Kə̀fwàʼ 3:17 - To kə Kəzə̀ kə̀ Fughu ko

¹⁷ Waazə̂ ghò, Ŋ̀ kwo nû enyəa ghɛ̀ mò ghəa ghən mgbəŋ ghəəŋ nû, tò ghəa ghî ghəla ghe lɛnlō â ghɛ̀ mò mgbə̂ŋ ghəə̄ŋ sugho.

Kə̀fwàʼ 3:17 Iomraidhean Croise

Lûk 23:13

Ghəa ghe kôom nî wô Yɛso a vʉ̀a Paelɛ̀t, Paelɛ̀t n tɔŋɔ tsughu kəbe, tuw u tə fɔ̀e wə̀ n lo a te, àsùghò dwə̀ŋ wò.

Lûk 23:34

Yɛso n nùghù dzɛ̀ tsughu enyəa, “Tsele waŋā, wuwmàʼà bo e ghee zo, nu ghe kwo dzə yo fəgha kəla ghe ghəŋlo ghè kò.” Ghe n nì dzùghù tsùghu ndzʉ̀ è wən aŋ ghùe e ghee mo ghe təm tsughu bòʼ.

Dzɔ̌n 15:21

Ghe lô ghəa ghən a zəŋò ghɛ̀ ghəŋlo bòʼ ghɛ̀ lô ghî ghaŋa gho, nu ghe sô kwo yo ghùw wəla ù tum wô mugho.

Dzɔ̌n 16:3

Ghe lô ghəa ghən a zəŋò ghɛ̀ ghəŋlo bòʼ ghe kaām kwo yô Tsele waŋā ŋkāa mùghò.

Dzɔ̌n 7:52

Ghe m bɛ̀lɛ̀ tsùghù wə̄n enyəa, “Ghù sə̀ sùghò aŋ Galèlîi ŋkāa? Kəŋ sə kɔ̀ʼɔ, ghù so e kele tsughu enyəa ghùwshʉ̀ghà ù Kə̀zə̀ ù lì kê yò alesəa koʼò wô aŋ Galèlîi.”

Kə̀fwàʼ 13:27

Ghî ghəla ghe mughu aŋ Yɛ̀lusalɛ̀m ghèe ghê ghì ghəla ghe lɛnlō â ghee, ghe fə̀ kwo dzə yo enyəa à lǒ wə̄n Bəghambī ù te ghe ŋ kè zuūwkɛlɛ̄ sughò shwaʼ u ghǐishʉ̀ghà wəla ghe mgbaŋā tɔɔ̄ŋ zeē ko tsuʼntəntsə̄ tən tə̀ dzə̀m. Ghe maā kuuwn ghəŋlo shwaʼ u ghǐishʉ̀ghà wə̀ n sə̀ wò êsəŋò, ghəa ghe dzûw maʼà tsughu Yɛso.

Kə̀fwàʼ 22:5

Tuw kə Fɔ̀e kə̀ lo nû aletɔ̀ʼɔ̀ dzɛ̂ ghəa ghən àsùghò tsoʼ to tə dzə̀m an ndùghùkûifɔ̀e. Mùgho mǒ mwàʼsò ù niī kɔʼɔ aŋ ghùu ghee, u nduūw a vʉ̀a waazə̂ a sɛ̀ ghò, mùghò m bwìi dzì è Dàmaskùs alendùw kwuūn wô ghəla ghe lô sugho fùghù èzə̀, nìi wò ghee an Yɛ̀lusalɛ̀m, mo a ŋ ghee kɔ̂n tsùghù, enyəa a bughò fɔesō tsughu ghee.

Kə̀fwàʼ 26:9

Ghuūghùe waŋā, mùgho mò tso kwo enyəa Ŋ̀ ki aletsoō kəŋo tsughu tədziī tə dzə̀m aletuū maʼà tsughu fwàʼ kə Yɛso ù Nazalɛ̀t wə̄n.

Kə̀fwàʼ 28:21

Ghî yi mo â Pôl enyəa, “Ghàʼ kaām mwàʼsò kə̀ li kə fɛ kòʼ kə nughù wo an Dzùdîa kùu ndùw ghù. Aŋ waazə̀ a sɛ̀ ghəla ghe buʼù bughòo tsəghà sughò fɛ, ù lì kaām bughò nàʼà kòʼ ŋkāa kə̀aa kòʼ ghəa è biigh è li zo kùu ndùw ghù.

Kə̀fwàʼ 7:40

dzàa ndùw â Ɛlɔ̀n enyəa, ‘Ghəəŋ tsughu sɛ̀ â zʉ̀ wə mùʼù ù li wo, u e deē nduw sɛ̀ â dzì. Yia a bugho tûwbùghà Musî wəla ù mò nî nughù sə kɔʼ wo sɛ̀ an naʼ zə Edzìpt, à wən yia a kwu kwò à? Òo.’

Lumà 11:2

Zə̀ kə̀ kâ ghì a wə̄n ghəla kə fə̀ ki shiāa to mbī e kaʼā tsughu tue màʼà dzə̀, ŋkāa ghɛ kwo yo fəgha kə̀là mwàʼsò kə Kəzə̀ kə̀ dzaā kuu ndùw Elaedzà a, aŋghəa ù fə̀ dîi tsû u wə̄n wo a te â Zə̀ kò kùu ndùw ghì ghə Ezə̀lɛ̂? Ù n dzâa tsùghu enyəa,

1 Kòlentìan 2:8

Ghùw u mɔ̀ʼ aŋ ghì ghəla ghe fə̀ saʼā tuw u aghì wò fɛ am mbī ka fə̄ zuwkɛ̄lɛ̄ dzə ghəa ghən; tɔŋlo enyəa abugho ghe fə zuūwkɛlɛ̄ tsughuu, to ghe ka mō Mughu ù te wəla ù ki dwaʼa wo u dzə̀m təghàa dzə̀ alo kədàŋlo.

2 Kòlentìan 3:14

Ghe n tughuso naŋa tsughu fə̂ŋ tə ghee tɔŋlo enyəa alebùghò sə nɛ, abugho ghe tɔɔ̄ŋ mwàʼsò kə kàa ŋ wǐi mò, ndɔ̀ŋ kə̀ mɔʼɔ̄ kə te kə naām lò ko mo ghe kaān tsɔʼ nùghù, tɔŋlo enyəa à lò ko am bàm e Kə̀lestò ndɔ̀ŋ kə te kə lo aletsɔ̄ʼ ughue.

Efɛsùs 4:18

Ləm chia kə lo an sə a ghee, ghe yia a ki yo ghu ko am mùghù è fughu zəla Zə̀ kə̀ fughu â ghì ghò, bòʼ fə̂ŋso e ghee, ghe sô tughuso naŋā tsughu fə̂ŋ tə ghee to.

Fèlepìan 1:22

Abugho à bùʼ lò ko alemùghù aŋ gwə̀n e ughùe, à nǎam lò ko fwàʼ kəla kə tsəā â mùghò, alefwaʼā â Kə̀lestò. Yìa à sò lô ko enyəa, Ŋ̀ kwo dzə yo kəla kə tsəghà sə kə̀ li ko.

1 Timotì 1:13

Zə̀ kə̀ maā se zo a zəŋò mùghò kwuso aŋghəa e bûʼ lô ko enyəa M̀ mafə̄ wə̄n bûʼ sùuwn tsə̀ghà dzə̀, dzaŋso kaaŋ tsə̀ghà sùgho tsə̀təndə̄ghā tə wə̄n, bùʼ nòmso sùghò à liʼ gho, tɔŋlo enyəa kə mafə kele enyəa mùghò fə̀ ghəa ghən ghəŋlo an tuw kə e làʼsò.