Kə̀fwàʼ 3:19 - To kə Kəzə̀ kə̀ Fughu ko

¹⁹ À fi lo enyəa ghɛ̀ ki alemàʼà ebo, ghɛ̀ koom fən wo fə̂ŋ tɛʼɛ to a zəŋò Zə̀ kò, tò ù zèe maʼà bòo tɛʼɛ, ù sùuw zɔnso tsughu ghɛ.

Kə̀fwàʼ 3:19 Iomraidhean Croise

Matìo 13:15

Nu ghî ghən tughù â tuw aŋ ghəa zən, ghe yia fê naŋā kɔʼ tūŋlō u ghee wo, ghe yia kəmā naŋā tsughu sə gho, ghe lô koʼò tɔɔ̄ an sə a ghee, ghe zuūw sughò an tùŋlo u ghee, ghe zuūwkɛlɛ tsughu am fə̀ŋ tə ghee, ghe kôom tiī kôom wô a vʉ̀a mùghò, to M̀ baaŋ ghee.’

Matìo 18:3

dzɛ̀ tsughu enyəa, “Kùmkùm, ghəa Ǹ dzâa wô fɛ â ghɛ̀, à buw mò ghɛ̀ kuuwn kɔʼ nû, ghɛ̀ doʼo tsughu tò wɛghêtùghu ghən, ghɛ̀ kê nyə yo am fɔ̀e u kəwālā.

Lûk 1:16

Ù lo fə̀nsò wò sùghò fə̀ŋ tə ndə̀ma tə wɛ ghə Ezə̀lɛ̂ a vʉ̀a Tsə̂ntə̀mbi, Zə̀ kə ghee.

Lûk 22:57

Pità n tùe màʼà ghəa yì, dzɛ̀ enyəa, “Êwɛ̀, Ŋ̀ kwò dzə yo wə̄n.”

Kə̀fwàʼ 1:6

A m bùghò tsuʼ ù li wo tsətəndə̄ghā tə zûuŋ doʼò tsughu ghèe ghê Yɛso, ghe m bvʉ tsughu â wən enyəa, “Mughùbè, zən lò nəgha zəla ghù se fughuu tsəghàa ndûw fɔ̀e u te wo â Ezə̀lɛ̂ hò à?”

Kə̀fwàʼ 11:18

Ghəa ghe zuw tsughu ghəa ghən gho, ghe m bughu naŋâ ghəa ghəla ghe mô kəaa ghè ghò, kàʼ ndùw alefughu ŋkɔʼso â Zə̀ kò, dzàa tsùghuu enyəa, “Zə̀ kə̀ m fùghù sùghò ghî ghəla ghe yô Dzûu tò â bùʼ kò alemàʼà bòo tə ghee, to ghe kelê mùghù zəla e doʼò tən.”

Kə̀fwàʼ 11:21

Zə̀ kə̀ m fughuu ghee â daʼa ko, ndə̀mà ndəmà tə aghì tə m boo fughu â Kə̀lesto, fə̀n dòʼò wò ghì a Mughu ù te.

Kə̀fwàʼ 15:3

A m bùghò ghe sô lo an dziī ghəa ghî a Kə̀lestò à tum sə tsughu ghee, ghe n tsə̀ghà nyə̀ ndùw dzì am Fòenishìa àsùghò an Sàmalìa, nàʼn ndùw ghəa Toʼò è fəlà doʼn wô ghî à Kə̀lestò ghò a te. Shwaʼ wən n dzə̀n ndùw kə̀duʼnlo am fə̀ŋ tə waakə̀lestò yì à dzə̀m.

Kə̀fwàʼ 17:26

Ù fə̀ ni kɔʼ ghùw u mɔ̀ʼ bɔm tsughu ghî a nàʼà tə̀n tə̀ dzə̀m tə̀ dzə̀m fɛ am mbī, ghəəŋ tsughu ghe m mùghùu ŋgə̀a wò mbī e dzə̀m. Ghuūghùe u wə̄n wə m fəghaan naŋa zìi tə̀n tsùghù sùghò nəgha tə te to, naŋa kaaŋ ndùw sùghò tee e lùʼù təla ghe kê mughùun kaāŋ nduw a te.

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Kə̀fwàʼ 28:27

Tɔŋlo enyəa, ghî ghən m fə̀ŋsò dòʼò, tuŋlō u ghee vʉa u tughūu alezūw aghəa; ghe yia kəmā naŋā tsughu sə a ghee gho; enyəa e kwo ko ghe lô so e koʼò àghəa an sə a ghee, ghe lô zuūw sugho, enyəa e kwo ko ghe lô zuūwkɛlɛ̄ sugho am fə̂ŋ è ghee, e kwo ko ghe laʼà bâŋà kôʼò wô mùghò tò M̀ baāŋ kɔʼ ghee.’

Kə̀fwàʼ 3:20

Abugho ghɛ̀ ghəə̄ŋ tsughu êzə̀ Zə̀ kə̀ lo ghəə̄ŋ tsughu kʉ̀ɛɛ kə̀ nyəā wô ghɛ̀, ù tuū wô sughò Kə̀lestò, tɔɔŋ Yɛso wəla ù fə̀ tsuʼ naŋā kɔʼ â ghɛ̀.

Kə̀fwàʼ 3:21

Yɛso wən lo ki alekɔʼɔ̄ doʼò alo kəwālā, nəgha e Kəzə̀ è kê telè kpeē tsughu â wən alelūesō tsughu lâŋ kə kətō kə wə̄n kəla ù fə̀ ki tum naʼà wô to â ghǐishʉ̀ghà a wə̄n gho â wǐiwì.

Lumà 11:25

Waazə̂ ghaŋa gho, səŋò è li e lo nû e nân doʼō Ǹ ləghaa enyəa ghɛ̀ kele tsughu, e lo ghəə̄ŋ tsughu ghɛ, ghɛ̀ è kɔʼso yo ghue zo enyəa ghɛ tɔɔ nù. Nû tuw kə̀ tughuu kəla ghî ghə Ezə̀lɛ̂ à ki yò dzə̂ ghəa è doʼn təla zo, à tsò zə̀ghàa tsughu ko Kəzə̀ enyəa zə e lo êzə̀, to kə kele kə̀bùʼ alenìi nyəa wô Toʼò zəla kə ki alenìi nyəa wô.

2 Tɛ̀sàlonìan 1:10

Abugho ù kè bugho am tsuʼ fə tēfō, dzughu ghə e ke zuu ghî ghə̀n à dzə̀m ghe lo mo ghe m boo fughu à Zə̀ kò, ghe e fughuu wə̄n â kɔʼso mò. Ghuūghùe zɛʼɛ e ke lo aŋ bvʉa e ghee, ghɛ̀ sô lo mò ghɛ̀ maā boo fughu shwaʼ wəla ghǎʼ mò bughò dzɛ wo â ghɛ̀ kùu ndùw wə̄n.

2 Tɛ̀sàlonìan 1:7

Kə lo fughuu ghɛ̀ ghəla ghɛ̀ fanlō â yòsò zò, àsùghò â ghàʼ. Ghəa ghən kê bəla kə nîi abugho Mughu ù te, Yɛso kè sə tsughuu wo alo kəwālā ghèe ghê tsə̀də̀ndə̄ghā tə Kəzə̀ tə wə̄n tə̀ ghaʼa to.

2 Timotì 2:25

Ù kì alemaʼn tsughuu ghue wo alezoʼn ghì ghəla ghe kee təghasò shwaʼ wə̄n wo, kwo tən am fə̂ŋ e wə̄n enyəa Zə̀ kə̀ lo nû aleghəŋlo ghe tiī maʼà ghəa a ghee à biigh gho, ghe bugho zuūwkɛlɛ kɔʼ êsəŋò.

Hibùlù 4:1

Ghəa to kə̀ nyea ko an lùʼû kə̀ zʉʉn kə ughue kən naam ti dzə, bùgho nlò sɛ̀ ghôom tsughu enyəa ghùw wɛʼɛ u mɔ̀ʼ lò doʼnlo mò ù kà fughu an lùʼû zʉʉ̄n kə ndûw nyə̄.

1 Pità 2:25

Tɔŋlo enyəa ghɛ̌ fə̀ lo tsəgha tò təndzì, tə laʼà bwîi, zə e lo ezəŋ enyəa ghɛ̀ ŋ kòom bùghò nyə ebàm an ghu kə bàʼàtə̀ndzì, tɔɔŋ ghùw wəla ù lɛnlo â mughù zɛʼɛ zo.

2 Pità 3:8

Fən ghaŋa à dzûŋ ghò, ghəa e kuuwn lô e mɔ̀ʼ ghɛ̀ ki yo alenìizə̂, ghəa e te e lo enyəa: an sə kə Mughu ù te, fətsuʼ fə mɔ̀ʼ fə̀ lo tò tənǔu təbɔm èghəm; tənǔu təbɔm èghəm tia tə lo tò fətsuʼ fə mɔ̀ʼ. Ghəa a te gho a bə̀ghà lò ko kəfəgha kə̀ mɔ̀ʼ â wə̄n.

Edêe Fughu 21:4

Ù lo zêe maʼà tsughu sə̀ mə̀ èdì ŋ ghee, vʉ e kê koōm yo, ghî ghə̀ ke koōm diīn yo, zuuw sùghò yò fɔɔn zo, tɔŋlo enyəa mbī è wǐi n tsə̀ghà nùghù.”