Kə̀fwàʼ 3:25 - To kə Kəzə̀ kə̀ Fughu ko

²⁵ Ghɛ̀ fɛ lǒ, ghɛ̀ lo ghî ghəla ghɛ̀ ki alenì fəgha kəla ghiīshʉ̀ghà ghən dzaā, ghɛ̌ yia lô sugho an to kəla Zə̀ kə fə̀ to naŋā â tselè ghê tsùghò, Abə̀làhâm enyəa, ‘Ghe lo bughusô tum wə̀n ù dzə̀m am bàm e wɛ a kətigh ghə̂a.’

Kə̀fwàʼ 3:25 Iomraidhean Croise

Lûk 1:72

aledèe tsughu se è kwuso zəla kə fə̀ boō naŋā â ghê tselè tsele a sɛ̀ àsùghò alefòʼn kɔʼ kàa ŋ wə̄n m bǎa mò;

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 2:39

To kən lò â ghɛ̀ à ghê wɛ ghɛʼɛ̄ gho, àsùghò â ghì ghəla ghe lɔʼsō mughùu nduw, mò à lò ghî ghə̀n à dzə̀m Mughu ù te, Zə̀ kə sɛ̀ lǒ mò ù ŋ ghee tɔŋɔ.”

Lumà 15:8

Ǹ so Ǹ dzâa wô â ghɛ̀ enyəa Kə̀lestò fə̀ bugho tǒ ghùw u kəfwàʼ â Dzûu tò alebùghò dêe tsughu enyəa Zə̀ kə naaŋ nù dzughu e wən zo am fəgha kəla kə fə̀ to naŋa à ghê tselê tsele a ghee gho.

Lumà 4:13

To kəla Zə̀ kə fə̀ to naŋa â Abə̀làhâm ghèe ghê waawɛ a wə̄n gho, enyəa à kè mbī e dzə̀m ki ghee fə̀ yo dzə̂ bòʼ Abə̀làhâm fə̀ zuūw lâŋ kò. À fə lo bòʼ fə̀ŋ zəla ù fə̀ gaʼ tsughu a zəŋò Zə̀ kò, Zə̀ kə̀ n nì ndùw wə̄n an tāŋ enyəa ù lò ghûw ù tsəghatsəgha.

Gàlashìan 3:16

Zə̀ kə fə̀ to kə to â Abə̀làhâm, àsùghò â wɛ ù wə̄n. Mwàʼsò kə Kəzə̀ kə̀ kâ dzɛ̀ dzə̀ enyəa, “Àsùghò â wɛ a awɛ a wə̄n gho.” E fi moʼò dzə̀ yǒ ndə̀m è àghì; e moʼò ko ghùw u mɔ̀ʼ, “Àsùghò â wɛ wʉ̂a.” Mò à lǒ Kə̀lestò.

Gàlashìan 3:29

Abugho ghɛ̀ lô dzə̂ ghɛ̀ à ghêe Kə̀lestò, ghɛ̌ fi lo wɛ ghə Abə̀làhâm, ghî ghəla ghe ki to kəla Zə̀ kə fə̀ to naŋā â Abə̀làhâm.

Gàlashìan 3:8

Ghe fə̀ tɔm naŋa am Mwàʼsò kə Kəzə̀ enyəa Zə̀ kə̀ lô Tòʼò è naaŋ tsəghatsəgha am fə̂ŋ è ghee zəla ghe gaʼ tsughu a zəŋò wə̄n, Kə̀zə̀. Zən lò e ghee Zə̀ kə fə̀ dzɛ̂ naŋā zîi wo Làbəlà è Dzùŋ â Abə̀làhâm enyəa, “Naʼà tə̀n tə̀ dzə̀m fɛ a mbī kê bughuso e kele am bàm zəghà.”

Edêe Fughu 14:6

Mùghò n daŋso nùghù kòʼ kpèʼe ndùw tsə̀ndə̄ghā è lì è zəghāa kaŋlo edzuŋ, mò ù kǐ làbəlà e dzùŋ zəla è dòʼò tən alenàʼà â ghì ghən a dzə̀m ghe mughu aŋ ghueekətsə̄, â nàʼà mə̀n n dzə̀m, â ndùm tə̀n tə̀ dzə̀m, â tùu tə̀n tə̀ dzə̀m, àsùghò â ghì a sàʼà tə tənàʼà tən tə dzə̀m.

Edêe Fughu 5:9

Ghe n zôo zom è fughu zo, zoo tsughu enyəa, “Ghǔ ŋ kɔʼkpe alenìi kɔʼ nyəme u kəmwàʼsò u te wo, àsugho alezʉ̀mè nughù kɔʼ mə̀ŋ e te, tɔŋlo enyəa ghe maā ghû wì, ghù n nì kɔ̀ʼ kâŋ tə̀ghà zuesə tsughu aghî a te an ndùm tə̀n tə̀ dzə̀m àsùghò ghì ghən a dzə̀m ghe dzeŋe saʼā shwaʼ wo u mɔ, an tum wən ù dzə̀m, aŋ ghì ghə̀n à dzə̀m an nàʼà tə̀n tə̀ dzə̀m, ghù n nì fùghù wò â Zə̀ kò.

Edêe Fughu 7:9

A m bùgho ghəa ghən tsəghà tsughu, mùgho ŋ kòʼ nɔ̂e kə aghì mò ghùw lì yo aletaŋ, aghî ghe sə kaāŋ wo an naʼà tə̀n tə̀ dzə̀m, an tùu tə̀n tə̀ dzə̀m, sə kaaŋ wò sùghò ndughu tən tə̀ dzə̀m, ghe n saʼâ sàʼà tə nàʼà tə̀n tə̀ dzə̀m; ghe n ti an sə kə ndàŋ è kə̀də̀ŋ è te àsùghò a sə̀a Tsʉa u Ndzì u te wo. Ghe a dzə̀m n lo mo ghe n tə̄m dàla tə̀ famā to a zəŋo e eghùe, chìa ŋ ki kətsəghā aŋ ghu.