Kə̀fwàʼ 3:26 - To kə Kəzə̀ kə̀ Fughu ko

²⁶ A m bùghò Zə̀ kə̀ shîaa sə kɔʼ kɔ̂ɔ fə wə̄n fo, kə m bùʼ tùm wò dzə̀ wə̄n a vʉ̀a ghɛ̀ enyəa ù bùghò bughuso ghɛ̀, àsùghò enyəa ù bùghò ghəŋlo ghɛ̀ ti kuwnlo aŋ ghəa ghɛʼɛ à biigh gho.”

Kə̀fwàʼ 3:26 Iomraidhean Croise

Matìo 1:21

ù lo dzə̄a wò wɛ ù nuu, ghù lo tsʉ tsughu zən e wə̄n zo enyəa à lò Yɛso; tɔŋlo enyəa ù kè bə̀ghasəa ghì a wə̄n aŋ ghùu bòo tə ghee to.”

Matìo 15:24

Yɛso ŋ kuuwn dzɛ̀ â wìzən vʉ enyəa, “Ghe mò mugho tum wo â ghi ghə Ezə̀lɛ̂ ghəla ghe lo tò ndzì təla tə lâʼ miāa.”

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Dzɔ̌n 4:22

Ghɛ̀ fughuu ŋkɔʼso â fəgha kə̀là ghɛ̀ kwo yo, ghàʼ yia kɔʼso fəgha kə̀là ghàʼ kwo tən, tɔŋlo enyəa Zə̀ kə fə̀ to naŋa enyəa mbī lô tuw kə zəa am bàm e Tə̀dzûu.

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 2:24

Zə̀ kə̀ ŋ kwuun zè zə̀ghàa tsùghu wə̄n am fàŋà kə evʉ̄, nì nùghù kɔ̌ʼ wə̄n alo evʉ̄, tɔŋlo enyəa vʉ e kaā kɔʼ kpè dzə̀ alenì wə̄n.

Kə̀fwàʼ 2:32

Zə̀ kə̀ maā Yɛso wən zôm nì nùghù kɔ̀ʼ, ghàʼ ghən à dzə̀m fɛ ti ko aŋ ghəa e te zo.

Kə̀fwàʼ 26:20

Sʉ̂esʉ mùgho n dzɛ̀ tsùghù an Dàmaskùs, daŋso ndùw an Yɛ̀lusalɛ̀m, daŋso zùghòo ŋgə̀a wò Dzùdîa edzə̀m, dzɛ̀ ndùw â Tòʼò tò, enyəa ghe kuuwn kɔʼ fə̂ŋ tə ghee, ghe boō ndûw Kə̀zə̀, ghe e fwaʼā nduw sugho ghəa ghəla a dêe tsughu enyəa ghe ŋ kūwnlō.

Kə̀fwàʼ 3:13

À lǒ Zə̀ kəla Abə̀làhâm àsùghò Aezìk àsùghò Yàkɔ̂b fə̀ kɔʼso tsəgha, tɔɔŋ Zə̀ kə ghê tsele a sɛ̀, kə fughu tsughu kɔ̂ɔ fə wən fo Yɛso â kɔʼso n te mò. Ghɛ̀ ŋ kuuwn nì kɔʼ wə̄n fèe fùghù sə̀ ndùw enyəa ghe wi, tùe màʼà sùghò wə̄n an sə kə Paelɛ̀t, mo Paelɛ̀t maā tsə̂m enyəa ghe zəghàa maʼà wə̄n.

Kə̀fwàʼ 3:15

Ghɛ̀ mo enyəa ghe fwəlà ndûw wiī maʼà ndûw Ghùw wəla ù fughuu mughùu zo, Zə̀ kə̀ ŋ kuuwn nì nùghù sə̀ kɔ̀ʼ wò ko wə̄n alo evʉ̄; ghue e ughùe zaʼā e maā ghəa a te gho a dzə̀m a kôʼ yia a dzâa wo êzə̄ŋ.

Kə̀fwàʼ 3:20

Abugho ghɛ̀ ghəə̄ŋ tsughu êzə̀ Zə̀ kə̀ lo ghəə̄ŋ tsughu kʉ̀ɛɛ kə̀ nyəā wô ghɛ̀, ù tuū wô sughò Kə̀lestò, tɔɔŋ Yɛso wəla ù fə̀ tsuʼ naŋā kɔʼ â ghɛ̀.

Kə̀fwàʼ 3:22

Zən lǒ bòʼ ghuūghùe u Musî ù mafə̄ dzɛ̂ enyəa, ‘Kə̀zə̀, Mughù ù te kê nìi sə̌a kɔʼɔ ghùwshʉ̀ghà am bvʉ̄a e waazughù tò Ù fə̀ nî sə kɔʼ mugho. Ghɛ̀ kê kì alebɔ̄ɔm zuuw ko â wən aŋ ghəa ghən à dzə̀m ù dzàa wo â ghɛ̀.

Kə̀fwàʼ 3:25

Ghɛ̀ fɛ lǒ, ghɛ̀ lo ghî ghəla ghɛ̀ ki alenì fəgha kəla ghiīshʉ̀ghà ghən dzaā, ghɛ̌ yia lô sugho an to kəla Zə̀ kə fə̀ to naŋā â tselè ghê tsùghò, Abə̀làhâm enyəa, ‘Ghe lo bughusô tum wə̀n ù dzə̀m am bàm e wɛ a kətigh ghə̂a.’

Lumà 1:16

Ǹ də̂nsò yò tuw ko alezughò Làbəlà è dzùŋ zən kùu ndùw Kə̀lestò, tɔŋlo enyəa à lǒ dzì zəla daʼa kə Kə̀zə̀ kə̀ bəghaasəa ghî ghən a dzə̀m ghe lo mo ghe m boo fughu â wə̄n, mò kə nî nùghù tsùghù a zəŋò Dzûu tò bughò tɛ̀ wò a zəŋò Tòʼò zò.

Lumà 15:29

Ŋ̀ kwo tən nû enyəa abugho Ǹ lo bugho fì a vʉ̀a ghɛ̀, Ǹ lo ghəəŋ nù Kə̀lestò lo ŋgeē fughu ghɛ â bughuso zo.

Lumà 15:8

Ǹ so Ǹ dzâa wô â ghɛ̀ enyəa Kə̀lestò fə̀ bugho tǒ ghùw u kəfwàʼ â Dzûu tò alebùghò dêe tsughu enyəa Zə̀ kə naaŋ nù dzughu e wən zo am fəgha kəla kə fə̀ to naŋa à ghê tselê tsele a ghee gho.

Efɛsùs 1:3

Kɔʼso n lo à Zə̀ kò, Tsele ù Mughùbè ù sɛ̀ Yɛso Kə̀lestò, wəla ù fughu sɛ̀ a bughuso e shʉ̀ghà zò mo e nùghù wò alo kəwālā aŋghəa sɛ̀ à ghê Kə̀lestò lò fəgha ko kə mɔ̀ʼ.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

1 Pità 3:9

Kà bo zə e tsəa alo ebo, ŋkāa abugho ghùw tsɔ̀ɔm wô ghû, kâ wə̄n tsɔ̂ɔm sùghò. E kuuwn fughuu bughuso zo, bòʼ Zə̀ kə fə̀ ghɛ tɔŋɔ enyəa to ghɛ̀ mo kele bughuso zo.

Dzûd 1:24

Ŋ̀ gɔ̂ŋlo enyəa to sɛ̀ mô fùghù ŋkɔʼso n dzə̀m â Zə̀ kò, Zə̀ kəla kə kwu kele ghɛ̀ enyəa e kwo ko ghɛ̀ lô neē bvʉ̂a, Zə̀ kəla kə lo ghəŋlo enyəa ghɛ̀ eduʼnlo abugho kə kê nî wô ghɛ̀ an səghanyəgha ŋ wə̄n mò ghɛ̀ ki yo nyàaŋ fə udzʉ fə̀ li fo am fə̀ŋ tɛʼɛ.