Kə̀fwàʼ 4:12 - To kə Kəzə̀ kə̀ Fughu ko

¹² Tuw kə̀ zəa kə kôom yò dzə̂ aŋ ghûw ù lì, tɔŋlo enyəa zən è li e kôom yò aŋ ghueekətsə̄ ghe fughu â ghùw fɛ am mbī sɛ̀ ki alezə̄ kətuw a te.”

Kə̀fwàʼ 4:12 Iomraidhean Croise

Matìo 1:21

ù lo dzə̄a wò wɛ ù nuu, ghù lo tsʉ tsughu zən e wə̄n zo enyəa à lò Yɛso; tɔŋlo enyəa ù kè bə̀ghasəa ghì a wə̄n aŋ ghùu bòo tə ghee to.”

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 3:36

Ghùw wəla ù boō fughu nduw â wɛ̀ ù te, ù ki mughù è doʼn təla zo, wəla ù zuūw yo â Wɛ̀ ù te, ù kè zə̀ yo tuw ko; nʉghà u Kəzə̀ ù pfʉa u kê kǔuwn dòʼn tə̀là an tuw kə wə̄n.”

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 2:5

À fə̀ an nə̀gha zən lǒ mò Tə̀dzûu, ghî ghəla ghe gaʼ tsughu fə̀ŋ aŋ ghəa e Kəzə, mughu an Yɛ̀lusalɛ̀m, ghe sə kaaŋ wo an nàʼà mə̀n n dzə̀m fɛ am mbī.

1 Kòlentìan 3:11

Nu Zə kə̀ n Yɛso Kə̀lestò nàŋa tən wò tò kəbəghànlò, mò à lò ko kə te ko, fəgha kə li kə yò alekòom kuʼ bəghàan kə li ko.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Hibùlù 12:25

Kòʼo tsughu nlò enyəa ghɛ̀ kâ tue màʼà dzə̌ alezuw â Zə̀ kò, aŋghəa kə kə̀aa wô ghəa gho â ghɛ̀. Tɔŋlo enyəa abugho ghî ghə Ezə̀lɛ̂ a fə̀ taʼkè nɔ̂ɔsə aŋghəa ghe fə̀ tue alezuw â Musî wəla ù fə̀ fughu ghee â tsʉ̀ zò fɛ am mbī, e lô yia boʼn bǒo ênzə̂n a zəŋò sɛ a, abugho sɛ̀ tue maʼa alezuw â Ghùw wəla ù kə̀aa tsughu wo ghəa gho alo kəwālā a?

Hibùlù 2:3

A lo ênzə̂n êzəŋ alesəŋo tîi abugho a dôʼkè gaʼ kətuw aŋ ghəa è səŋò zəla Zə̀ kə fə̀ dzə̂ tsughu alebəghaasə sɛ̌ a? À fə̀ lo ghuūghuè u Mughu ù tè ghùw u sûesʉ alenàʼà wo tum e te. Ghî ghəla ghe fə̀ zuw tum e te n dè wò â sɛ̀ enyəa shwaʼ u te u lo êsəŋò.

Edêe Fughu 20:15

Ghùw wəla ghe mò kəŋo kêe tsughuu zən e wə̄n zo am mwàʼsò kə emùghù, ghe m màʼà nyə̀ ndùw wən am fɛ̀ɛn kə uwə̀n kə te ko.