw ghee.

Kə̀fwàʼ 4:19

Ghêe Pità m fwə̀n bɛ̀lɛ̀ ndùw ghee enyəa, “Kəŋ tsughu nlò aŋ ghùe zɛʼɛ̄ enyəa e zɔlɔ nù an sə kə Kəzə̀ alezūw â ghɛ̀ mo a kâ zùw ndùw â wə̄n;

Kə̀fwàʼ 4:29

Ezə̀ŋ a Mughubè, lɛɛn tsughu ghəa ghe kʉ̂a ghaʼ, ghù ghəəŋ tsughu kɔ̀ɔ mə̀ghà ŋ kele tsughu fə̂ŋ è tughu, mə̀ è doō kəaa shwaʼ wʉ̀a wò an dò tə aghəa.

Kə̀fwàʼ 4:31

A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.

Kə̀fwàʼ 9:27

Bànabàs n nùghù nì kɔ̌ʼ wə̄n nì ndùw wən a vʉ̀a tum to, ndùw tèso kɔ̀ʼ ndùw ghəa Sôol mò kôʼ Mughubè ù te a te an dziī, vʉ̀a ù mò kə̂a wô wən â ghəa gho. Ù n dzɛ̀ ndùw ghəa Sôol mò ndzəmà Kə̀aa ghəa gho a te an zən e Yɛso an Dàmaskùs.

Kə̀fwàʼ 9:28

Sôol fi daŋso kaʼ tsughu nû aletsə̀ghàan kaŋlo an Yɛ̀lusalɛ̀m am bvʉa e ghee,

1 Kòlentìan 1:27

Zə ŋ kə̀ m fwən nì kɔ̀ʼ fəgha kəla kə lo elâʼsò am mbī aledə̀nsò tsughu tuw u ghì à tɔɔ gho, Zə kə̀ n shìaa kɔ̌ʼ bvùʼù mə ŋ ghəanlò am mbī aledə̀nsò tsughu tuw kə ghì à tughu gho a te.

1 Kòlentìan 14:25

Abugho tsɔŋ tə aghəa təla ù ki am fə̂ŋ bùghò dê sə kɔʼ ghue wo an ndɛ, ù lo təm tə̀ŋgūʼ a vʉ̀a Zə kò, ù e fughuu ndûw wən â kɔʼso mò, dzàa səā wô mgbaāŋ wô enyəa, “Zə̀ kə̀ kûm lò nû am bvʉa zɛʼɛ̄.”

2 Kòlentìan 3:12

Ghàʼ biso ki fə̀ŋ aŋghəa ghàʼ chiī tùʼ aŋ ghəa a te gho.